2015年12月3日星期四

拾。婚。快樂之旅 ~ 酒店。往返機場交通工具選擇

和這行程用飛行里數換機票有點似,拾。婚。之旅當中的部分酒店也是用積分換取,不同的是用來換酒店的積分是屬於海豚兒工作地方的員工福利而並非信用卡或飛行里數計劃。

這行程中,海豚兒一共訂了三間酒店,全都在出發前六個月以上預訂的,海豚兒當時情願付貴一點點也選了refundable rate,以防萬一行程中有改動而因少失大。

以下是海豚兒和Mr. Dolphin在這旅程中的酒店及往返機場的公共交通工具選擇。

東京 - Sunroute Plaza Shinjuku - 雙人床(queen size bed)房價約$200加元/晚,不包早餐





以北美洲人對酒店的要求,這酒店房間的確細,但考慮到地點跟服務員的高質英語水平,這價錢其實已經很公道,而且只要懂善用空間,我倆仍有本事把兩個喼打平,然後安放在房中的行李架(放在床頭旁邊)和地上(書枱底)。若果不怕睡再少一點的床(double bed)和房間再少一點,房價亦可以再便易約$30加元/晚,又或是多付約$40加元/晚轉為和式地面的加大雙人床(king size bed)房,空間也相對多些。要留意一點,就是這酒店的客路大都是“國外遊客”,酒店的定位亦偏向西化,如果喜歡較具日本風情的酒店,這未必是一個好選擇。



這酒店距離新宿車站只需五至七分鐘步程,而新宿車站本身就是一個能四通八達的超煩忙車站,無論乘火車、地鐡也非常方便。我倆在成田機場也是買了來回火車票往返酒店及機場,而火車的座位也滿舒適的。其實,這酒店還有另一個好處,就是如果選搭機場巴士,巴士站就是直接停在這酒店門口,超方便呢!






悉尼 - Amora Hotel Jamison Sydney - 雙人床(king size bed)房價格約$300加元/晚,不包早餐




我倆選擇這間酒店的兩大原因是:

1) 酒店地點在市中心(CBD),無論外出時選擇步行或乘火車也很方便。

2) 跟其餘兩間酒店一樣,這亦是同區同級數的酒店中較便宜的選擇。

我倆在悉尼的日子實在是爆hea,四晚中有兩晚未夠六時已攤在床上看電視,對於這房間及浴室的舒適度,實在萬分欣賞,這旅程亦正好讓我倆在過了疲於奔命的東京五天"游"後,好好的休養生息,哈哈!

 



由於我倆早以預計在離開東京之時行李會爆重,所以雖然知道距離酒店步行約五分鐘路程就已經有直達機場的火車,我倆還是選了點對點的shuttle bus service 。寫到這裡,海豚兒有一點要提大家,悉尼有好幾間設有同類服務的接送公司,費用大多較在機場的shuttle bus service便宜,但大部也需要在網上先付費預訂,而在機場裡,我倆就只能找到Redy To Go這間店(或許是我倆不懂得到機場的其他樓層找吧!),所以我倆就直接跟這間接送公司買了雙人來回票並即時預約回程接送的時間,免得忘了在需要接送前的一天要事先打電話去預約的規定。

 


香港 - Eaton Hong Kong - club room約$240加元/晚,包早餐及lounge service

跟對上兩次回港一樣,我倆依然選擇了同一間酒店,分别是這酒店是今次行程中唯一需要自費的酒店,所以我倆選了club room,房間較為大一點之餘,房價亦已包自助早餐和lounge service,也算是不錯的選擇。







跟其他歐美大城市比較,香港坐計程車的費用絶對是抵到無朋友,亦由於我倆的行李亦實在重得過份,所以從機場往返酒店的路程,打的亦是我倆的首選。

順帶一提,在我倆決定選擇入住每間酒店前,海豚兒一定會在tripadvisor狂刨reviews,揀定後再由擁有“鷹眼”的Mr. Dolphin過目由旅客所拍而非官方的酒店房間相,尤其係個厠所,以防海豚兒鬼“暗”眼揀錯危樓酒店,重覆Sahara Las Vegas的錯誤!:D

下一篇將會入大直路,和大家重温東京點滴。

16 則留言:

  1. 我好信tripadvisor的reviews架,自己都寫,已經有幾百篇了 ,有旅遊,有食店。

    回覆刪除
    回覆
    1. 原來妳都係contributor,咁我真係要同妳講聲多謝呢!我呢個懶人只有睇嘅份兒,未寫過呢,嘻嘻!

      刪除
  2. 我都係睇 TRIPADVISOR...
    講到審察, 我都覺得男性好似好d... 我都試過衰過.. 5年前去巴黎, 我訂左間慘不忍睹嘅酒店... 而上年再去巴黎時, 由川老爺選, 真係又平又好... 汗...

    回覆刪除
    回覆
    1. Yeah! 原來大家都係tripadvisor嘅讀者!

      我估我同妳都係慳家底,我有時就算感覺到有D唔妥,但見價錢平就會催眠自己無問題,不過我瀨過舖大嘅之後,依家都唔敢啦,嘻嘻!

      刪除
  3. Amora Hotel超正啫感覺很舒適

    回覆刪除
    回覆
    1. 係呀,所以我哋嗰5日都成日“lay”喺酒店房到食同睇電視,哈哈!

      刪除
  4. 見到第一間酒店突然都有少少葡萄架!
    不過諗返冇去到結果聚左3次, 令到劉總葡萄, 又覺得其實都抵丫, hehe
    另外2間酒店都好正呀~~~

    回覆刪除
    回覆
    1. 係呀,我去到東京酒店時都有諗起妳呀!講得啱,如果妳嘅東京之旅去得成,我哋又無機會有咁多次見面呢!

      其實另外兩間酒店真係幾好,而最好嘅係3間嘅地點都好就腳就真。

      刪除
  5. 嘩,你Eaton間房超級大呀!

    我返香港每次都留成兩星期,唔捨得洗咁貴住呀!

    回覆刪除
    回覆
    1. 今次住club room所以間房真係大D,老實講,如果唔係遇着呢次係special occasion再加上另外兩間酒店房唔駛自己埋單,我都唔捨得upgrade住club room架!

      刪除
  6. 悉尼間酒店正喎,鐘意佢個廁所喎,夠大
    估唔到Eaton間房都幾大喎

    回覆刪除
    回覆
    1. 我都好鍾意悉尼間房嘅厠所仲有佢張床都係好舒服架,話時話呢間酒店好似係泰國開過嚟架!

      Eaton今次upgrade咗埋,所以間房至會大咗咋,下次就唔會有lu。

      刪除
  7. 海豚兒工作地方的員工福利 <--- That's awesome!

    回覆刪除
    回覆
    1. 對呀,海豚兒嘅公司福利真係唔錯,只可惜人工低XD! 但以工作量同壓力嚟講,我就無投訴囉!

      刪除
  8. 我覺得雖然話就話係酒店唔算留得耐,但係點都要乾淨,可能我有左小朋友後,對乾淨呢兩個字更加睇得重。 所以貴少少我都會住間好d 既酒店,廢事搞到周身痕就慘!

    回覆刪除
    回覆
    1. 係呀,我都覺得酒店乾淨企理係好緊要,以前後生時就住乜都夠胆,依家年紀大咗DD,多咗好多唔同嘅顧累,亦都覺得有D錢真係要俾人賺嘅!好彩嘅係,如果留喺北美玩,一般酒店選擇都比較多又平嘅貴嘅都有!

      刪除