乘坐機場巴士來到機場。
辦妥所有VAT交表、航班check-in、過安檢手續後，就去到免稅店區域，看見有意大利特色的M&M公仔拍張照片，隨即就行下免稅店。
見到有意大利雪糕食，當然立即啪返杯當早餐啦！
順帶一提，如果要在機場申辦VAT退稅的話，最好預早四小時來到機場作準備啦，因為搞退稅嘅隊伍都幾壯觀，尤其遇著中國人旅行團嘅話，而退稅部門職員亦只會辦理四小時內起飛的申請。又，要記得行完免稅店才去到passport control即海關部門，然後要過了passport control才到達候機大樓，所以行街也不要失預算呀！加上一旦通過passport control就不能折返，如果在通過passport control部門前遺忘了先取回退稅也就太遲啦！
因為沒有什麼想買(其實係無錢買XD)，行一陣免稅店，我倆就乖乖的去過海關，然後就去lounge食下、抖下。
下圖是海豚兒從lounge的食物枱取回來的食物，坦白講，這間lounge提供的食物很弱呀，基本上都無咩食嘅。但最搞笑係當Mr. Dolphin看到海豚兒拿回來的食物和飲品(見下圖)，他的評語是：海豚兒就像以前睇戲啲新抱或工人，俾十蚊佢落樓買一家十口嘅餸，明知唔夠錢，但又有辦法買加煮到一枱餸出黎咁。。。咁樣笑個老婆都得，大家都應該明點解海豚兒會尊稱Mr. Dolphin為主子啦。^^”
一轉眼，我倆已在機上啦。罕有地，今次海豚兒在飛機上竟然有野啱食，就係雪糕啦！除雪糕外，其他零食、小吃、正餐，海豚兒都交給Mr. Dolphin代勞。九個多小時後，海豚兒和Mr. Dolphin就平安回到多倫多，結束這六日五夜米蘭之旅啦！
~~~~~~~~~~~~~~~~~~~~~~~~~~~~~~~~
米蘭去後感。。。
米蘭跟其他意大利城市如羅馬、威尼斯、佛羅倫斯等很不一樣。這兒比較商業化，食方面，可能是我倆運氣不好吧，沒有吃到「真。意大利」味道，不過，“感覺上”，注意，這純粹是我倆的“感覺”，除了在Duomo遊客區一帶要提防小手，其他我倆去過的地方也算得上安全。
Mr. Dolphin 應該知道你似魔術師, 可以無中生有 ^^
回覆刪除如果我有雙像魔術師的巧手，主子應該會好高興，至少有啖好食，唔洗捱我bb班廚藝。;P
刪除坐9小時，玩6天唔花算呀！
回覆刪除歐洲的退稅又特別慢，真係要預早D時間排隊，排得來就 within 4 hours departure 啦。
無計啦要就假期之餘加航又唔係每日有直航，不過只去米蘭一個城市，時間都好夠用。
刪除我地算好彩添啦，預先喺市中心辦妥手續，去到機場可以排快線(插隊)交表加即時蓋印，仲剛好早過幾個旅行團到達，一陣就搞掂。
Mr. Dolphin食埋妳嗰份餐都好勁，咁妳返到屋企至搵嘢食﹖
回覆刪除Mr. Dolphin成日話飛機餐細細份唔覺飽，哈哈！係呀，我多數上機前食飽刷牙，之後就等落機至再食野。
刪除反正都去到lounge點都搵啲野食下啦XXD
回覆刪除都係呀，因為嗰朝早餐都未食，而我喺飛機又唔多食野，所以去到lounge點都要食少少。
刪除Mr Dolphin 勁, hahaha
回覆刪除佢最勁嘅地方係對飛機餐來者不拒，好在唔係對女人咁啫，哈哈！
刪除亦可能你係耶穌，可以五餅二魚，由少變多！
回覆刪除我今次去歐洲無乜買嘢，亦無買名牌，所以無諗過攪退稅。不過如果知道要4小時，又要同班大媽一齊，我會寧願貴少少喺香港買，都唔差得嗰一千幾百。
如果我有咁勁，就落黎見班克警啦，哈哈！
刪除我原先有諗過等喺機場免稅店至買野，咁就連退稅都慳返...而其實就算退稅唔成，同一件貨點都平過我喺北美買嘅，至少慳咗消售稅。
今日在西環食意大利野，先至深深深懷念意大利旅遊時光，不過米蘭的確唔係首選
回覆刪除其實妳主子超級特別，對Lounge會挑剔但飛機餐又咁寬容，係咪有特殊情意結呀？
無錯，如果再去意大利，我都應該唔會專登重遊米蘭。
刪除哈哈，甜魔媽媽完全係突破盲腸呀，主子一向對食都有要求但同時亦好有衣食，飛機餐派到佢面前，唔食嘅話，佢會覺得好嘥，而且食飛機餐可以順便打發下時間。
意大利雪糕做早餐爽到呢
回覆刪除真係勁滋味，可惜時間上有啲趕，唔係就可以嘆埋tiramisu添呀！
刪除