2014年4月26日星期六

為食到水牛城

襯著復活節長週末,Mr. Dolphin和海豚兒自駕到連接著加、美邊界的水牛城拍下拖仔、食下飯仔。水牛城位於美國紐約州的邊境,就是在尼加拉瓜大瀑布附近,從多倫多開車大概需要個半至兩個小時,約160公里,若不塞車,車程亦不算長。

這天逛街, 竟然在outlets有意想不到的收穫。。。 。。。本來只打算買個跟家中煲煲同色的 medium size spatula in cassis color,  價錢比加拿大便易許多,只需九個大洋,點點點知。。。還偶遇上了 30cm Le Creuset costal blue braiser buffet,感覺這顏色很柔和順眼,一不留神,便把她帶了回家。其實海豚兒還不曉得這鍋子算是貴還是平呢, 不過,海豚兒會把這經驗歸立為因小得大之列! :p


至於晚餐,我們已預先在一間小酒店內的餐廳定了位,留意到這餐廳 - Russells 是因為網上也有很不錯的評語,剛踏進酒店時,海豚兒還發現以下的廣告介紹,咦! 十間裡面有三間是 Ruth's Chris嘅?!


可惜是餐廳太有情調(即燈光昏暗),這晚的相相拍得很差,就是說沒有最差,只有更差,請見諒!


先上枱有熱辣辣麵包配三款不同的牛油,包括橄欖、蜜糖、蒜香,當然,海豚兒還是覺得你(蜜糖)最好!



接著是好吃的生蜆和啖啖肉的crab cakes。


Mr. Dolphin還點了超足料的海鮮湯, 印象中,這真是最可口的海鮮湯,湯裡頭的海鮮饀料全是又滑又爽口,一點也不霉,正!



看見餐牌上有28oz bone-in ribeye, 海豚兒有點擔心吃不下,和Mr. Dolphin商量後,決定點一份牛排加一份sea bass共享。


牛排雖然好吃,但相對地亦較多肥膏,至於sea bass嘛,就滑嘟嘟,真的好吃到"不得了"!

來到甜品環節,古古力蛋糕就只算是一般般,chocolate affogato的咖啡亦不夠早前在薄餅店般濃郁,但整體上,這晚餐也非常讚,價錢亦比多倫多商宜許多!


回程時還有咸蛋黃陪我們離開,其實當其時眼看的太陽比手機拍出來的還要大許多,無法啦,超級舊款的電話質素,沒有太多功能,效果大概就是這樣啦! 話說回來,春天真好,吃過晚飯天還未黑!

 

20 則留言:

  1. 妳買30cm buffet幾多錢呀?
    我都好鐘意食Ruth Chris嘅扒
    你地兩個人食咗唔少嘢喎

    回覆刪除
    回覆
    1. 買咗$135+稅,但我就真係唔知平唔平,都無睇開,所以無格過價。
      唔好意思,誤導咗妳,呢餐唔係喺Ruth's Chris到開餐, 間餐廳叫Russells。
      嘻嘻!好食所以食得哂,所以古古力蛋糕就剩咗囉!

      刪除
    2. 個buffet好抵丫!
      哎呀,係喎,係我睇過龍,妳相張有影到Russells個名:P

      刪除
    3. 我估一定平過門巿嘅,始終都係outlets嘛,但就唔知以outlets價錢扺唔扺lu,不過都無所謂啦,豈碼買得開心!
      不過呢間餐廳嘅扒就唔夠Ruth's Chris好囉!

      刪除
  2. 天氣好去瀑布行吓都幾爽架,順便行outlet,食埋晚飯,幾好節目。
    買咗隻靚煱,幾時整番個靚餸呀?

    回覆刪除
    回覆
    1. 週末時瀑布附近仲特別多人,不過兩個瀑布範圍咁大,行到邊到都欣賞到!
      行街食飯其實都算係週末嘅指定動作,不過喺美國到過週末,我就會比平時開心好多!
      我。。。(抖)完全唔敢獻醜blog我煮過嘅嘢。^^"

      刪除
  3. 個28安既扒真係好大, 岩岩食完扒,引到我又想再食過, 其實香港Ruth's Chris係其中一間好有水準的扒房地!
    前天和CEO到西貢拍拖, 趁小吉仲未出 hehe...

    回覆刪除
    回覆
    1. 塊28安士嘅扒睇落真係幾大,但食落切埋D肥膏都唔算太多嘅!
      其實我耐唔耐都會想食扒架! 我估吃牛排是會上癮的!
      嘩!咁開心,都啱架,小吉出世之後,時間分配就唔同哂,襯最後倒數前應該好好珍惜二人時光!

      刪除
  4. 海豚兒
    ~而家水牛城, 有Le creuset 啦!! 我近三,四年都無去. 原來開咗Le creuset!!! 淺藍色, 我好鐘意
    ~見你去outlet 都會買Le creuset, 你係時候show你啲煮藝喎! 見你識食,應該好識煮.

    回覆刪除
    回覆
    1. 係呀!個outlets早幾年裝修完多咗D新舖,妳下次返嚟都可以去下丫! 而且Le Creuset又唔會太多人爭"心水"顏色,所以都幾好!
      我煮野食屬幼兒班,唔敢喺高手面前班門弄斧 ;)

      刪除
  5. 車厘蜆好肥美呀,我又要食

    回覆刪除
    回覆
    1. 真係好好味呀,因為"人哋"唔好,我食咗5隻添呀! ;)
      妳嚟嘅話,我同妳去丫!

      刪除
  6. 估唔到你會有興趣買鍋啊(因為你講過對煮野食興趣不大)!我對㕑具好在無乜品味,特別有耐性等佢特價,一定唔會買貴左!
    如果我住邊界附近就可以做下你地電燈膽喇!
    同埋我都超like春天日落遲幾個鐘,人都冇咁快想見周公,係咪?!:)

    回覆刪除
    回覆
    1. 我真係對"煮"無咩興趣,買呢隻鍋最大原因係因為覺得佢嘅顏色好靚ja!
      好丫好丫,我一D都唔介意架,多D人仲可以試多幾款,不過老公份人比較慢熱,妳唔好介意佢好似搭枱咁就得啦!XD
      係丫,春、夏天遲日落,連時間都好似"襟"洗D咁!

      刪除
    2. 反而我貪靚在啲碗碗碟碟到,仲喺香港探親時帶左套甜品碟返來,又去左買cutie筷子(美國搵唔到>.<)哈哈!
      哎呀,我開始發覺Mr. Dolphin同Brandon嘅共通點喇 -->唔酒、慢熱、浪漫(成日同你二人世界去搵食、又送靚花花)!我以前都俾人話過唔熟唔食,不過其實我口水多過茶,佢地兩個慢慢黎,我地兩個一路食一路傾,hehehe (day dreaming) :p

      刪除
    3. 北美洲嘅款式同香港嘅真係好唔同,呢邊要搵simple & elegant就易過借火,要找走可愛路線嘅餐具嘛,真係好難搵到啱心水呢!
      有一個非共通點就係Mr. Dolphin唔浪漫架,送花嘛,係因為我向佢反映至有ja! ;p

      刪除
    4. Mr. Dolphin接受反映,都算數丫!:)

      刪除
  7. 雖然妳講到古古力蛋糕一般, 但份量真係好令人滿足啊!!! :D

    回覆刪除
    回覆
    1. 又真係好大件頭嘅,不過就咁一件冷冰冰嘅蛋糕好似唔多夠誠意嘛!

      刪除