接下來的週末，海豚兒就和Mr. Dolphin襯Summerlicious去市中心食餐晚飯。早午餐就在甜品店解決。最正莫過於後來加點新鮮出爐的almond croissant，熱辣辣的杏仁牛角酥真的好好吃啊！
之後四圍行下睇下就到晚飯時間啦，是日吃Summerlicious ~ prix fixe menu，選址在Bymark，因為早到關系，到達時只有我倆，好有包場feel呀！
除了甜品中的檸檬味蛋糕過甜外，其他食物由頭盤(吞拿魚刺身、鹿肉他他)、主菜(帶子配蟹肉薯仔波波、這兒的名物burger )到甜品(濃濃的古古力甜品)我倆也十分欣賞，絕對是值得一試！
對於某餐廳好吃否，海豚兒記性一向比較好，肯定是跟讀書的左耳入右耳出無得比，幾年前和同事來吃過一頓Summerlicious午餐一直記住，要和Mr. Dolphin來試試，還好雖然事隔幾年，這兒的水準仍保持得到，Mr. Dolphin也表示很滿意這晚餐！
好啦，轉個話題先，還記得三年前海豚兒買了一份小禮物給姨甥女小學畢業嗎(按此重溫)？今年輪到姨甥仔小學畢業啦。男生的禮物真的比較難搞，而海豚兒這位cee亦著實有點hea，只為他多添了一隻手錶，心想至少也會用得著嘛！相相是攝於去年大阪酒店內，禮物其實一早已準備好，只是等到上個月才寄出。兩個孩子都大啦，有他們的主見和想法，只希望他們有顆善良的心，並相親相愛。
Almond croissant 係我最至愛的，英國有幾間bakery 的都好好食。升上中學，學習環境唔同左，要好好適應。我老DAD都鍾意在大日子送手錶，首飾比我架。
回覆刪除哈哈，原來大家都係同道中人，新鮮焗起嘅almond croissant真係超級irresistible！
刪除今年姨甥仔middle school,姨甥女都升high school,兩個都要適應新學校、環境，好在嘅係佢地都係樂觀嘅人，應該好快可以投入新生活。係喎老DAD呢個做法幾好，我以後都可以跟住咁送唔洗下下諗買咩禮物。
甜品睇落好正
回覆刪除呢篇嘅crème brulee tart同超濃蕉朱古力糕都係好好味之選。：)
刪除我好想挑戰整Almond croissant, 不過未有的起心肝
回覆刪除禮物, 心意最緊要啦
期待睇妳嘅食譜加成品篇，阿毛加油！
刪除其實我覺得份禮有少少hea架，意思係我後來覺得呢個型號對姨甥仔黎講可能唔夠潮。
不知不覺，都真係睇咗你寫Summerlicious好多年喇！今次個menu我ok(burger除外)。
回覆刪除依家小朋友仲帶錶咩？有電話後生一代應該無乜人個再帶手錶。
係呀，因為除咗有summerlicious，冬天又有winterlicious呢！:)
刪除睇完妳留言，我又真係好認真去睇返近月家姐姐夫WhatsApp姨甥仔女嘅相，仲要放大黎睇佢地隻手，好在隱約見到佢地都仲有帶錶啫，不過妳咁講起，可能我將來要買啲high tech錶俾佢地，唉呀，好貴呀，我連部note4都未捨得換呀。
啲嘢睇落好好食啊！最近有乜劇集好睇？
回覆刪除Summerlicious呢餐真係近期好滿意嘅fine dining，不過正價嘅話，我未必會去，嘻嘻！
刪除我睇得好慢架，早排最like誇世代，最唔like波士早晨，棟人的時光都可以“立”下，依家睇緊逆緣。。。我真係睇得好慢架(首尾呼應)。XD
妳真係好有心思呀，一早揀定買定份禮物～
回覆刪除兩口子的晚餐又係好正，講起上來又係時間睇下東歐要book咩餐廳啦!!!
我只係好彩去旅行時記得咋，因為姐夫一家崇日，所以喺日本買禮物比啲細路就會穩陣啲。
刪除呢餐有prix fixe menu嘅fine dining真係算好食又抵食，3course連稅加小費約$420HKD/人，我估平過香港。去到Prague有機會要試下豬手，都幾出名架！：)
死啦，咩都未book，今晚趁老公得閒book左火車票先！
刪除Prague我地留咗3晚，一家5口全部walk in去食午、晚飯都okay，食肆都welcome,我哋只係行到邊食到邊或者之前一晚揾定景點附近有咩食咋，我估妳到時揾都唔遲，但火車票呢啲就真係提早book/揾定資料好。
刪除早午餐只吃甜服了妳喇哈......
回覆刪除可能心理作用啦，總覺得起身後第一餐甜食比肉類易啲入口嘛，哈哈！就算小時候食街邊腸粉，我都係食齋腸加甜、麻醬，咩魚蛋豬皮我都唔多食架。
刪除肥人好好奇...鹿肉味道係點架~?
回覆刪除呢個整得無咩味(羶味)，質地有啲似牛肉但感覺更輕柔，可能係片得太薄，哈哈！
刪除原來加拿大國慶跟香港回歸是同一日
回覆刪除係呀，而咁多年最深刻一次就係喺加拿大國慶日，坐喺朋友屋企嘅電視睇住香港喺滂沱大雨中回歸中國。
刪除