2014年4月2日星期三

出"城"走動

承上篇,Mr. Dolphin和海豚兒在週末出城吃晚餐,其實午飯時我們已到城裡走動,首先,我倆去了一間咖啡店吃了以下的東東:

Mr. Dolphin點了chicken pot pie, 海豚兒也試了一點點,批皮香脆酥化,雞肉亦有咬口,絕對沒有把餡料焗或"叮"到像餬狀似的,不錯!


海豚兒點的是prosciutto panini,點這款三文治是一個心癮,自從在巴黎吃過這類型三文治後,一直也很懷念這種味道,可惜在多倫多就是找不回這回憶裡的美味,不過也沒關係,因為包包烘過後再加上半溶芝士,已經沒有不好吃的道理,只是火腿味道較為遜色,可這也是沒法子了(唯有搖頭嘆息"一"下啦)!


在咖啡店用膳,當然要點些合襯的熱飲,Mr. Dolphin選了cappacinno而海豚兒則挑了green tea latte,海豚兒也淺嘗了意式咖啡,味道也屬不錯,至於海豚兒的大大碗green tea latte也很好喝,味濃且甘,深得海豚兒心!


然後就到甜點上場,又是海豚兒另一個心癮 ~ opera, 這甜品的味道嘛,只一般般而已,與印象中的opera是形神皆不似,唉!


沒關係,午餐後,我們跑到對面馬路的甜品店買了半打macarons及三排味道不一的黑古古力。拍照時已是晚上回家之後,macarons也弄碎了些,而且付款過後,海豚兒已急不及待"拍"了一個macaron,所以相相裡只剩下五個朋友仔,不過味道真的很讚啊,就是海豚兒所喜歡的清脆而不黏牙的類型,只是略甜,至於排裝古古力就很有趣了,這甜品店的排裝古古力有許多種類,以A - Z來命名, 有白古古力,牛奶古古力,和不同濃度的黑古古力,而且各款古古力還配以不同口味,包括香橙、薄荷、薑味、海鹽等等。海豚兒選了咖啡、特濃、及原粒芝麻,暫時只試過原粒芝麻,味道不算太特出,因為沒有把芝麻香味溶入古古力內,只是硬把粒粒芝麻給放在古古力裡,實在浪費!


之後我們駕車隨處逛逛,海豚兒還罕有地在加國本土買了一條裙! 怎麼說呢,加拿大百物騰貴,特別是購買的商品是從美國登陸加拿大的商店,一般商品定價會高出30-50%之餘,減價的幅度亦相對比美國少,稅亦比美國貴,像海豚兒身處的省份,消售稅項是13%,所以嘛,加拿大許多居民也喜歡前往美國購物啊! 不過,這天是難得的好天氣,心情也份外好,既然遇到心頭好,所以也沒所謂就是了!


14 則留言:

  1. I used to live in Toronto too! Those were the years :)
    Look like you like French food, macarons, Panini, opéra. It is funny, I live in France but the last time I ate these were 5 years ago :)

    回覆刪除
    回覆
    1. Welcome Mrs. Tin Tin and I wonder if we crossed path before, j/k! ;)
      I know what you mean, I guess I long for food that I can't easily get, e.g HK style cafe food and French food. It's also known as無嗰樣整嗰樣, lol!

      刪除
  2. 出色的panini真係會好味到條脷都想一齊融呀!! 俾妳寫完我都想去搵黎食~~~

    回覆刪除
    回覆
    1. Yan真係形容得太生鬼啦!! 個包包真係幾好,整咗半份第二日再食都唔會難食,唔錯唔錯!

      刪除
  3. 我都鍾意在美國購物呀, 真的比英國平好多架。

    回覆刪除
    回覆
    1. 我哋應該同blog友組織一個加燦、英燦美國濕平聚!

      刪除
  4. 鍾意大大碗綠茶拿鐵。
    你去水牛城都唔係好遠,亦都好歡迎你哋組團嚟刺激本土經濟。

    回覆刪除
    回覆
    1. 個latte我都仲回味緊! :p
      水牛城係幾近架,我間中都會去揾食,但就好少有嘢買,可能太近邊境,好嘢都比人掃哂!
      我真係想架,今年心水係Chicago,都要努力D搵"雞"會!

      刪除
  5. 海豚兒:
    ~你和海豚先生, 好喜歡周處食,周處去. 但講到出"城"走動, 好似好遠水路咁!!
    ~Lunch 食下pie, 食下panini,再有咖啡, opera 和macaron, 全部感覺好歐洲嘅感覺.
    ~住係加拿大都預咗生活指數係幾多,如果成日比較會好唔開心. 雖然,我都等特價先買, 但遇到心頭好, 都會買比自己.

    回覆刪除
    回覆
    1. 嘻嘻!由gardiner上去過埋bloor,加上塞車,我真係覺得好遠架! XD
      去到rosedale嗰頭,我估食呢D嘢應該唔會太差,無走雞啦卦!
      謝謝提醒,可能我慣咗有咩想買都可以等落美國啦,尤其以前讀書一直都諗住會返去加嘛,所以整慣姿勢囉! ;p

      刪除
  6. 消售稅項是13%,好好好貴呀

    回覆刪除
    回覆
    1. 所以D銀兩咁唔㩒洗,我個荷包長期糧尾XD

      刪除
  7. 兩款都烘得燶燶地岩晒我:p

    回覆刪除
    回覆
    1. 香口嘢係零捨吸引,不過脆身食物對我嚟講係又愛又狠,因為好易因為熱氣食到整損牙肉!

      刪除