2014年4月29日星期二

小鄉里搭"車立"

早前在巿中心(downtown)去某幢剛裝修完的商廈工作一天,由於遇著上班時間,大堂內擠滿了等電梯的上班族,所以海豚也就企定定等搭電梯。入到電梯,發現電梯內只有"開門"和"關門"的按制,已心知不妙,心想,整部電梯已塞滿了人,想迫返出去都難,唯有看情況吧!


結果嘛,眼看營幕指示"經過"海豚兒要去的層數而電梯並沒有停下來,唯有遊下電梯河,跟著人群在之後停的一層出去,然後"鎖定"層數再出發, 還好這幢大廈不算高,不用等太久。 ;p

下圖是地面的"車立"制,令海豚兒想起從前在港放學回家在大廈樓下"㩒"對講機叫家人開樓下大門然後返屋企的情景。


其實海豚兒也不清楚這是否新科技,只知道這是小鄉里第一次遇上這款電梯就是了!

20 則留言:

  1. 呢幾年中環有好多商廈都係咁,初時我都唔識好鬼魚

    回覆刪除
    回覆
    1. 我嗰日咪就係要硬著頭皮扮出"車立",然後等人群四散之後至再"慢慢硏究"典去自己嗰層囉! ;p

      刪除
    2. 我都o係中環/ 金鐘中過招, 個下覺得自己真係好鄉里 :p

      刪除
    3. 握握手先~
      出咗呢篇blog先知我唔係唯一一個比部"車立"嚇親! Lol! ;p

      刪除
  2. 回覆
    1. 歡迎妳呀!
      我真係第一次見(搭),唯有硬住頭皮扮識囉!不過我當時真係有覺得係有被同電梯人士識穿架!

      刪除
  3. 噢,我完全唔知有呢種!

    回覆刪除
    回覆
    1. 印象中我住羅省嗰幾年搭"車立"嘅地方真係十隻手指都數得哂。
      嘻嘻!羅省地大,D地方淨係打橫發展,除非去downtown,否則搭嘅都係得幾層 XD

      刪除
  4. 其實哩種科技嘅用意係咩呢?入到lift唔哂攝位㩒制?如果記錯樓層想中途改變主意咪好煩?我反而欣賞果種㩒錯lift制的話再㩒多次會undo果種設計呢!

    回覆刪除
    回覆
    1. 我估用意係更加efficient?!不過真係令我好緊張呀!
      咦,我未見過可以undo果種喎,如果仲記得,等我下次搭D未搭過嘅電梯時,試下㩒兩下有無呢種功能先! ;p

      刪除
    2. 可以undo lift buttons果種其實係我住喺香港時棟大廈有,都唔知點解無意中發現,得我地兩個時就玩鬧快undo, 哈哈哈! 仲要部lift得一邊有樓層lift 制,另一邊要按樓數確認後再按單位,好煩,所以我例牌入lift企有制果邊。

      刪除
    3. 比著我哋都會玩呢個鬥快undo嘅遊戲呀! XD

      刪除
  5. 我公司就是用這種lift,而且外面用touch screen ,選擇層數只有三組,但是負責四部 lift,難度極高。

    回覆刪除
    回覆
    1. 淨係睇妳解釋我都睇幾次至明,比著我要搭妳公司嘅電梯,分分鐘搭電梯都攪到心藏病發!

      刪除
  6. 海豚兒:
    ~依啲電梯, 係防止外人進出大廈!! 因為要入code 先去到自己想要嘅樓層!! 而家有啲酒店都用緊這些電梯.
    ~我發覺你係多倫多, 都好多時候都係downtown. 我以前係多倫多downtown 工作and 居住十幾年, 可能我哋擦身而過都未定

    回覆刪除
    回覆
    1. 嘻嘻!又未洗入code咁high tech,只係喺大堂等電梯時要先揀層數jack!
      係都唔出奇喎,以subway站計,我以前喺union同bloor站附近都有打滾過!

      刪除
  7. 好耐無搭lift喇,我呢度先進嘅lift就冇見過,有人負責拉閘開關嘅古董就有。
    我以前都係Bloor站出入,不過可能你同Vicki都未出世,嘻嘻。

    回覆刪除
    回覆
    1. 我反而從未有機會搭過古董"車立,"不過可能遇到我老公都唔會肯搭! ^^"
      嘻嘻!無未出世貢誇張,只係timing問題無緣邂逅jei!

      刪除
  8. 我以前香港其中一個office都係用呢種lift,其實呢種lift只會用於繁忙office building,因為peak hours時太多人一入lift就爆會好難襟lift,如果之前喺出面襟哂program好哂次序就唔會煩,而且office building少外人入,就算令到外訪者有少少唔方便都可接受。

    回覆刪除
    回覆
    1. Ceci好似本百科全書,睇完妳嘅留言我就好似"叮一聲"咁明咗! ;)
      其實妳解釋完,我又覺得好make sense,因為喺嗰幢商廈返工嘅全都係屬於同一間公司嘅員工。

      刪除