2018年7月10日星期二

六月回顧 ~ 選舉。午餐聚。日常

某日行行下,見到以下這個『在“草”中央有儷影一雙仿似畫在湖上』情景覺得好可愛,所以影低和大家分享,其中一隻可能為食,行近海豚兒,發現無著數後就回去同伴身邊繼續修行。XD



六月初是海豚兒居住省份~安大略省的省選,這次投票海豚兒和Mr. Dolphin終於擺脫多年來搭沉船的宿命,所投的黨終能成為新一任的執政黨。



接下來的星期六,海豚兒和Mr. Dolphin瞓醒無樹(事)幹便去嘆返個好吃的甜品早餐。



又跳過幾個星期,海豚兒和一位舊同事相約在星期六吃午餐,食物其實滿好吃不過吃並不是重點,兩個女人雞啄唔斷傾了差不多三小時,不枉海豚兒來回接近開了兩小時車和朋友見面也是值得的!我倆無論年紀、家庭背景、喜好及性格也完全不似,唯一相同之處就是大家都沒有下一代,多年來也很投契,無所不談,實屬難得。





當日下午和Mr. Dolphin會合後,我倆逛逛街然後就去食晚飯啦,這兩款食物間中也會在海豚兒的網誌出場,同時亦是海豚兒喜歡的鹹鹹甜類別。



某天下班後,海豚兒陪Mr. Dolphin去做定期眼科檢查,炎炎夏日,正好去吃碗季節限定的涼麵,麵質煙煙韌韌,好吃!最後還吃了一客焙茶布丁作結,味道不錯,但海豚兒還是更愛吃焙茶味雪糕多一些。



六月最後的週末是慶祝加拿大七月一日(星期日)國慶長週末假期,Mr. Dolphin襯星期五晚就帶「餓」了吃牛牛很久的海豚兒去鋸扒。海豚兒選了帶骨牛仔肉扒因為未試過嘛,味道其實也不錯,不過跟Mr. Dolphin的羊架相比,羊架真的超好吃啊,肉香仲超濃,一吃難忘。還有,海豚兒的配菜薯條也是非常可口,連與澱粉質無緣的海豚兒也吃到停不了口!





或許是這個星期五吃得太飽肚啦,星期六我倆也只簡單吃了茶餐早餐



和台式下午茶為這個炎炎六月作結啦。

 



14 則留言:

  1. 雞啄唔斷個餐晏,個洋蔥湯堅邪惡好吸引囉!!!

    回覆刪除
    回覆
    1. 果然係星級食家,個洋蔥湯真係洋蔥又甜芝士又香,一向唔多好湯水嘅我竟然可以差少少就清底(朋友完全唔飲湯),好難得!

      刪除
  2. 最想食茶餐 ^^
    Justin Trudeau 單#metoo 而家攪掂未?

    回覆刪除
    回覆
    1. 我估沙嗲牛同奶茶應該比法國大餐更吸引妳呢!

      講起佢就...早幾日佢見傳媒講呢件事,聽佢講野都覺到得佢淆底,唉,真係肉酸呀!事主堅拒評論,單野可能都不了了之!

      刪除
  3. 做朋友都唔使樣樣都似。我的朋友圈很廣,有不同年齡背景職業,總之啱傾就多傾,唔啱傾就少見D。

    回覆刪除
    回覆
    1. 我生活圈子好細,尤其黎到多倫多後,主要識到嘅朋友都係由同事開始。呢個同事識我無耐時感慨話生得我出,我就笑佢邊有咁好命生得出我呢個孝順女(反話),哈哈!

      刪除
  4. 回覆
    1. 我地喺屋企食紙皮(麥皮)無post出黎,妳又唔知啫!XD

      刪除
  5. 今個月少左好多甜品做正餐既~?hahaaaa
    羊羊肥人都好中意食, 可惜近年既羊羊都不夠羊味..好失望呢~

    回覆刪除
    回覆
    1. 咁叻嘅,留意到!近排係少咗食甜品當正餐,因為咁啱去嘅餐廳啲甜品都唔太啱心水囉!

      咁妳鍾意食羊嘅邊個部位呀?我只食羊架,太過啖啖肉(羊脾、羊腩)嘅唔啱我。

      刪除
  6. 我返到嚟幾個月都無食過牛扒(因為美國牛扒好食好多又唔貴)..... 今晚口痕去食咗個豉油西餐廳嘅鐵板牛扒餐.... 肉質係ok, 但真係無牛肉味.... oh well....我係唔會喺香港俾成千蚊食美國牛扒的。

    回覆刪除
    回覆
    1. 香港要食塊靚牛真係一啲都唔平,我估租貴都佔好大原因,不過唔緊要啦,等返開美國探親時至盡情食牛牛,另一方面,依家每日都可以嘆杯從前每日朝思暮想嘅港式奶茶(仲有妳至愛嘅油渣麵)都係爽,其實比食牛扒更開心...我覺得啦下,嘻嘻。

      刪除
  7. 回覆
    1. 哈哈!我地下次應該約去唱K加食飯!又,我近期至愛係“熱烈地彈琴熱烈地唱”,因為早前見呀小鳳姐參加婚宴被訪問嘅對答,突然覺得佢好可愛呀!

      刪除