2015年12月20日星期日

停一停: 來一篇聖誕前雜記

在寫香港“游”記之前,海豚兒想先把回到多倫多後,這幾個星期的事情簡單地記錄下來。

回來後的第一個週末早餐,當然是甜品早餐正常營業啦!是日早餐就是從香港空運抵加拿大的pierre herme macarons,這個早餐的創意加好味程度,連海豚兒也忍不住要送自己一個“讚”呢!


滿足了海豚兒的甜胃後,當然亦陪Mr. Dolphin吃個能量早餐,讓他好好補充體力!


至於週中晚餐就當然少不了男人的浪漫 ~ Mr. Dolphin版,咖喱薯仔牛肉炒麵走牛肉!(都説過他現在不太吃牛肉嘛,沒騙你) XD 和海豚兒的牛肚米。




接下來的週五晚上,海豚兒就去了同事家的聖誕派對。這晚的重點除了海豚兒大愛的fish patties和羊肉卷外。。。



當然還有這個六星期大的靚仔baby啦!大家有留意到小孩媽媽抱着孩子的姿勢嗎?這正是近期面書瘋傳的啊!原來真係work架!原本在哭的baby在一轉成這個抱法後隨即破涕而笑,好神奇架!


再之後的一個禮拜四晚就輪到海豚兒公司部門的聖誕派對,食物也不錯,但對部分酒鬼同事來説,能夠熱熱閙閙的買醉才是皇道!




來到星期日,海豚兒就跟Mr. Dolphin去吃了個預慶聖誕brunch!食物嘛,真的不提也罷,所以海豚兒連將食物排靚靚影相也變得無心“雞”,只好把Mr. Dolphin的食物放上來充撐場面!



 

再之後的星期五,海豚兒和Mr. Dolphin就去看了吹神陳奕迅的演唱會,而山頂位門票早在半年前就買了,可是我倆也不太欣賞這演唱會,因為他真的唱得太多國語歌啦,就算無三分二,都至少有一半以上是國語冷門歌,在場亦不止一次有歌迷大叫他唱廣東歌或不要唱國語歌。海豚兒和Mr. Dolphin覺得,不管現場有多少廣東話或國語人,既然這歌手的成名作絕大部分也是廣東歌,這樣的安排就是不當,當然流程早已有,任觀眾如何叫破喉嚨,還是改變不了這局面。>_<




一口氣把這三星期的瑣碎事寫好。然後又可以換過個tone談別的啦。。。


終於把東京和悉尼點滴記錄下來。下一篇開始將會是香港“游”記。海豚兒自從回到多倫多後已經開行turbo寫“游”記,但又有誰會想到未寫到香港片段,人又已經要起行回港呢(汗)!在回到多倫多的幾天後,海豚兒就接到契爺過身的消息。難過當然有,特别是海豚兒這個衰女包回港時也沒有探望他。契爺有四個兒子加上海豚兒家姐和海豚兒兩個契女,而契爺長居於德州的長子和太太即海豚兒的大哥大嫂,亦經已回港辨後事,碰巧海豚兒家姐一家四口也會回港渡聖誕,所以海豚兒家姐亦會出席喪禮。海豚兒的契媽幾年前已經過身,這可是難得的重聚機會,既然如此,海豚兒便執意要返香港走這一轉。雖然只有六天時間,但海豚兒亦會make the best out of it!各位不用掛心!

祝聖誕快樂!

以馬內利!

回來見!

22 則留言:

  1. 咁快可以再見, 百味滋味在心頭呀~~~
    祝一切順利!!

    回覆刪除
    回覆
    1. 最後一天也見到妳,感受特别深,雖然不知道何年何月會再見,但我相信我們的友情也不會轉淡的!:)

      刪除
  2. 咖喱薯仔牛肉炒麵走牛肉? 不合邏輯呢!、睇新聞又話陳奕迅的演唱會講左好多廣東話? 你地節哀順變,辦妥事再 blog 過。

    回覆刪除
    回覆
    1. 哈哈,只需要叫多薯仔走牛肉,餐廳就眀架啦!

      陳奕迅係"講"咗好多廣東話,甚至在唱每首國語歌之間也用廣東話叫我哋俾多D反應佢,但唱嘅就真係得好少廣東話歌囉!

