2018年1月9日星期二

香港。神京阪 ~ Day 2 «唯獨你是不可取替的blog友聚»

晨早起來先去澳牛嘆個靚早餐先,是海豚兒心理作用嗎? 還是真的因為競爭大了? 服務好像升了呢咁喎。



到差不多鐘數就入元朗辦點正事,沿途四圍行時撞到舊同學,再之後過緊馬路還被揸緊巴士嘅親友在路上認出,哈哈,好在海豚兒亦沒有打算隱瞞些什麼,遇上親朋戚友也沒所謂,跟住就順便去大同買定些唐餅孝敬主子。第一次幫襯,簡單的買了三款餅食,一試之下發現這兒的老婆餅真心好吃,比恆香更得我倆歡心。



之後便相約甜魔媽媽一起去圓方的魚塘鴨子進行午餐聚咯。先要跟各位blog友講句唔好意思,今次未能一一跟各位見面,因為這次回港主要是陪家人,所以作為人妻的海豚兒亦只可以用這不足24小時的空檔安排了午、晚飯各一場跟友人見面。



兩年沒見,這班好blog友依然這麼窩心,能和你們一路吃、一路説説笑笑就是最大的快樂。甜魔媽媽還很客氣地帶來小吃跟我們分享,當中的魚皮和古古力也滿好吃。



是日午餐雖然不算很出色,但難得好blog友們肯陪海豚兒瘋,明知這餐廳未必是吃川菜的好地方也點了味水煮魚給從未嚐過川菜但人又為食八卦兼好奇的海豚兒一試,嘻嘻!整頓午餐,相信最令同行好blog友記得莫過於紅當當的明蝦球。實不相瞞,海豚兒嚐慣老外food court口味,以為紅色代表溫柔的甜加輕柔的辣,原來在香港,紅色代表火辣辣,海豚兒將成隻蝦往口裡送即時辣到“紅都面哂”,狼狽得嚇壞人。不過嘛,其實海豚兒是真心愛吃這道菜的。





飯後還要多謝大家繼續陪海豚兒hea,一起去食雪糕,繼續談天說地渡過這愉快的午餐聚。



最後要多謝劉總提議帶海豚兒去叫鴨XD,Oli訂枱兼預訂靚鴨一隻,甜魔媽媽和車媽媽的細心照顧,還有大家為了遷就海豚兒的貪婪既想玩樂到最後一刻又不能錯過接主子機這重任,遷就海豚兒在圓方開餐,方便海豚兒在九龍站接機。

套甜魔媽媽一句,“每次埋單總是很難忘...”今次亦一樣,但大家真的太客氣啦,最後還是要多謝你們的熱情招呼和厚禮,更多謝你們把我當成好朋友,當中有些事情,夠海豚兒得戚快樂一輩子。:)

跟好blog友們道別後,海豚兒又變身為人妻,跟Mr. Dolphin在約定的九龍站回合然後一起回酒店。晚餐就約了Mr. Dolphin家姐在尖沙咀的泰燒遙吃泰菜。我們仨較為欣賞的有生蝦、咖哩豆腐和甜品,而泰式燒蟶子就反而很一般而已。





吃飽晚飯後我倆就乖乖的回酒店休息,準備迎接之後一星期神京阪之旅咯!

18 則留言:

  1. 每次回港, 仍未有機會光顧澳牛.

    回覆刪除
    回覆
    1. 查實有好多茶餐廳水準不下於澳牛,但既然住得近亦一去無況,但就唔會山長水又遠去潮聖,我覺得啦下。。。;)

      刪除
  2. 我食過四川私房菜, 之後疴到pat pat 好似燒著左

    回覆刪除
    回覆
    1. 哈哈,我記得有位資深川菜blog友講過,呢個情況可形容為"火燒後欄"。XDXDXD

      刪除
  3. 係架,香港的辣係頂級,我都唔敢食咁多。

    回覆刪除
    回覆
    1. 哎呀,我平時都唔多食辣所以唔知香港嘅辣勁咁多,下次我都唔敢亂來。^^"

      刪除
  4. 回覆
    1. 我都係第一次試咋,但就係見呢班blog友都係辣得之人肯陪我癲,我至敢咁試咋。

      刪除
  5. 我好鍾意食澳牛架,每次經過都食。
    佢地D侍應好好人又好細心,我大肚時去,佢地會突登唔安排CAR位比我,又提其他侍應小心D唔好撞到我,好好人 ^^
    我都覺佢地依家好左好多,之前好多負評,可能真係競爭大左,依家服務比之前好左呢....嘻...我覺得咁都幾丫 ^^

    回覆刪除
    回覆
    1. 對,我都聽朋友講過佢地對大肚婆係特別細心同照顧,雖然佢地對其他客人無乜耐性,哈哈!

      今次返去再幫襯澳牛真係覺得佢地耐性好咗好多,雖然唔見有大肚婆食客。

      刪除
  6. 今次行程緊逼,算啦~~~
    下次記得要陪我地瘋出澳門/曼谷呀!!!

    回覆刪除
    回覆
    1. 好在我地前後都有多一點時間相聚,仲要多謝妳陪我喺圓方四圍走呢!

      咁啱嘅(把聲即時提高八度),我都係諗緊呢兩個地方呀,希望可以成事!

      刪除
  7. 澳牛唔係服務差,而係班伙記有少少串,唔鍾意嗰啲喺茶餐廳食幾十蚊嘅都多多要求又或是唔聽佢哋安排。我鍾意澳牛伙記架。

    我前幾年返香港都會同朋友去食川菜,雖然好唔係特別好,不過可能我食得辣啦,我無問題喎。

    回覆刪除
    回覆
    1. 要聽佢地安排有時就係問題囉,我都唔覺得食茶餐廳應該要求多多,不過第一次去唔識規矩,例如唔知道食物要食咗大半至可以叫飲品而佢地又唔會解釋要自己意會係因為張枱唔夠放又或者出入時行得唔夠快阻住佢地做野(我地無後眼呀XD),咁就會trigger到佢地勞嘈,但我都同意,肯聽佢地安排就無事。又,我上次入到去聽唔清楚夥計叫我坐邊,我真係驚坐錯地方俾佢地話架。^^"

      我唔食得辣架,今次係我人生中第一次食水煮魚,揀啲唔太辣嘅食材黎食,都接受到,如果食物太辣,我除咗眼水鼻水一齊流,仲會出現孖潤腸嘴添呀。

      刪除
  8. 回覆
    1. 香港茶記嘅奶茶真係好正,不過可惜我弱雞,有時飲完會好似問米婆咁,起勢手震。^^”

      刪除
  9. 下次回來要留多點時間喔!

    回覆刪除
    回覆
    1. 無錯,連我自己都強烈要求要有多啲留港時間,重點係要有見朋友嘅時間。:D

      刪除