2017年5月28日星期日

英倫“游”。Day 4 ~ 大旅行日: Stonehenge & Bath

一日比一日早起身,這天參加了一天本地觀光團,我倆朝早七時多就已去到集合地點等出發啦!

是日觀光景點有二,而這兩個景點亦是我倆這趟英倫“游”的次要目的,就是Stonehenge*同Bath啦!到此一"游"後,我倆也覺得這天的大旅行真的很值得一去呢!:D

*沒有文化的我倆一直喜歡稱呼這景點做“怪石”,哈哈!

這天乘坐迷你旅遊車出發,先去Stonehenge。到達後,導遊先生簡單交代過行程就“柄”埋喺cafeteria內做自己野啦。正當成團人都急不及待排隊坐shuttle bus去睇怪石,海豚兒當時還不曉得原來去到Stonehenge範圍內仲要坐車,不過就算知都無阻海豚兒打算吃個早餐才慢慢去的滋陰決定,哈哈!導遊在cafeteria碰見我倆還一臉尷尬添呢!




吃罷這個一般般的牛肉粒pasty、意大利菜湯和latte,我倆才施施然去坐shuttle bus。




正所謂傻人有傻福嘛,原來我倆遲來了還正好避過之前幾個旅行團的人潮,可以慢慢影、多角度影。話雖如此,但當天天氣也很冷亦很大風,所以我倆也想盡快完成任務。據導遊説,他小孩時代來參觀Stonehenge是沒有圍欄的,當時還可爬上石上玩。現在為了保護這些怪石,一般只能像我倆老遠咁影啦!







逛完一圈就乘shuttle bus回cafeteria那邊參觀入場費包括的展館,整個過程也很自助就是啦!;P





完成第一個景點,導遊及司機便車我們去第二個景點Bath啦。

這個城市真的好美。好美。好美。呀!



一下車,健步如飛的導遊先帶團友參觀一些特式建築物又給了大家一個關於參觀Roman Baths的慳錢小貼士。



然後就帶著團友經過Jane Austin Center再上到去The Circus。




據導遊講,這裡的房子都要幾百萬磅一間,其中一間是屬於電影名星Nicolas Cage(就是沒有門號那張相)。



他的房子門牌7號早已被他拆下來,因為從前經常有醉酒大學生深夜時份來敲門,又原來飲醉酒後,只要看不見他的門牌號碼,那些學生又真的找不到他的房子喎,真神奇,哈哈!




之後導遊又帶團友去參觀另一個美美的高尚住宅區,原來眼前這大片草地是屬於這兒的住客,一直伸延到中間那度牆為止。這道牆也是這班有錢居民加建的啦,用意就是不讓閒雜人等擅闖他們在花園辨的派對。




回到Roman Baths附近,我倆本打算跟據導遊的小貼士到Roman Baths旁的The Pump Room吃午餐,借機影下Roman Baths,因為這樣做,我倆可省下入場費又可吃頓豐富午餐,可惜餐廳雖然還有好幾張空枱但卻説要等約半小時才能入座,時間緊迫,我倆只好放棄,還好Mr. Dolphin襯海豚兒等侍應前來時已“偷雞”拍了一張照片,我倆就當已經到此一“游”咯!



之後我倆隨便找了間餐廳吃意粉(後來才發現這兒原來是連鎖店Prezzo),味道就屬於普通啦,沒有特別好吃或不好吃。



吃飽飽就繼續四圍逛,拍拍照。




離開之前,我倆去了一間小店吃了一件法式薄餅加杯熱飲,用意是臨走前去轉洗手間,然後在指定時間前去會合導遊及司機啦!



黃昏的天氣很差,四月尾還下起雪來,塞車之際海豚兒和Mr. Dolphin也睡著了。不過呢,後來Mr. Dolphin告訴海豚兒原來在途上導遊先生說了好些恥笑遊客的故事給司機聽,包括遊客明明想去Oxford Street但把這地方誤説成Oxford,結果跟導遊指示乘坐幾小時火車去到Oxford鎮後發現不對路,再致電導遊才知道擺了烏龍,但導遊、司機説這些遊人連地點也説不清又能怪誰等等。。。我倆覺得嘛,不管在導遊心目中遊客有多低B,也不至於在團友面前這樣子說出來吧,太無品啦,何況,團友們也全懂英語,以為人家聽不到的想法也太無知吧!



