2014年4月14日星期一

週五晚吃在Canyon Creek

經過一星期的辛勞,有時候海豚兒覺得週五晚上要對自己好一些,找間企理舒適的餐廳吃頓安樂茶飯,在這個身心疲憊的星期五晚上,因有gift card關係,海豚兒揀了這間在多倫多有數間分店的Canyon Creek餐廳開餐。

平常海豚兒因不想浪費quota,不常吃餐前麵包,除非遇上新鮮熱辣的才有興趣,而且就算吃餐前麵包亦不太喜歡塗牛油,但每次吃這餐廳熱暖暖的麵包時,海豚兒總愛塗上厚厚的蜜糖牛油,有時候還會一整啖牛油放在口中細嚐它甜甜的蜜糖味。


吃過包包後,我們點了這餐廳的新推介頭盤Lobster Guacamole亦上枱了。Tortilla chips熱暖香脆,牛油果醬調味也很不錯,只是龍蝦的肉質帶點霉, 整體感覺還算不錯,豈碼不會過於膩滯。


Mr. Dolphin一向不熱衷這兒的牛排,原因嘛,就是他們永遠把他的"五成熟"弄得過生,若果把牛排再拿回廚房處理便會變了十成熟的牛肉乾,久而久之他已習慣了點別的來吃。這晚他便選了西洋版乾炒牛河 - Prime Rib Fettuccini XD


至於海豚兒則選了Bacon Wrapped Filet Mignon + Yam Fries走鹽,只能以一個字來形容 - 「好吃」! :p  最攪笑平常既不喜歡filet mignon更不愛在這兒吃牛排的Mr. Dolphin卻非常欣賞這份牛排,實在有趣! 他說最主要原因是因為牛排邊有很多焦燶的香氣,而且這塊扒比較有咬口,所以特別喜歡喎!


來到甜品環節,我們決定打孖上古古力甜點,包括Double Chocolate Brownie. 這個甜點可算是海豚兒和Mr. Dolphin的all time favorite, 喜歡brownie外脆內軟及加入脆脆果仁的口感,當然還有海豚兒喜愛的creme anglaise和Mr. Dolphin所喜歡的焦糖醬。對啊!我倆從不用爭吃,雖然大家也喜歡這甜點,但卻喜歡不同口味的甜,亦因為這原因,我們每次也會要求侍應把兩款醬分開來上,不要灑在brownie上,方便我們享用自己所愛的醬,不過海豚兒留意到,最近雪糕球好像成功修身,比從前細少了許多啦!


另一款甜品是Molten Chocolate Cake,這個蛋糕除了沒有brownie般脆口,味道上其實還是有點相像,蛋糕亦尚算流心,但這個蛋奶醬汁加入了羅勒香氣,海豚兒就不大懂得欣賞,而這甜品當中最好吃的是又甜又脆的雀巢,更高興的是Mr. Dolphin對這雀巢興趣只一般般,結果當然是海豚兒能夠獨享這甜甜蜜的雀巢! 吃罷這頓晚飯,快樂週末亦正式開始!


特別鳴謝同事在聖誕節送上的gift card讓Mr. Dolphin和海豚兒可以在此飽餐一頓!

16 則留言:

  1. 回覆
    1. 係呀!我每個月都會crave for牛扒,唔食唔安樂! 咁食扒又好自然會叫得豐富D呢!

      刪除
  2. 我都鐘意星期五出街食好D,咁辛苦更係要獎勵下自己
    Mr. Dolphin都愛甜品㗎?

    回覆刪除
    回覆
    1. 對呀! 我絕對唔係"事業型"(亦都無事業線)嘅人,返工真係為咗兩餐,所以盡量都想食D鍾意嘅嘢!
      佢超鍾意甜品,不過由細到大屋企都唔想佢食甜點,都係一齊之後佢先食多咗!

      刪除
  3. 甜品好精采,尤其係個雀巢。

    回覆刪除
    回覆
    1. 係呀! 老公話對雀巢無興趣嗰刻我差不多奸笑呀! 我仲狂點個白色醬添呀,差在未"畢"嚟入ja!

      刪除
    2. 海豚兒:
      ~ 依家啲gift card 都多元化. 可以同一集團嘅餐店都可以共用Gift card. 我記得Canyon Creek 同 (Jack Astor's and Far Niente) 係同一集團.
      ~我都鐘意依啲西餐. 而且, 星期五, 當然食得特別啲. 開心下嗎!!

      刪除
    3. 都係架,以前我都好鍾意去jack astor's,就算老公食完試過肚痛,我都堅持繼續幫襯,典知......我有一次食完攪到食物中毒,之後就怕怕,任何locations都唔肯再去啦!

      刪除
  4. 睇完呢篇 blog 真係好想食餐好既。。。。我好耐未試過啦

    回覆刪除
    回覆
    1. 係呀!我都記得妳同Mr. Wu以前都好鍾意去食情調晚餐架!
      如果我喺NYC/妳嚟多倫多,我實幫妳baby sit等妳可以同老公take a break!

      刪除
  5. 真係開心的一餐, 遲d又到easter, 又有藉口食好野啦~~ ;)

    回覆刪除
    回覆
    1. 甜魔媽媽真係醒!雖然呢邊只得good friday一日係假期,加埋六、日共3日嘅長週末,不過我都plan咗會落美國一日day trip食下、行下 :)

      刪除
  6. 個雀巢我都想食呀,其他反而吸引唔到添

    回覆刪除
    回覆
    1. 雀巢又真係好好味嘅!
      呢間味道唔錯架,不過呢幾年物價狂升,睇住呢間餐廳不停update menu=順便加價,好多食開嘅心水items都無咗lu!

      刪除
  7. 蜜糖牛油CEO一定好喜歡, 西洋版乾炒牛河 XDDD

    回覆刪除
    回覆
    1. 哈哈!可能南加(瓜)州人口味類似啦! ;)
      最慘係西洋版嘅牛牛𡁻極都唔鬆化! XD

      刪除