2018年1月20日星期六

香港。神京阪 ~ Day 5 他他條條“游”神戶

早上的指定動作,先在酒店吃個早餐打底。



然後跟據Mr. Dolphin嘅帶領搭車去神戶。

是日神戶之旅其實只有兩件事要做,第一就是老遠影一個景點而第二就是吃中午飯啦,哈哈。

所以當我倆抵達神戶之時只隨意在車站旁的室內商店街四圍逛,行到咁上下就去在多倫多出發前已預約的神戶牛餐廳 - Ishida本店去咯!選這間餐廳只因他是大路之選,懶惰的海豚兒從不曉得找些隱世餐廳,哈哈,對懶人來說,最驚要揾路,最緊要方便!



海豚兒和Mr. Dolphin同樣點了Kobe Beef Lunch Special (130g),這兒的午餐比晚餐便宜些,而神戶牛味道亦真心好吃,Mr. Dolphin加錢把白飯轉成炒飯,看著廚師把神戶牛的油脂粒用來炒飯,初時我倆覺得也未免太過重口味吧,點知一向怕油膩的Mr. Dolphin一試就愛上這炒飯,更即刻推介給海豚兒試,還不願再碰他平常至愛的白米飯,哈哈!老實說,這個炒飯真的好好味,多付¥500由白飯轉為炒飯也是值得的。










食飽就搭車去影神戶港灣塔。行去影相位時,沿路有很多麵包超人同佢啲朋友仔,因為影相位旁邊亦是麵包超人館啦。






影完一輪,海豚兒和Mr. Dolphin就往那兒的聖誕市集逛下



然後就再轉戰旁邊的商場。Hmm...只能說這天的收穫也很滿意就是了,嘻嘻。:)



行到攰,我倆就去Nana's Green Tea嘆個焙茶布甸(mousse?)甜品,怎料,海豚兒居然因為坐窗邊位被攝入黎嘅冷風再度搞到傷風加重咗,唉!^^”



食完又買夠就回程返大阪食晚飯啦。是日晚餐選了在港也有分店的三田製麵所食沾麵。某人好滿足咁食咗個不用額外加錢嘅大碼麵,海豚兒就揀了正常份量再加碟筍。





食飽飽就四圍逛,逛到咁上下海豚兒又襯食肆關門前極速食件味道算正常嘅甜品,然後就返酒店休息啦。


18 則留言:

  1. 食鐵板燒, 總覺得睇廚師表演 ^^

    回覆刪除
    回覆
    1. 呢餐還好,廚師先生係實幹派,沒有任何花巧,我地亦唔洗一邊食一邊忙住俾啲咩反應。;P

      刪除
  2. 講起都掛住神戶鐵板燒的時光!
    又會咁唔小心吹親,應該要載帽呀

    回覆刪除
    回覆
    1. 神戶牛真係好正,再去神戶嘅話我都會想再食,加上北美食神戶牛太貴啦,我唔捨得呢。^^”

      唉,我已經羽絨頸巾全都著/帶上,但就係因為坐旁邊位,俾啲風喺條罅到攝入黎凍親,都係自己大意唔應該坐旁邊位。

      刪除
  3. 香港三田我都未提起興趣試,日本店好吃嗎?

    回覆刪除
    回覆
    1. 我覺得好味呀,但就唔洗好似某人咁叫大碗麵,一來唔夠湯,二來啲湯到後期亦唔夠熱。

      刪除
  4. 你個神戶牛餐最吸引我,居然係杯咖啡!美國真係好難搵到有泡面嘅普遍咖啡,悲哀!

    回覆刪除
    回覆
    1. 嗰陣泡面應該係居住北美嘅移民至會留意到,當杯咖啡端到我面前,我其實係有一刻疑惑,唔通加咗奶,哈哈!

      刪除
  5. 妳無講嗰個去影既景點係邊

    回覆刪除
    回覆
    1. 有呀,就係摩天輪之後嘅相,紅色嗰座,叫神戶港灣塔。:)

      刪除
  6. 神戶好靜,我哋上次食左一餐難食的自助餐,就是為了睇夜景。

    回覆刪除
    回覆
    1. Mr. Dolphin有一刻都被buffet個名吸引咗,好在我記得妳同另一個blog友都提過呢度係伏,所以我至打C都唔去咋,情願返到大阪至開餐。

      刪除
  7. 大碼麵真係好勁抽呀....XDDDDD
    食唔食得晒架.....XDDDDDD

    回覆刪除
    回覆
    1. 大碼麵真係超巨型,食就食得哂,但到最後唔夠湯,啲湯亦唔夠熱。^^”

      刪除
  8. 神戶牛望落好正呀, 肥人吞口水中!

    回覆刪除
    回覆
    1. 神戶牛真係好好味,又無根,入口亦唔會覺得好油膩,有機會再去,我都會想再食多次呢!

      刪除
  9. 點知一向怕油膩的Mr. Dolphin一試就愛上這炒飯,更即刻推介給海豚兒試,還不願再碰他平常至愛的白米飯 <-- I don't like fatty food either and also prefer white rice over fried rice

    回覆刪除
    回覆
    1. 我都記得妳都係鍾意食carbs嘅人,可想而知呢個油脂牛肉粒炒飯有幾咁好味呢,Mr. Dolphin都要放棄白飯。

      刪除