      謝謝!一齊已完成,我亦很慶幸自己能參予其中。:)

      刪除
  3. 可以再見都不知應有甚麼感覺希望妳契爺安息

    回覆刪除
    回覆
    1. 謝謝Maggie! 能再見面真的好高興,今次仲有幸認識埋車爸爸,而一落機最開心就係即時知道車車回家的消息,太好啦!

      刪除
  4. 祝旅程順利,聖誕快樂。

    回覆刪除
    回覆
    1. 謝謝!我在港時經常由酒店來回行去尖沙咀,每次經過興記都諗起妳隻加錢加細蟹。;P

      刪除
  5. 回覆
    1. 我食牛架,最鍾意食3成熟牛扒,內臓都食,但就唔食牛脷或牛腩之類!

      刪除
  6. 唔知你覺唔覺... 當有事要返香港時,心情好矛盾...因為去機場9成都係去旅行,開心事...但係有事返去時,去到機場,心中其實都會有一點點嘅鼓動,但其實又唔係去旅行, 十分矛盾...我都曾經試過因為親人的白事而去台灣,都唔知應該以咩心情上機...

    回覆刪除
    回覆
    1. 我明妳意思,我今次坐機返港時,都有諗起當年家姐為咗阿媽由三藩市返嚟有咩感受,而其實阿媽當時已過身,但家人怕她一個人坐飛機容易胡思亂想(!),只騙她阿媽是病了。^^"

      還好契爺已經九十多,大家都覺得他可以和老伴重聚也不錯。至於我就十分慶幸沒有錯過這次與阿哥們的短聚的機會!:)

      刪除
  7. 節哀順變呀...真係唔知講咩好啦!

    回覆刪除
    回覆
    1. 謝謝!沒關系,更難過亦總會過。雖然這行程很短亦很疲倦,但能夠和一班從小認識的家人話當年,這機會真的千金難買!:)

      刪除
  8. 個間餐廳咁好既,可以淨俾薯仔,如果係香港如得兩三舊薯仔咋
    個果BB係咪妳同事個老婆生個BB呀?
    妳返左加拿大lu,唔知幾時先可以再見妳呢

    回覆刪除
    回覆
    1. 嘻嘻,我哋有要求佢俾多D薯仔嘛,何況呢間店我哋都幫襯咗好耐,開到聲都無理由唔俾卦!

      係呀,就係呢個BB啦,佢之後應該仲會有4個細佬妹!;P

      妳嚟探我吖,最多我用le creuset煮... 公仔麵俾妳食啦!

      刪除
  9. 小孩媽媽抱着孩子的姿勢 <---哇,即係點抱架? 想學啊....嘻....
    快D快D,期待香港“游”記 =)

    回覆刪除
    回覆
    1. 將BB雙手交义喺胸前用一隻手撐住,另一隻手就頂住pat pat, 不過巨鵰巨鳳應該太大啦,咁抱法,真係一陣都手痛呢!

      嘻嘻,真係無諗過香港"游"記都會分上下集,我會努力架啦!

      刪除
  10. 回覆
    1. 謝謝!真心慶幸老公體諒之餘公司又肯配合,臨聖誕前都俾我放leave of absence,今次能夠同幾位阿哥及家人一起送契爺最後一程,真係一份好寶貴嘅記憶!

      刪除
  11. 祝你新年快樂, 事事如意, 生活繼續多姿多彩呀~~~
    你講的抱BB姿勢叫什麼呢? 我有興趣去FB/youtube看看呢~
    難得回香港旅遊, 雖然其中一個目的是憾事, 但過後可以同其他親友一聚也好~~

    回覆刪除
    回覆
    1. 新年快樂!!祝妳,丈夫和BB也健康平安!:)

      妳試下呢條link得唔得:
      https://m.facebook.com/story.php?story_fbid=1005053372895572&id=223193681081549&refsrc=https%3A%2F%2Fm.facebook.com%2Fthedoctorasky%2Fvideos%2F1005053372895572%2F
      如果唔work,妳打how to calm a crying baby...就會搵到FB條片架啦!;)

      對呀,今次返嚟好有意義,特别係見返一D好多年無見嘅兒時玩伴,真係好感動呀!

      刪除