2015年12月17日星期四

拾。婚。之旅 ~ 悉尼: Hea爆的三天


<<悉尼的第三天>>

這天早上我倆跟據之前網上預訂門票時間去參觀Sydney Tower Eye,預訂的好處是價錢較便宜,而我倆餘下在悉尼的日子又沒有甚麼大節目,所以便訂了星期六上午的時段咯!







在高塔上喪影一輪後,我倆便回到連接這高塔的商場,無意間發現這兒有一風堂,反正時間已是中午,便和Mr. Dolphin來試試。可惜Mr. Dolphin沒有揀對麵,這餐的味道不太對他的胃口呢!^^"




之後我倆便乘巴士前往Bondi Beach。



不過這日天陰陰又風大又有點雨,海灘也沒有很多人啦!怕凍又怕大風吹的我倆也沒有逗留太久便回到市中心。




在市中心行街,順便跑到其中一間百貨公司地庫的food hall提早吃晚餐。




一人有一個burger, 一個羊,一個和牛,肥膩但又幾好味咁啦!呢兩個懶人,下午茶時段食完晚飯就回酒店休息lu!




來到這晚,之前推喼的勞累終於從豬蹄手中發出來了!^^" 所以餘下的行程,粗重嘢都係交由Mr. Dolphin處理啦!





 <<悉尼的第四天>>

終於去漁市場啦!這天的早餐就是在悉尼著名的漁市場解決了!



 一場來到,當然要四圍影下這兒供應的海產啦!








至於海豚兒是日最喜歡的海鮮就絕對是下面這個生蝦了,鮮甜到呢~~~直頭好似食緊龍蝦刺身咁正呀!更爽嘅係Mr. Dolphin唔欣賞,把餘下的一半也交給海豚兒的肚皮“保管”! XD




吃飽飽後,我倆就去吃餐後甜品,順便嘆番杯好味的cappacinno,好吃又寫意,但落雨濕濕,客人也無法坐在户外,店內都逼滿人呢!





差夠電,我倆又再四處逛,逛到咁上下又去找吃的了。其實,我倆對於悉尼的行程真的沒太多計劃,甚至連吃也沒有甚麽主意,所以當Mr. Dolphin提意翻兜一風堂時,海豚兒也沒有異意。這天我倆選對了湯麵口味之餘,還有餃子,海豚兒更挑了好吃的和牛扒,這晚餐真的為之前一天的一風堂午餐來一個平反呢!






<<悉尼的第五天>>

相信大家也不感奇怪,海豚兒和Mr. Dolphin在悉尼的第五天是更加沒有任何計劃或行程,所以我倆也選擇在酒店hea到中午時份才late check out,之後又再翻兜好味道甜品店,重温美味牛角酥跟cappuccino,再之後就貪得意吃了小小三文魚生,鼎泰豐担担麵跟小籠包。





到下午茶時份,我倆在這個充滿特式商場逛完後,就去tea一tea。







在這店子吃了超好吃的Pavlova跟鬆餅!





吃罷這個美味下午茶,海豚兒和Mr. Dolphin就回酒店等shuttle bus來接我倆去機場了,結束這個hea“游”悉尼的行程咯!


20 則留言:

  1. 點解 Sydney 咁 hea 架,係咪真係無咩地方好行?

    回覆刪除
    回覆
    1. 其實我哋去嘅地方同港式旅行團去嘅差不多,但人哋通常兩日半到就玩完,我哋留咗5日,又無再去其他城市,所以咪hea成咁囉!但我哋都好enjoy架,因為之前喺東京太攰,去到悉尼可以抖下其實都幾爽!

      刪除
  2. 我尋晚想去一風堂食拉麵,但要等一個鐘,後來去咗另一間食

    回覆刪除
    回覆
    1. 下?等一個鐘!食碗麵啫!如果我好想去一間人氣店,我一係就晨早去避開人潮,避唔開就最多唔去,總知就唔想棟篤企做人肉免費宣傳!;P

      刪除
    2. 又唔係非食不可,而且天氣開始凍,真係唔會企係門口等一個鐘

      刪除
    3. “又唔係非食不可"--->呢句講得太好,天氣凍,若果唔小心被風吹病就更唔抵!

      刪除
  3. 香港一風堂簡直貼錢買難受

    回覆刪除
    回覆
    1. 係難食加要等好耐?

      好在香港選擇有好多,而且拉麵啫,妳話甜品都話非吃不可吖,哈哈!XD

      刪除
  4. 回覆
    1. 我都係去到悉尼至發現原來嗰度咁“興”食下午茶架!

      最正嘅地方係唔一定要去名酒店到食tea,隨便喺商場揾間餐廳都有tea食,依家諗返都覺自己笨,點解唔食多幾餐!

      刪除
  5. 回覆
    1. 哎呀!唔通比妳識穿咗我唔做家務?! Lol!

      哈哈,應該係因為腫到成隻手脹起哂,所以有呢個錯覺啫!

      刪除
  6. 悉尼的下午茶同甜品真係好吸引呀!
    唔知我幾時先有機會去呢?

    回覆刪除
    回覆
    1. 係呀,未去悉尼之前都無諗過佢哋有咁多有水準嘅下午茶選擇,仲以為只係得幾間大酒店嘅傳統下午茶款式添!

      等MC再大D可以帶埋佢哋去睇樹熊啦!

      刪除
  7. 我麻麻地海鮮,見到咁多新鮮海鮮都覺得好吸引呀!
    妳都鐘意食Pavlova架?

    回覆刪除
    回覆
    1. 新鮮嘅海鮮真係最無敵架! 我比較貪心,鍾意海鮮同時又鍾意鋸扒,所以食西餐成日都出現選擇困難,因為兩樣都想食哂,但又眼闊肚窄!

      我鍾意呢個架,尤其呢度嘅pavlova入口仲係暖身之餘,佢嘅甜酸味仲好鬼合拍,超正!

      刪除
  8. 你隻手真係幾滑喎,我已經完全係老人主婦手喇。

    回覆刪除
    回覆
    1. 嘻嘻,我真心覺得係燈光同電話嘅影相效果令大家有錯覺啫。我以前做過餐館,對手成日浸喺漂白水到,都幾鞋架!

      刪除
  9. 好HEA 呀真係...哈哈!!
    油雞出得好快呀...我仲停留左係4月份既油雞...我好慚愧呀!

    回覆刪除
    回覆
    1. 其實悉尼嘅hea正好補償番東京不眠不休嘅辛勞!;P

      我心急想快D寫完因為驚放低太耐會寫唔番當時嘅感受嘛!

      刪除