2015年12月13日星期日

拾。婚。之旅 ~ 東京: 新宿。如過山車般的心情


東京的第五天

還記得在第二天的行程提過的磯丸水產嗎?來到東京的最後一天,海豚兒和Mr. Dolphin決定重温這兒的鮮味。這店子除了是二十四小時營業之外還有許多分店,要幫襯真的非常便利,唯一美中不足就是店內是可吸煙的。對於不愛做二手煙民的我倆,襯人少選擇在上午前來就最好不過啦!



二度到訪,我倆就點了最愛吃的貝類烤海鮮和超級無敵好吃的烤麵豉醬蟹蓋---->這名字又是自己作的,這個蟹蓋內有鮮味的蟹肉,蟹羔,日式麵豉醬等等,烤熟後那種鮮味和甘香真的會令人忘記了甚麼是三高啦,這蟹蓋真的是來到磯丸水產必試的大推介呢!
 





之後我倆就在附近幾間百貨公司逛街,去到伊勢丹,又去他們地庫的pierre herme買了件ispahan加拿破崙吃,兩件餅也好好吃,但海豚兒當時趕住食所以沒有拍照,行完街後,海豚兒終決定破慳囊買下心頭好,但同時為了慳得一蚊得一蚊,海豚兒就捉Mr. Dolphin陪自己去高島屋至買,因為可享用額外5%的節扣。

登登登櫈。。。花癡終於買了fa la la 回來啦~~



買完花煲見尚有時間便在這百貨公司內隨便找間餐廳吃啦!這兒的意粉,薄餅及甜品也很好吃,問題是上菜真的太。過。慢。等得我倆超心急,怕趕不及乘火車去機場,亦因為這原因導致大家心情也變差,海豚兒和Mr. Dolphin更吵架了,所以連食物相片也不齊存。基本上只吵了一兩句,但大家也真心“慶”,印象中這是自己對Mr. Dolphin態度最兇的一次,還好,我倆最終不單趕得及上火車,還在未上火車前已和好。把這些難過片段都記下來其實也不容易啦,不過海豚兒覺得這空間就是用來記下最真實的自己,當然是有快樂亦有悲傷的時候,不竟這個“我”不是一個虛構人物嘛。^^"




當我倆以為最壞的都過去之際,在機場check in時才發現好戲在後頭。沒有常識的我倆竟然不知道去澳洲是要簽証的,當日航的好脾氣空姐再三跟我倆解釋,我倆還是不能相信去澳洲是需要簽証的事實,直至Mr. Dolphin上網查看過資料才肯接受現實!還好,成田機場的wifi又快又穩定,海豚兒馬上上網申請簽証,等待期間,明明應該超擔心,但海豚兒和Mr. Dolphin還有閒情討論若去不成悉尼,下一站應該留在日本去其他城市還是提早回港呢?原來大家的心意也一樣,就是留在日本把餘下不多的盤川帶去大板繼續玩樂啦!

大約過了半小時左右,日航的好脾氣空姐終於收到我倆成功取得澳洲電子簽証的通知,我倆也就順利check in繼而快樂地去享用日航的lounge咯!還好,我倆提前許多來機場,否則可能也趕不及申請簽証啦!^^"

就這樣就完成了東京之旅,離開之前發生了太多突發事情,在海豚兒還未意識到不捨,就已經安坐在機上。東京,希望有機會再來吧!

24 則留言:

  1. 澳洲曾時英國殖民地,我地去依家都要申請簽證呢

    回覆刪除
    回覆
    1. 我心底裡一直覺得電子簽証用途只為掠水,但要去就要俾,無計!

      刪除
  2. 回覆
    1. 如果今次去唔成,或者要等到廿婚先再去過囉,要儲多十年至儲夠飛行理數呢!

      刪除
  3. 回覆
    1. 去到嘅最大好處就係完成咗一個講咗好耐嘅計劃,但萬一去唔成又唔會太過失望嘅!

      刪除
  4. Good that you can apply visa online!

    It's funny that you guys were fighting over the small things but were calm over the big ones :)

    回覆刪除
    回覆
    1. 我始終覺得呢個visa只係為咗掠水,不過點都好,要去就要放低買路錢。;P

      哈哈,又係喎!即係趕時間對我嚟講壓力大過去唔成悉尼,又或者係日本、香港嘅吸引力大過澳洲太多啦。XD

      刪除
  5. 一見到邪惡蟹蓋, 我的正義感又好想發作添!!!!
    澳洲簽證的問題我有朋友都遇過講過, 係呀好在可以網上補做, 仲要好快就有, 當然都要妳地夠早先得。大大感恩啦!

