2015年12月6日星期日

拾。婚。快樂之旅 ~ 東京: 築地玉壽司。Bake Cheese Tart。御殿場。美登利。林屋茶園(京林屋)

<<東京第一日>>

老實説,三個城市之中以東京“游”記最有海豚兒特色,因為每天的節目也是離不開吃和買,行程中純觀光的景點只有一個,當然如果去築地揾食都算觀光,海豚兒和Mr. Dolphin也去了好些景點啦!XD

為了爭取時間,我倆在成田機場選乘火車而沒有選擇需時較耐的機場巴士,自以為可偷多三十分鐘至一小時的聰明瓜原來是終極蠢蛋才對!到達新宿車站後,本來只需要五至七分鐘步程就能去到酒店,而我倆竟有本事花了大半小時才找到其實很易找的酒店(汗)!

成功check-in過後,已經是當地時間黄昏六時,亦即時説,從海豚兒和Mr. Dolphin踏出家門計已經有成三十小時啦,加上之前推着行李四處走,真的好累呀!結果,我倆趕快去買完第二朝的旅"游"巴士飛,就隨意到酒店附近的百貨公司找吃咯!在東京的好處是,差不多每所百貨公司也有好些餐廳選擇,是晚我倆在高島屋百貨公司(Takashimaya)挑了一間壽司店來吃!雖然這餐廳價錢不算便宜,但壽司的味道真的又新鮮又好食,在折騰完一輪後,能夠坐得舒舒服服來吃實在太重要啦!






吃過晚飯,海豚兒在葯房跌了一點買路錢,之後在七仔買了杯略甜但都幾好味的haagen dazs栗子味雪糕,只可惜照片被操心大意的海豚兒删除了,還被Mr. Dolphin開玩笑叫海豚兒順便食多杯再影過。^^"

大家以為這樣我倆就回酒店休息,為準備第二天的血拼日麼?當然不!海豚兒還買了一件好好好好吃的古古力蛋糕回酒店當宵夜呢!

 



 <<東京第二日>>

上面提到的巴士飛其實正是第二天前往outlets的來回車票是也啦,哈哈哈!出發前先在沿路的法式麵包店打個底,這兒熱辣辣的蘋果酥(右上)超級好吃,其他包點及cappuccino也不錯。



要説日本人做事真的超認真,我倆沒有想過巴士座位上除了有地圖和coupon book,還有筆和筆記紙提供,哈哈,難道是給遊客寫下血拼全攻略嗎?



我倆去的是衘殿場(Gotemba Outlets),相信對很多港人也不會陌生。因為這個outlets距離靜岡不遠,天朗氣清的日子是有機會從這兒看到富士山的,可惜天公不造美,當天雨下得很兇,海豚兒這天穿的平底鞋足足過了兩日才自然風乾呢!


雖説這天是來血拼,但海豚兒買的亦不多,Mr. Dolphin更是零收穫,無論去到那一間商店,他的目標亦只有一個,就是找個有利位置坐下來。過了四小時,我倆也就乖乖的乘巴士回東京了。

回到新宿站後,Mr. Dolphin和海豚兒在找回酒店路上竟然在Lumine百貨公司門外遇上Bake這人氣店,在輪候少於十五分鐘情況下,就成功試到這個芝士撻,可恨這個撻不夠熱,芝士的“蘇”香未能盡情發揮,但他的牛油撻皮就確實好吃,從Mr. Dolphin也默默地分吃着便知道這撻皮有多吸引!吃罷這個,我倆又去了磯丸水產吃了少許燒海鮮,這個太美味了,且暫不介紹,留待之後返兜此店時再另行介紹。




回到酒店放低早前買下的戰利品後已接近黄昏,我倆就去了涉谷~人氣店美登利揾食咯!嘻嘻!每件壽司都大堆頭大製作,正所謂唔打得都睇得吖,以味道計,真的很不錯,不過和之前一晚比,就有一丁點兒被比下去,但美登利就真的勝在大件夾抵食,每份餐約2700¥!


跟第一晚一樣,吃完正餐就當然要吃更正式的一餐啦,我倆回到新宿後,在Lumine百貨公司的地庫隨意地找了一間日式甜品店開餐,一場來到東京,海豚兒定必不會錯過這兒的焙茶(roasted green tea)雪糕囉!自從試過焙茶味雪糕後,海豚兒就從綠茶雪糕轉會了!這晚的雪糕味道很不錯,但其他甜品就不算太出色囉!




