2013年12月18日星期三

旅行中的旅行 - 吃喝篇

今次除了回去温哥華探家人外,我們還與Mr. Dolphin家人(爸爸、媽媽、家姐)自駕從温哥華到美國Portland吃喝玩樂三日遊。

第一站,我們到chowder小店飲clam chowders同食dungeness crab rolls。Mr. Dolphin較為喜歡Smoked Salmon Chowder而海豚兒就鍾情傳統的New England Clam Chowder。當然,我們亦沒有錯過可口美味的小吃 - Fried Oysters同Clam Strips, 兩款都好味道,不過,海豚兒比較偏心,特別鍾意食炸蠔! ^^



到達目的地當晩,我們在酒店旁商場內的餐廳吃晚飯,這連鎖餐廳在許多美式大型商場都有分店,名字叫The Cheesecake Factory, 海豚兒自九十年代第一次幫襯後便一試難忘,許多時到美國遊樂也會找機會去這餐廳吃東西,今次聯同Mr. Dolphin家人前往,更可以一次過試多幾款菜式,實在是最好不過! 這"蟹痴家族"對crab cakes同crab dip最為喜愛,食到舐舐脷。


(題外話,海豚兒覺得這裡的crab cakes是Ruth's Chris以外最好吃的,因這餐廳是海豚兒當年第一次嚐到crab cakes的地方,而回憶中的美食總是美好的.)


既然餐廳以The Cheesecake Factory命名,我們當然不會錯過這兒的芝士蛋糕,這兒有多過二十款的芝士蛋糕供選擇,但Mr. Dolphin和海豚兒是悶蛋一族,每次都會叫同一款 - Godiva Chocolate Cheesecake, 這款甜品最初是limited time offer only, 後來慢慢變成了長期供應,相信,海豚兒不用多加解釋,大家也想像到它有多受歡迎吧!

第二天的晚飯是在CPK,據Mr. Dolphin家姐資料提供,香港尖咀分店已在數年前結業,其實,這店子的食物也不錯,不過,珠玉在前,The Cheesecake Factory的食物著實是出色許多。難怪,海豚兒在羅省生活數年,卻從未在CPK用膳。


最後一日,我們在另一間意大利連鎖餐廳吃午餐,這是Mr. Dolphin爸爸和Mr. Dolphin媽媽的最喜愛餐廳之一,因他們最愛這兒的沙律、湯餐,至於,海豚兒和Mr. Dolphin對這餐廳的意粉評語就一般而已。



在美國玩樂完三日後,很想吃糖水,回到温哥華,第一時間嘆番碗勁多蛋白杏仁茶,正! 只可惜,當時太累,沒有拍照。

16 則留言:

  1. 回覆
    1. 哈哈,謝謝!
      我過咗呢個禮拜睇到個磅數就流哂眼淚啦! LOL!

      刪除
  2. 海豚兒:
    ~依篇係Portland 係飲食篇, 遲啲會唔會有一篇係講Portland 購物篇??
    ~Cheesecake factory......我都好鐘意!!

    回覆刪除
    回覆
    1. Bingo! Vicky真醒目呀!
      原來大家係同道中人,Cheesecake Factory真係好正,去Buffalo我都盡量會去下架! 加拿大嘅美式餐廳始終唔及!

      刪除
  3. 回覆
    1. 係呀!最有驚喜係chowder小店添呀!! ^^

      刪除
  4. Cheesecake Factory 又好食又大份,佢哋以前啲甜品仲大份過而家呀,次次食到要打包。
    睇見蛋白杏仁茶呢五個字,好想即刻有得食添。

    回覆刪除
    回覆
    1. 記得N年前喺Costco用$9.99USD可以買到成個12件Chessecake Factory原味cheesecake添呀,"想當年"真係大件夾抵食!
      下次去温哥華試下Richmond鳳鳴粥麵嘅蛋白杏仁茶吖,超正!

      刪除
  5. 睇妳篇blog睇到我好肚餓呀!!! 終於明白以前大家留言俾我話肚餓的感覺 :p

    回覆刪除
    回覆
    1. 嘻嘻! 我仲試過睇到肚餓+狂食=爆磅! 少D自制能力都唔掂!

      刪除
  6. 妳餐餐都好吸引丫,我最鐘意食呢D美式西餐

    回覆刪除
  7. 餐餐都咁吸引...我流口水了

    回覆刪除
    回覆
    1. 真係好正,不過我依家淨係想流多D汗當減肥,如果唔係,聖誕又點可以食得開懷 ;)

      刪除
  8. 當年愚太在Columbia Sportwear的香港office工作,Portland正是head office, 很想也有機會去看一下

    回覆刪除
    回覆
    1. 唔講都唔知原來head quarter喺Portland, Oregon係一個免稅地方,所以好多人會專程去購物,嗰度有個動物園,夏天好啱小朋友去架!

      刪除