這天,我們先去茶餐廳享用港式早餐。
在吃早餐前,Mr. Dolphin已在家中吃了Mr. Dolphin媽媽為兒子準備的BIG BREAKFAST -- 八粒榴蓮!!!!!!!! 不嗜榴蓮的海豚兒全程陪坐,齋睇Mr. Dolphin和Mr. Dolphin媽媽KO大半個榴蓮,餘下的三兩件就交給Mr. Dolphin爸爸包底,據聞,這個榴蓮並未全熟透,難怪海豚兒能夠頂得住"飄來榴蓮之香"~~~
(小秘密時間: 有時頂唔住,海豚兒會食一啖仔榴蓮,然後就咩味都聞唔到,真心覺得自己以毒攻毒的方法好堅!)
和朋友相聚,當然離不開吃吃喝喝,午餐和晩餐也選擇吃sushi,因為温哥華的日本餐水準實在非常高,教人好味到唔停得口。
下午時份,我們去了這對好友家中探望兩位一歲多的成員,貓咪兄妹。
牠們實在是可愛到不得了,友善、好奇、卻膽小,不爪人、不咬人,白雪雪,動靜多多,趣怪指數爆燈!
朋友仔訓練貓咪要先坐下,舉手手,然後才有treat吃。喂,兄台,牠們是貓咪,並唔係狗狗喎! 沒錯,朋友仔以前係養開狗狗,所以,他已習慣了這樣訓練貓兄妹。
晚飯過後,好朋友更為我們準備了專程從Thomas Haas買來的飯後甜品。這兩位好朋友對我們實在是好得沒話說,連Mr. Dolphin媽媽也經常大讚他們人品好之餘,對我倆更是非常有心,海豚兒實在萬分感恩有這樣寵愛自己的好友。
温哥華啲港式早餐點解咁大份嘅?我上次要同朋友兩個人食一份呀。
回覆刪除日本嘢,唔駛講都係最正,恨不得又飛一轉去食啊!
唔止大件,水準仲一流!
刪除去啦,去啦,近過飛日本好多呀! ;)
看來溫哥華是美食天堂*v*
回覆刪除豆丁講得好啱,特別係中式同日式,美味指數長期高企,不過生活指數亦同樣高企,嘻嘻!
刪除溫哥華的港式早餐真的超豐富, 來個Late breakfast可當作午餐呢 ^ ^
回覆刪除好耐無見Mandy啦,希望妳一切安好啦!
刪除真係好大份,最犀利係Mr. Dolphin打咗底都仲食得哂!
港式早餐賣相好對辦喎, 係咪正宗口味架?
回覆刪除仲有Thomas Haas o係HK開過一陣, 但只有朱古力冇甜品, 上圖睇黎都幾吸引喎
呢間好正宗㗎,我十幾年前已經幫襯開,仲由早到晚都要等位吖!
刪除咁得意?呢邊除咗有古古力,最緊要係主打嘅pastries,尤其以almond croissant出名!
朋友仔d貓咪好靚好可愛呀!
回覆刪除難得見到兩位好友, 真係開心! 加上有咁多好耶食, 有無想過搬回來居住呢?
真係好得意架,我到依家都好掛住貓咪呀!
刪除有諗過,尤其喺多倫多冬天嘅時候,不過Mr. Dolphin既工作性質會留喺呢邊啱D囉,返温哥華佢可能會失業啊!
我見到茶餐廳檯面支美極先醒起我未見哩到有得買啊! >.< 係啊, 真心朋友人愈大愈大愈感到窩心的!
回覆刪除我記得羅省有得賣,即係話美極係入口貨-->美國,試下唐人街周圍揾下吖!
刪除特別覺得讀書時適嘅朋友好似陳年佳釀,越耐越有味道!
等我再留意下先!其實我喺唐人街算搵返好多野架喇,係有啲野好耐冇掂過唔見返都唔記得佢嘅存在!多得你張相,哈哈!
回覆刪除得閒就去尋寶,最緊要check expiration date吖!
刪除食榴蓮當早餐???
回覆刪除兩兄妹一樣樣喎,妳分得出邊個係哥哥、妹妹ma?
哈哈!係佢屋企習慣^^
刪除睇就暫時靠pat pat,性格就易D分,妹妹大膽、哥哥怕羞,睇左下張貓貓相就見到妹妹連食都主動D!
海豚兒:
回覆刪除~早餐食榴蓮已經係特別, 仲食八粒榴蓮!! 你先生好好食量!!
~啲食物好熟口面, 港式早餐係Lido!! 我認得!!
~無錯!! 溫哥華啲日本壽司, 真係好好味, 可能環境恩素, 近海, 材料新鮮!! 點整都美味!!
食完媽媽為兒子預備嘅愛心早餐+麗都早餐, Mr. Dolphin到夜晚先至回復食力呀!
刪除Vicky好眼力,係Lido呀!^^
完全認同,近海真好,所以我依家都好羨慕妳呀!
早餐食八粒榴蓮咁多,好勁呀
回覆刪除不過你個小秘密都好可愛....
無計! 阿媽覺得阿仔平時喺多倫多無得食,所以要加碼!!
刪除食咗聞唔到其實都可行,最緊要唔好被誤會恨食就得啦!
個早餐好大份咩? 除咗個餐包變菠蘿包, 其實同香港差唔多.... 我一定食得哂.
回覆刪除唔怕人嘅貓貓同狗都一樣咁可愛.
應該比香港嘅茶餐大份架,妳有機會去温哥華都要試下,嘻嘻! 其實我將個細餐包upgrade咗做菠蘿油,相相裡頭已經食咗個包嘅三份一啦!
刪除貓咪同狗狗我都好喜歡只要佢哋唔咬人,妳隻就更加抵錫!
貓咪們好純呀, 白色長毛很高貴呢。
回覆刪除朋友仔話呢個品種嘅貓咪係屋企貓,出外係完全無求生、保護自己能力,所以超級乖巧呀!
刪除