從溫哥華回來多倫多後，星期二在家稍休息一下，等到星期三中午，主子就車海豚兒，去從前海豚兒在市中心的辦公室，收拾一下東西，很多從前和同事們相處的點滴也湧現，有的變成人妻、有的從回單身路上、有的由新婚變成幾個小孩的母親，有的就升呢變成了祖母，更有一位兩年前因急病而突然離世了。。。唉！説遠了，清完東西然後就去咖啡店，買了好吃的包包和飲品，嘆一嘆！
在市中心逛一回，到晚飯時候，就去Buca餐廳吃晚餐。
先來的是十分好吃的麵包，熱辣辣沾上蒜香味，食到停不了口。
然後就到是日重點，歐洲鱸魚刺身啦！侍應小姐會把木頭車推到餐桌附近，然後把一整條魚，片成一碟魚生，意想不到地，這度菜也不錯吃喎，而且一點也不腥，如果調味再重手一點，就更好啦！
接下來就是深得主子心的意式薄餅，餅底超級好吃，而面頭一片片貌似意大利辣肉腸，其實是用吞拿魚製成的。
還有就是墨汁蟶子意粉，這一味也同樣得到我倆的喜歡！
最後，就是兩款甜品。這裡的甜品反而沒有主菜精彩，不打緊，對於這餐飯的滿意非常，我倆還是心思思，很想再來一趟呀，這餐廳真的很推介啊！
呢餐好正👍
回覆刪除鱸魚刺身冇食過，甜品睇落都唔錯喎😍
呢餐真係未食完已心思思想再去食過，可惜兩款甜品都唔特別啱心水。
刪除點解要執嘢？你搬office定轉工？今次個西餐我罕有地滿意啊(除咗最後右邊個甜品個樣好似過甜！
回覆刪除因為我部門轉hybrid模式，唔會再有固定位置，而我喺downtown嘅位，其實在疫情前已經變成荒廢樂園，咁我咪襯有人車，的起心肝返去執野，順便搬返啲家當返屋企囉，反正就算將來要返office，我仲有另一個近屋企嘅office可以用，而其實到現時為止，公司都容許我地wfh，唔敢逼人返去，因turnover太高。
刪除嘻嘻，呢餐真係應該好啱海鮮控嘅妳！
人生無常、珍惜眼前人吧！
回覆刪除對呀！而其實同事仲好後生，真係無諗過佢會走得咁突然。
刪除唔知點解見佢就咁切, 我覺得好似好唔衛生
回覆刪除我地都有過呢個擔心，不過連我呢個玻璃肚都無事，應該ok嘅。。。如果食物不潔或唔新鮮，我好多時未食完餐飯就會肚瀉😅。
刪除早晨呀 ❗️ 海豚兒 💙💚💛💜❤️
回覆刪除意大利式晚餐的麵包好誘人呀++👍 😋😋 🤤🤤
Happy Friday! 係呀，個bread knots超級好食，可以話係必叫之選！
刪除西餐有魚生，個蟶子意粉都好特別
回覆刪除真係好特別，同埋覺得呢個意大利餐同平時食嘅好唔同，所以想試下😋。
刪除我都两年多冇回公司了.
回覆刪除我下星期「終於」要返公司開會，諗起都心驚驚呀！
刪除你地兩個自己食既, 比起去"旅行"時食既, 更吸引呢...哈哈!
回覆刪除好奇一問, 平時海豚兒同主子係會講咩語言多呀?
多謝妳！小聲說，其實我都覺得，嘻嘻！可能係口味同價值觀差異，主子家人會享受食高級粵菜多過fine dining西餐。
刪除我地90%時間都係講廣東話，除非有外人，否則都少講英文。