22 則留言:

  1. 去日本的outlet,一定唔會睇美國名牌,因為點都唔夠美國平,Mr. Dolphin都鍾意食甜點,其實好多男士都唔愛食甜點,我家相公就係其中一人,而妳又喜歡食甜食,有人陪真好

    回覆刪除
    回覆
    1. 同意呀、同意呀!喺美國以外嘅地方買美國品牌真係貴好多呀,所以我喺東京outlets都主要係睇當地牌子。

      嘻嘻,Mr. Dolphin鍾意食甜但其實唔食得太多,但逢親有特色或平時食唔到嘅,佢都會試,佢主要都係陪下我呢個眼濶肚窄嘅老婆食!

      刪除
  2. 你都做了很多功課喎,一到新宿便識去揾食,又識坐巴士去 outlets.

    回覆刪除
    回覆
    1. 其實呢兩日嘅行程除咗outlets同美登利係跟旅遊書介紹,其他地方都只係行到邊食到邊。當然每日行程planning如大概去邊區就梗有嘅,呢個功勞就盡歸Mr. Dolphin啦,因為我都唔識睇地圖嘅。;P

      刪除
  3. Bake香港店聽聞已不用排兩小時了

    回覆刪除
    回覆
    1. 係呀係呀,我閒日去sogo見到條隊得小貓幾隻咋,不過到臨近聖誕,情況又可能有變都唔定!

      刪除
  4. 焙茶雪糕講起都想食, 加上芝士撻、壽司等等, 東京真係美食如雲呀!!!

    回覆刪除
    回覆
    1. 焙茶雪糕真係好正呀,係呢個trip我不停重覆食嘅嘢,食到喺香港臨走嗰晚雖然個肚未好番,都照食!

      妳可以考慮等MC返哂學之後再plan去東京!:)

      刪除
  5. 無論去到那一間商店,他的目標亦只有一個,就是找個有利位置坐下來。<--- Mr. Dolphin is so nice :)

    I have no patience for shopping either.

    回覆刪除
    回覆
    1. 嘻嘻,佢一來驚唔見咗個老婆,(太矮)揾唔番,二來每次我買嘢,佢要負責俾散銀,因為佢最驚我唔用D銀仔,到個旅程完時,成堆隊俾佢。XD

      刪除
  6. 海豚兒應該係東京食唔少甜品啦, 我覺得日本既甜品都好精緻, 好易吸左對眼睛去....哈哈哈!

    回覆刪除
    回覆
    1. 係呀,真係每日都食咗唔少甜食,好在嘅係東京之行真係“行”咗好多路,食咗嘅都好快消毫咗,好快又有quota再食過咋!

      刪除
  7. 餓c 我啦,幾時mail d 比我食呀,嘻嘻!

    回覆刪除
    回覆
    1. 咁妳要快D俾地址我啦,因為屋企D手信就嚟被我兩公婆掃清光啦!XD

      刪除
  8. "吃完正餐就當然要吃更正式的一餐啦" <---哇,呢句堅呀,好認同 ^0^
    哎呀,睇完好想食壽司、食雪糕添...^^

    回覆刪除
    回覆
    1. 係呀,我係嗰D無論食西餐、中餐、甚至去飲,都係一坐低就想知甜品食乜,如果有啱口味嘅,嗰餐飯都會食得開心好多架!

      去啦去啦,横掂巨龍都咁鍾意食壽司!:)

      刪除
  9. 真係引C人,好想去日本勁食勁買呀~

    回覆刪除
    回覆
    1. 襯日元平,試下安排下吖,如果唔得嘅就去韓國一轉止下癮先啦!:D

      刪除
  10. 我唔知點解,去到邊度都唔鍾意行outlet。

    回覆刪除
    回覆
    1. 我覺得其實妳比較肯花錢,就自然唔需要山長水遠去outlets買舊貨,我除咗喺outlets買咗兩件衫一條裙,喺東京市內就真係唔捨得而無買過衫啦,可能因為我有舖掉嘢癮啦,太貴嘅款式反而唔係成日著到,又唔捨得掉/捐,仲嘥!不過喺東京outlets買shu uemura確係抵!

      又,我琴日有喺妳blog留言架,但同上次一樣無咗,我都無再試啦,因為結果都應該好似上次咁被blogspot auto delete.

      刪除
    2. 吓,有咁嘅事?等我去email度查吓見唔見到你個comment先。

      刪除
    3. 哈哈!多謝妳幫我重見天日呀!

      刪除