配眼鏡。午餐約會

到期配眼鏡，星期六中午，海豚兒同Mr. Dolphin先去眼鏡舖附近嘅港式餐廳開餐。 

龍蝦帶子意粉同明太子軟腳蟹意粉都幾好味，難得意粉亦煮得煙煙韌韌。 



甜品亦唔錯，呢間一定有下次。 



美中不足，咁啱隔離枱其中一人係Mr. Dolphin講廣東話嘅舊同事，兩張枱距離太近，搞到海豚兒講野又怕俾人聽到同時亦極唔想聽到隔離枱嘅對話，感覺怪怪。^^”


講返呢間眼鏡舖，我倆多年前已幫襯過，可能依家生意越做越好，揾錢大過天，單都未寫好就打Mr. Dolphin主意話要收錢，唔想收信用卡因為店主會賺少咗，咁Mr. Dolphin就順哂店主意用銀行卡過數啦，交易完成後，店主又話自己數口差計錯數，要補多$30，如果係海豚兒一定叫回水然後走人，但知夫莫若海豚兒啦，就算心裡頭十萬個不憤，Mr. Dolphin還是乖乖付上銀兩補差價，結果嘛。。。一天後眼鏡舖打電話來，他們說Mr. Dolphin嘅近視度數同佢揀嘅眼鏡款式無辦法佳偶天成，只好全數退還給他。哈！整定嘅，唔係你財，唔入你袋，皆大歡喜！

來到星期日，海豚兒和兩位朋友又來一場不定期聚會，襯住Summerlicious，我們仨去了Oliver & Bonachini Café Grill吃午餐。三個女人一個墟，跟以往一樣，吃從來不是重點，三個人東拉西且說說笑笑就渡過了一個快樂下午。還好有她們，幫海豚兒差下電，因為Mr. Dolphin打敗仗，接下來一星期海豚兒也在勞勞碌碌中渡過。