回到倫敦市後,我倆就去了炸魚薯條店吃晚餐,不過嘛,這個晚餐真的麻麻地,怎麼炸魚薯條專門店的炸cod fish會這麽乾而薯條又會淋pat pat架,還好haddock都算不錯。




吃飽飽後,經過乾淨整潔的唐人街再去M&M和LEGO行下街街

 




然後就搭地鐵返King's Cross站,經過餅店再吃件黑森林蛋糕止下口癮就返酒店休息咯

18 則留言:

  1. 嘩,4月都會落雪!好在係黃昏時先落,之前影相時仲係好好天~~~

    回覆刪除
    回覆
    1. 係呀,妳講得啱,雖然全日都好凍,頸巾羽絨ear warmers全都出動哂,但我地都覺得好感恩全日放晴,直到差不多離開Bath至落雨,後來返到倫敦,無雪亦無雨,玩都玩得開心d。

      刪除
  2. D 石好靚呀,好似孖寶兄弟GAME 其中一個段咁...

    M&M 依然好吸引~
    海豚兒有冇影扮M&M過馬路啊?
    我去果次,個個遊客都會扮M&M過馬路影相,好似係必然的POSE 呢 ^^

    回覆刪除
    回覆
    1. 我讀書時都曾經好迷打孖寶兄弟架,暑假時真係由朝打到晚,嘻嘻!

      依家開埋Lego店喺M&M對面,仲多咗更多影相位呀!我第一次去時其實唔知佢地扮緊Beatles(汗!)所以唔識得扮過馬路咁影,今次去就只係襯無人即刻影低佢地咋。^^"

      刪除
  3. 當年去Bath我係有入場架,不過已唔記得要入場費,我仲去完兒入Pump Room食下午茶,而且個高尚住宅區好似仲未建圍欄...... 真係好耐之前喇。

    回覆刪除
    回覆
    1. 查實我想去Pump Room到食多過去參觀Roman Baths,我有呢個咁諗,都應該唔難理解啫,哈!

      我覺得Bath呢個地方真係好靚,絕對值得黎一次。

      刪除
  4. 回覆
    1. 我呢啲電視精就梗係睇TVB劇至識呢個地方啦!XD

      刪除
  5. 我唔會介紹朋友去Stonehenge ,不過去Bath 要經過又順路。 英國人無味蕾的呀,好普通都覺得好好食,你睇我同老DAD就知啦,食pub food都食得好滋味。

    回覆刪除
    回覆
    1. 我地對上一次黎無去過,所以想完夢,不過某人去完Giant's Causeway後都改口話Stonehenge去唔去都得。^^"

      一睇妳句“無味蕾”我就忍唔住笑咗!不過英國嘅pub food已經好過我地嗰d好多啦,至少多種類而又唔貴!

      刪除
  6. 回覆
    1. 對呀,所以我地整個旅程都好感恩有好天氣又無搭錯車或行錯路!:)

      刪除
  7. 今日無咩點食甜品喎...hahaaaa

    回覆刪除
    回覆
    1. 今日全日都馬不停蹄,係無慢慢嘆甜品,但都至少食咗crepe同黑森林蛋糕嘅,嘻嘻!

      刪除
  8. 乾淨整潔的唐人街 <--- how is that possible?!

    回覆刪除
    回覆
    1. 真係好乾淨,乾淨到唔係見到大紅燈籠高高掛同好多中文字牌片,都唔可以相信係Chinatown呢!

      刪除
  9. 我上次去英國都有去Bath同Stone Henge 叫做此地一遊! 不過那次時間緊逼, 一早去三個地方: 溫沙莎堡, Bath同Stone Henge, 所以無乜時間逗留Bath. 我覺得英國的Fish & Chips, D薯條大都是軟棉棉, 唔脆嘅.

    回覆刪除
    回覆
    1. 我明妳意思呀,因為我地原先都係想去埋Windsor Castle但Mr. Dolphin就係因為驚會太趕所以放棄咗呢個景點,只係喺公路上“經過”然後快速影張俾樹遮住哂嘅castle相就當交差啦,嘻嘻!

      可惜我只食過呢餐係有薯條無得比較下添。^^”

      刪除