2014年4月5日星期六

愚人節惹的禍

今年的愚人節不知道大家有否作弄人又或者被人家戲弄呢? 海豚兒工作的地方今年就發生了以下一個小風波。

先簡單解說這部門的結構:

海豚兒屬於基層員工和另外數位同事擔當(hea做)後勤支援工作,提供(非常有限)的支援服務給予部門內十幾位的高級前線員工。

後勤員工是由主管A所管轄,而主管A是直接向他上司主管B會報,主管B就向高層D會報。

至於前線員工則向主管C會報,主管C則和B一樣,向高層D會報。

後勤同事甲在愚人節清早電郵其餘後勤同事告知大家他將快要轉到別的部門工作之消息,但就告訴我們在消息正式宣佈前定必要把事情保密,同時,他亦告訴我們他的職位將會自然流失,而我們則會分擔他的原有工作。同事甲的謊言實在太利害,我們全體上當之餘,亦跟足指令,在他告訴我們被戲弄前,我們絕對沒有把事情張揚,而同事乙就因為覺得這則電郵太精彩,照板煮碗將主角變成自己,然後把同一電郵發給他所支援的兩位前線同事,結果。。。

其中一位沉不住氣亦不夠冷靜的前線同事馬上把電郵轉寄給主管C問過究竟,主管C就把電郵轉寄至高層D,而高層D就立刻把電郵轉寄到他的另一下屬B問個明白,最終B當然把電郵發給後勤同事乙的主管A去查問,當主管A了解此事然後至電下屬後勤同事乙時,主管A當然是大為震怒,亦告訴了同事乙這件事情驚動了多少管理層,這時同事乙才知事情有多嚴重,他害怕得像小孩一樣哭了出來,哭了大半個小時,情緒才慢慢穩定下來。還好,風波亦始終會過,當高層D了解事情始末之後,他在電郵裡只簡短地答道"good one"便了事。

本打算和同事們開玩笑,結果給自己開了一個大玩笑,海豚兒想,同事乙從此對愚人節定必有另一番體會。

對於這小風波,同事們亦有不同反應,有人覺得是趣事一則,有人認為根本沒有對誰造成傷害,何需追究,但亦有人深信既不應以公事開玩笑,更不該以公司電郵做出此等行為,各有各的說法!

至於海豚兒嘛,就只跟同事乙說,要以此為鍳,將來發電郵給這位前線同事時,要份外小心謹慎! 有此說法是因為海豚兒心明他倆之前的電郵本已有一定火花。話說回來,海豚兒與這位前線同事亦不時交手,明白有時候他在電郵裡的語氣及態度是一副戰鬥格(鬥賤格)姿態,但做工就應該保持友善,專業和風度,尤其在這家公司、這行頭,碰頭的機會是非常的高,態度友善未必能取悅所有人,總不至令人討厭,但這不代表海豚是不發聲的人,相反,若果不能表達己見,我情願唔撈!  這亦是海豚兒多年來的堅持!

14 則留言:

  1. 最討厭office politics, 從來避之則吉, 好在4/1開始唔駛再返工, 又煩少一樣野啦!

    回覆刪除
    回覆
    1. 其實都係架,雖然FTM比返工更辛苦(年中無休嘛),但豈碼對手(M&C)真情流露,值得值得!

      刪除
  2. 回覆
    1. 喺呀,同事乙情緒穩定之後仲覺得好難堪,好想返屋企添呀!

      刪除
  3. 每年愚人節我都會唸番起我當年闖的禍,仲會唔開心,但我當時得十五歲咋,從此之後我覺得愚人節作弄别人的人才是愚人。

    回覆刪除
    回覆
    1. 相隔咁耐妳都仲會唔開心,呢件事對妳影響一定好深,不過,向好方面睇,妳一定一早教識寶貝仔唔會做同類事件或闖禍,豈碼可以安樂D!
      雖然除咗今年我無咩深刻愚人節經歷,不過都同妳一樣有時會諗起十五、六歲時,有幾件做過、講過嘅事好希望從來無發生,係嗰種諗起都feel bad嘅感受,不過無計,知衰亦已經太遲,唯有努力記住,希望唔好變"積犯"啦!

      刪除
  4. 玩都要小心玩出火,尤其喺愚人節呢啲咁敏感嘅節日。

    回覆刪除
    回覆
    1. 對呀,而且用公事來開玩笑本身已經太敏感,同事乙事後實在後悔得很呢!

      刪除
  5. 回覆
    1. 所以咪樂極生悲囉!
      好在高層D無追究(有無記住佢就唔知啦)!

      刪除
  6. 你的同事乙翻用同事甲嘅開玩笑郵件,冇牽連到同事甲嗎?其實玩下冇所謂,不過真係要睇對象,同創意有幾好笑,其實離開公司嘅消息真係唔講得笑!

    回覆刪除
    回覆
    1. 同事甲無被牽連,不過最攪笑嘅地方係當同事乙喺事後打電話告訴同事甲嘅時候,同事甲以為同事乙想整蠱番佢! XD

      刪除
  7. 海豚兒:
    ~咁都有得玩!! 但線動咁多人and department, 就真係一啲都唔好玩啦!!

    回覆刪除
    回覆
    1. 可能我缺乏幽默感,所以都無諗過愚人節要去作弄人,不過無論點,用公司電郵嚟玩實屬不智!

      刪除