非常高興好朋友從香港來多倫多探親 ~ 這位朋友是海豚兒在温哥華讀書時第一位認識的朋友仔。
在海豚兒心目中,這位朋友就等同"靈通天地線," 她相識滿天下,遇到任何問題或需要什麼幫忙,只要一通電話,她必定有辨法幫忙。除此之外,她還是一位入得廚房、出得廳堂的美女!
曾經,海豚兒"口痕"告訴朋友們想吃鮑魚,沒想到,這位朋友一直記住,家裡弄鮑魚時竟然帶了隻巨型鮑魚給海豚兒吃,呵呵呵,有這樣的好朋友,是不是令大家很羨慕呢?
這位好友,非常有異性緣,曽經有個痴心漢追求了她差不多十年也不果,後來與別的女人結婚,生了個女兒,還用了我這好友的英文名字作為女兒的名字,至於情深或老土,就見人見智啦。非常不幸,這痴心漢和海豚兒同年、同月、同日生,他有一段很長時間以為海豚兒是他的"情敵," 這樣的人都算癲到入心入肺!
這晚飯聚,海豚兒依好友及Mr. Dolphin的口味,選了一間有個特別名稱的西餐廳-The School,與好友聚舊+補祝生日。可惜,除了頭盤較出色,其他食物只算不過不失。
特別鳴謝: 好友回港後,海豚兒、Mr. Dolphin亦回到温哥華與家人歡聚一星期,全靠好友嘅"靈通天地線"幫Mr. Dolphin家姐用優惠價在回港後購買到新款腕錶,謝謝! ^^
餐飯好吸引喎!
回覆刪除BTW 妳朋友的狂蜂真係好搞笑~~~ :P
頭盤好得,甜品就.....食剩嘅同相相嘅份量一樣多,D酒味唔散,超難頂!
刪除有個咁好嘅朋友真難得。
回覆刪除真係好幸福,佢簡直係我初到Vancouver嘅靚女盲公竹! ^^
刪除難得有個咁好嘅朋友咁遠來, 淨係傾計都傾不停啦, 食物都不是重點, 不用介意
回覆刪除係呀!係呀! 食完飯仲轉場去咗台式餐廳一路飲嘢一路傾!
刪除好大隻嘅帶子!!果位男仕連自己個女都改夢中情人個名咁放唔低,直替佢太太難過!
回覆刪除同意同意!佢太太知唔知><
刪除海豚兒可以返温哥華見家人,實好開心~~~~^^
Vicky, 大粒帶子係Mr. Dolphin嘅選擇,佢好鍾意食巨型帶子架 :)
刪除若果咁情深,又唔明典解會同第二個結婚囉!
豆丁,如果我係佢太太發現呢件事,個女勢必要改過個名,仲要無一個字母相同,哈哈!
刪除係呀,返到去同家人一起,每日都"笑聲笑聲滿載温馨"
我諗係好似拍戲橋段咁,試圖用另一段關係忘記佢嘅女神,但又要俾女神知道佢嘅重要地位,咁就「利用」左個小朋友喇。如果俾著我係太太,佢有排解釋呀!!!
刪除妳都講得好啱!
刪除如果斷正,應該水洗都唔清,無咩可以解釋!
我認為佢是痴心漢一名。
回覆刪除我個朋友身邊有唔止一個"呢類型"嘅男性朋友,可能因為見慣大場面,佢從來都不為所動!
刪除最搞笑係個痴心漢以為妳係「情敵」,好好笑呢?
回覆刪除妳幾時返香港呀?
不幸中之大幸係佢無"誤會"我暗戀佢囉!
刪除過多兩年啦,返嚟揾妳呀! ^^
好丫,妳話架:)
刪除"不見不散"
刪除果個痴心佬...真係痴得勁呀
回覆刪除係呀! 希望佢現在會好好愛錫佢太太,而唔係當佢係愛的替身!
刪除有咁好既朋友, 吃什麼也沒所謂啦!
回覆刪除好在佢唔係甜人,無試到個crepes,所以整體對佢嚟講都ok嘅!
刪除痴心漢要自己成世都記著得不到的女人,真懲罰自己
回覆刪除他"應該"是故意告訴我朋友仔,最可憐是太太,女兒 T_T
刪除