2016年9月6日星期二

重温漁人碼頭點滴。親友飯聚 ~ SF 之旅 Day 5 下

跟朋友午餐後,海豚兒和Mr. Dolphin就從Oakland搭BART(火車)去市中心再轉乘巴士前往漁人碼頭。其實海豚兒沒有特别喜歡坐巴士,不過來到SF坐巴士就自然會勾起許多回憶,包括第一次和海豚兒媽媽來美探望家姐,就跟據海豚兒家姐指令,帶着媽媽從三藩市阿姨(下簡清SF阿姨)家中搭巴士到SF市中心,然後跟下課的家姐會合,後來海豚兒來美定居,每逢暑假、寒假也會從羅省到SF跟家姐渡過,那時候也是經常搭巴士和火車出入,而其中一個海豚兒很喜歡去的地方就是漁人碼頭了。當年來美探望家姐的海豚兒連漁人碼頭定人漁碼頭也搞不懂,英文更只得半桶水,經常把Fisherman's Wharf諗作Fishman Wharf,坐飛機時,將飛機餐的lamb聽作ham,即係呢,Mary has a little lamb變成Mary has a little ham囉。。。難為媽媽要靠海豚兒當盲公竹呀,嘻嘻!



漁人碼頭是一個對海豚兒來説很特别的地方,當中當然有“有過快樂與心碎”的回憶,小時候最喜歡去這間糖果店買糖果,因為香港可沒有這些店子,估唔到n年後這間店子還屹立不倒呢!




還記得下面這個迴轉木馬,從前很想玩架,但總是被家姐嫌木馬不懂獨立搖動而阻止了。



然後是從前開在這位置的Disney Store,那時候香港仍未有此店,可憐媽媽、家姐、SF阿姨陪海豚兒在這裡逛完又逛,還記得SF阿姨還送了一隻米奇手錶給海豚兒呢!



今次一場來到,海豚兒和Mr. Dolphin當然要食番個蟹餅、飲番碗超級好味的clam chowder 啦!





之後就去探下正在曬日光浴的海獅,順便拍下從前那所“在水中央”的Alcatraz監獄啦!



然後我倆就從Pier 39慢慢行去Pier 45,估唔到這位路人甲(老人家)依舊守在朱古力店外,經過多年的風吹雨打,他也真的老了,連眼睛也修理過。





海豚兒之前沒喝太多湯,留起的quota就是為了來Ghirardelli吃杯雪糕新地啦!雖然味道未算很好,但既然來到也不好錯過這遊客必到的古力店嘛!




食飽飽後,我倆便跟家姐會合,然後去主打東南亞食物的Banana Island 餐廳跟家姐一家及SF阿姨、表妹、表妹夫和他們的兒子吃飯了。



SF阿姨是海豚兒外婆的契女,她是外婆從前居住在木屋村的鄰居,雖然跟我們沒有血緣關系,但我們家的關系卻很親厚,海豚兒家姐當年來美讀書也是SF阿姨和SF姨丈主動提出並收留了家姐,他們更一起生活五年之久呢!

這晚我們吃了許多東西而大部分食物也好好味,難怪星期三晚這餐廳也全場爆滿啦!不過海豚兒整晩也忙着和表妹及初見面的表妹夫傾計,所以亦未有把食物照一一拍下來。^^"




能夠和SF阿姨和表妹重聚真的很高興啊,亦想起了許多小時候的往事,希望將來有機會再見下SF姨丈和表弟啦!另外,更加多謝他們送給海豚兒的甜甜禮物,好吃啊!:)

 

18 則留言:

  1. 最難得同親友一聚, 食都係其次 ^^ 當然有好西就更好啦

    回覆刪除
    回覆
    1. 是的,好難得可以見到阿姨同表妹一家,自從有Facebook後,總覺得人與人之間嘅關係變得這麼近那麼遠。

      刪除
  2. 有時候啲嘢就係咁奇妙,雖然無血緣關係,但一樣可以好好感情,可能呢啲就叫緣份

    回覆刪除
    回覆
    1. 我仲好記得小時候阿姨會定時喺SF寄信返嚟俾外婆,家姐同我仲會負責回信,唔經唔覺原來已經係好多年前嘅事啦!

      刪除
  3. 重溫返咁多舊人舊事, 一定好溫暖又滿足~~~ :)

    回覆刪除
    回覆
    1. 係呀,仲記得第一次見當時幾歲大嘅表弟妹係佢哋跟阿姨返香港,喺我哋屋企打地鋪,嗰陣屋企好多人好開心架。:)

      刪除
  4. 回覆
    1. 係呀,雖然去到漁人碼頭好似無咩做或買咁,但作為遊客,我每次都會心思思想去行下。

      刪除
  5. 我前排去SF公幹有去漁人碼頭,但係嗰日得一隻海獅咋,唔知佢哋去哂邊,有啲失望!

    回覆刪除
    回覆
    1. 唉呀!我嗰日見到得一半滿都覺得少,以前去親都瞓滿哂架嘛,估唔到妳去嘅時候仲得一隻添。搞乜鬼,班友仔蛇哂去邊!@_@

      刪除
  6. 我上次去無睇海獅,去咗Alcatraz,去咗漁人碼頭行咗一陣,阿姐話要返酒店附近行Mall,無得跟佢哋去食蟹,嗚嗚

    回覆刪除
    回覆
    1. 行mall真係有d所嘥喎,話哂妳哋住NY,去到SF梗係去食下做下d當地特色嘢先算到此一遊嘛!

      刪除
  7. I went to Alcatraz as part of the job interview "package." Pretty fascinating.

    回覆刪除
    回覆
    1. 見工都有咁好嘅待遇,間公司好似幾好喎!如果喺San Jose住其實都唔錯,豈碼天氣無SF咁凍吖!

      刪除
  8. 難得的關係,SF EE好好人呀^0^

    回覆刪除
    回覆
    1. 係呀,SF阿姨姨丈真係對我哋好好,坦白講,倒反轉頭我依家都未必敢收留/照顧人家嘅孩子,好大責任呢!

      刪除
  9. 妳當年幾多歲呀?
    我都記得當年係漁人碼頭買左隻杯俾當年男友即依家老公,哈哈

    回覆刪除
    回覆
    1. 嘩嘩嘩!睇到“當年男友”我差d仲以為係指老公以外添,咁隻杯依家仲喺唔喺度呀?哈哈!

      刪除