2019年6月11日星期二

2019 米蘭 Day 4: 行下 食下 買下。同場加映 “麼依沙”記錄

是日行程是海豚兒和Mr. Dolphin旅行的慣常模式,行程包括食、買、市內觀光,總之夠hea就是皇道!

出發前先到地鐵站買一人一張兩日票,然後海豚兒就跟著Mr. Dolphin指令,Mr. Dolphin又跟著高高先生(Mr. Google)帶領搭地鐵去到名店街。



一出車站就見到大大間名店。



繼續前行,邊搵路邊櫥窗購物式行街,很快就來到早餐地點 ~ Cova米蘭店啦!又,其實抵達時已經接近上午十一時,一點也不早了。:D




我倆點了古古力牛角酥、兩客三文治開心些牙,味道不錯,不過嘛,當時海豚兒心想,三文治就是三文治,難食極都有個譜,直至之後一天遇上另一間店的三文治才知道自己想法有多天真,當然,那又是後話了。



一場來到,雖然目測餅櫃的糕點未算太吸引



海豚兒還是點了件tiramisu來吃,始終旅行期間,早餐不吃甜食,就不夠圓滿嘛!不過,這件tiramisu的咖啡酒味也不濃,cream太多亦比較漏,海豚兒也經過多番努力才能消減他呢。



食飽飽就繼續行街



我倆在X服裝店遇上一班大媽大叔遊客,招呼我倆的店員每次拿外衣給我倆試穿時,他們也虎視眈眈甚至明知不合穿也即時試上身,也算吧!反正海豚兒和Mr. Dolphin也不是甚麽包場VIP,遇上這情況也只好盡量避開他們就是啦。怎料,當Mr. Dolphin把短褸試上身時,其中一位大媽走到他身後,摸了他衫尾即近pat pat位置幾下,Mr. Dolphin在沒有任何店員出手阻止情況下,只能跟對方說一句“sorry”,示意對方停止,起料大媽色膽包天,跟主子説了“麽依沙、麼依沙” (國語:摸一下),就繼續肆無忌憚摸多主子幾下才停手。💢怒呀💢

就是這勢兇夾狼的五星大媽咯。其實他們人數眾多,還有幾位未入鏡。又,Mr. Dolphin還親愛目睹有一位閒著的大媽當眾「採礦」,不過Mr. Dolphin話不是摸他件衫那位喎。;P



購物完畢,順便提前在市中心辦理VAT退稅手續,我倆就繼續邊行邊觀光。




途經這間港式食店,影下相。



之後再搭車去另一個車站,又影下相。




又繼續向目的地前行和繼續影。




見到露台上好奇的小狗嗎?



再放大一點吧!見到了嗎?



然後就行到是日景點Navigli Canal啦。




剛好遇上練習爬龍舟隊伍,爬得不夠逆流大叔齊喎,要加油呀!




本打算在這兒附近吃晚飯,但當時才四時多,而餐廳晚市大多數在晚上七時過後才營業,我倆還是乖乖的坐地鐵回到Duomo一帶,行下街,才吃飯。

是日我倆再次走進Galleria Vittorio Emanuele II商場,可能是閒日關系吧,沒那麼逼人,又再乘機影下商場內環境。




然後就隨心找間有薄餅食的餐廳幫襯。



首先上枱的是麵包,長話短說,米蘭的餐廳好像都有循環再吃餐前麵包文化,包括這間餐廳。。。我倆親眼目睹侍應把籃內吃剩又貌似完整的包包重新配給新到訪客人食用,所以除了密封袋裝grissini麵包條,我倆已不敢多吃隨枱奉上的麵包籃,雖然米蘭的餐廳麵包文化像中國人飲茶一樣,會按人頭收茶芥般收費,但也沒法子啦!



餐廳送上前菜arancini炸飯球,雖然不夠脆,但味道不錯。



我倆點了頭盤火煺配哈蜜瓜,火煺味道正正常常,瓜瓜就非常香甜。



這兒的意粉質地雖未至於驚為天人但也不錯吃。



貼心的店員知道我倆會把食物開心些牙,所以就預先把薄餅一開為二,海豚兒也不好意思把薄餅還原拍照,大家就將就啲睇啦,哈哈!又,原來牛肝菌配薄餅,味道出奇地夾,真心好吃啊!



最後,海豚兒和Mr. Dolphin分吃了一份滑嘟嘟panna cotta,店員還看得很高興呢,因為我倆分吃的方式是海豚兒吃奶凍而Mr. Dolphin就負責處理不同品種的莓。:D



滿足的一餐!

食飽飽就在商場外的大教堂再拍拍照,近距離看,才看到手工有多美!