    回覆刪除
    回覆
    1. 個蟹蓋真係好正,仲少有地係我提出要去食多次添!

      其實我哋一早去機場係諗住買下零食同食下嘢加嘛,點知結果因為為食而救咗我哋,趕得切簽証,哈哈!後來,我同事話網上訂機票時應該都有提到,可能因為我用BA分換JAL機票太轉折,所以無留意到啦!^^"

      刪除
  6. 嘩,要我旅行抬Le Creuset,免費我都唔會呀,你係得嘅。

    去唔到澳洲咪留日本或者返香港囉,都好小事啫,去旅行求開心,我都唔會為啲咁嘅事太執著。

    回覆刪除
    回覆
    1. 我係嗰D為咗唔想自己後悔就算明知抬完重嘢會病或整親,都堅持會咁做嘅人!結果,我今次都不負眾望,整親隻手,但就算俾我揀多十次,我都會買,或者我天生咕厘格,唔搬唔抬就身痕啦,哈哈!

      係呀,所以我哋嗰刻都好冷靜,唯一最忟反而係申請簽證個site有好多無聊嘢pop up出嚟阻住哂!

      刪除
  7. 吓?原來加大拿護照去澳洲要簽證架???好彩可以即時申請咋
    妳有冇攞過特區護照架?
    點解個LC睇落唔似粉紅似紫色既?

    回覆刪除
    回覆
    1. 咪就係囉,無諗過要簽証加嘛,但當搞掂咗,我哋又會馬後炮地覺得咁快整到,即係純收買路錢啦!

      特區護照我有佢無,但我都無帶,嘻嘻!

      個煲係叫自己做mauve pink架,但如果佢係紫色,我會仲開心!

      刪除
    2. 近呢幾年香港去都要簽証了...可能咁先有錢賺HAHA

      刪除
    3. 歡迎到訪!:)

      係呢,幾時都係揾錢至上!佢個滙率先怪雞,唔係直接收澳幣,佢會將澳幣對咗做美金,然後收美金,而我用加幣嘅信用卡就要再轉多重,佢呢個做法真係成功令一向對數目字白痴嘅我完全迷失!^^"

      刪除
  8. OH!?!?!好彩好彩!!真係好驚險...你地都好振定,係我一定癲左XDDDD

    回覆刪除
    回覆
    1. 嘻嘻!依家諗返轉頭,可能我哋喺東京玩得太開心,根本唔捨得走。^^"

      唯一嘅煩惱係要即時改機票同揾酒店囉!

      刪除
  9. Ha Ha, 真係一個又驚又喜的經驗,十年後再諗番,會內心微笑。

    回覆刪除
    回覆
    1. 嘻嘻,其實上網申請簽証時仲有D搞笑嘢架,妳都明用手機上網做正經事會份外專心同小心,因為驚按錯掣嘛,當我一路做申請之際,機場有位女士喺台上表演緊彈古爭,佢越彈D音樂越快越大起伏,搞到我嘅心情覺得好似去咗武林大會比武咁,仲比Mr. Dolphin問我有無走火入魔feel添!:D

      刪除
  10. 行程每一日都會發生不少意想不到的事, 不過幸好一一處理了~~ 那些海鮮很吸引哩~~

    回覆刪除
    回覆
    1. 旅行有機會遇上“突發”事嘅機會真係比平時高,因為日常有固定routines反而旅行好多即慶事,不過點都好,最緊要個人平安無事,其他都唔緊要。

      真係好正架,尤其係個蟹蓋,諗起都回味呢!

      刪除
  11. 特區護照都要做簽證呀...不過你又大朦左少少既....唔知要簽證...哈哈!
    下次記得CHECK 下先呀...哈哈!!
    東京真係好吸引咁wo....等唔鍾意日本既肥人考慮下先~

    回覆刪除
    回覆
    1. 唉!太過大鄉里啦,真係無諗過原來去澳洲係需要簽証囉!不過,以我對我家主子嘅認識,若因為呢個原因去唔成,佢分分鐘以後都唔會去呢個國家呢,哈哈!

      原來妳唔鍾意日本嘅!出奇地,東京係少數亞洲國家中我家主子喜歡嘅城市。

      刪除