最後坐車回到中央車站,再嘆多杯意式雪糕,我倆就返酒店休息咯。

18 則留言:

  1. 真係估唔到有港式野
    有錢真係未必買到品架

    回覆刪除
    回覆
    1. 米蘭仲有唐人街添呀,不過我地都無去,以遊客心態,無奶油山長水遠用歐羅食中餐嘛,哈哈!

      除咗品德仲有品味都係。

      刪除
  2. 唔好比大媽們影響心情。我在 outlets 都成日遇到佢哋,我就避得就避。
    咁早食咁大件餅係難消滅的,飯後食就唔同感覺了。

    回覆刪除
    回覆
    1. 謝謝!嗰刻真係O爆嘴,咁樣俾人harass,店員s仲要唔出聲,其實如果主子唔係知我要買野,佢早就走咗添啦。

      嗰件tiramisu好多cream,真係漏咗啲,不過今次米蘭之旅,食方面都係較一般。

      刪除
  3. 如果去到意大利食tiramisu, 咁我個'巴'會set得好 high, 我鐘意勁酒味又creamy, 蛋糕:cream 比例要1:9 咁樣嗰的。。。哈哈哈 so far 我係去過一間意大利餐廳整得好好味,其餘的都只係麻麻地

    回覆刪除
    回覆
    1. 我都係,去之前有high expectations意粉呀、tiramisu呀會好好味,不過今趟旅行真係無咩食神,除咗五漁村嗰人,其他日子喺食方面都無乜驚出喜!

      Yeah!勁酒味嘅tiramisu簡直係賣飛佛呀!

      刪除
  4. 幾有趣喎竟然有冰室@@
    試過有大媽話我身形似佢個仔,叫我試件衫畀佢睇XXD

    回覆刪除
    回覆
    1. 冰室仲要係收歐羅,真係幾搞鬼!

      係呀,呢招啲大媽又確係好鍾意用,就算我呢邊嘅鬼婆有時都會。^^”

      刪除
  5. 食食食、買, 食食食、買,食食食 . Perfect harmony !!!
    被大媽們影響心情好唔值得,不理他們(很難)

    回覆刪除
    回覆
    1. MD好叻,完全get到我地食就食多多買就買少少嘅平遊米蘭模式。:)

      係主子慘啲囉,以佢一慣作風,一早走咗啦,如果唔係因為我已睇啱心水等俾錢。

      刪除
  6. 如果我係你哋,一見到大媽埋身(在附近),我會先離開間舖,寧願之後再睇過。

    我今次去Barcelona都好早食晚飯,好多時都係午餐尾時段去食,因為唔想等到8點先再出去。

    回覆刪除
    回覆
    1. 當時要走有啲難度又或者係自己唔好意思(?!),因為一入舖就有位sales姐姐問好哂有咩幫到我地,而地面係無乜野睇,好自然就聽佢話,跟佢上咗二樓等佢入倉攞貨出黎揀,上到去二樓至見到群如狼似虎嘅大媽。。。一切都為時已晚呀,哈哈!

      係呀係呀,Barcelona嘅8pm晚飯時間對我地黎講都係太夜,食完仲洗瞓嘅。

      刪除
  7. 好恐怖的大媽,真係痴X@#?@#線!!!
    大媽、冰室仲有龍舟,感覺上米蘭多左好多好多中式元素
    搞到我唔係好想再去添.... ^^"

    回覆刪除
    回覆
    1. 大媽行為,真係睇到sales姐姐都滴哂汗呀!坦白講,我最唔想被其他人包括sales們當我地係同類,不過,今時今日,又仲有幾多人識分香港人同大陸人吖。^^”

      我都覺得米蘭去過一次就夠啦!

      刪除
  8. Cova都係亡芒果蛋糕好味,btw那大媽好明顯睇中Mr. Dolphin!

    回覆刪除
    回覆
    1. Cova芒果味蛋糕係香港嘅幸福呢,當地無呀,可惜、可惜!

      Oh no,佢地覺得好嘅野通常好有問題喎,但Mr. Dolphin又未至於吖,哈哈!

      刪除
  9. 天氣好好, 點影都好靚呀...
    係囉, 你唔食甜點邊得架..hahahaaa
    d大媽真係...如果係我, 我會答佢不可以!!!

    回覆刪除
    回覆
    1. 係呀,頭兩日落雨陰天又凍啲,搞到我地差不多將成個喼啲衫著哂上身黎保暖,好在呢日放晴又暖啲,心情都好啲!

      哈哈,放假就更加啦,甜品真係不能少!

      最慘係大媽未問已先摸咗好幾下,唉,佢地啲心態真係呢。。。

      刪除