甜魔媽媽和爸爸離開後首個週末的同時，海豚兒和Mr. Dolphin亦已經放慢腳步，不用再趕著處理搬屋事宜。
是日貪得意買杯早前大熱的珍珠奶茶，海豚兒早已忘了這杯東東的名字，只記得這是#1人氣之選，不過對海豚兒來說，這杯飲品味道就是太甜了一點。
之後一個週末，海豚兒和Mr. Dolphin就邀請了小學同學一家到訪。客氣的小學同學還特意買了一些甜點給海豚家作手信呢！當大人忙著吹水之際，小朋友正好可以坐定定食下甜品，很好的點子，哈哈！
然後我們一行七人就去了食自助餐晚飯。這店子有一個長期優惠，同行中只要有一位客人在當月生日，全枱結帳時會有九折優惠，但我們七個人當中，竟然沒有一位是八月壽星，哈哈！一整餐飯，大家也忙著吃吃笑笑，海豚兒亦只隨便拍了一張甜品照而已。
事有湊巧，兩星期後在某商場巧遇小學同學一家，小學同學說，三個孩子中的大哥和二姐兩星期以來一直問，甚麽時候才能再訪海豚家，哈哈！海豚家既沒有玩具、更沒有卡通片看、或遊戲機玩，想必孩子們是掛念著甜品和自助餐美食吧！
來到勞動節長週末，海豚兒和Mr. Dolphin在星期五晚有約，之前提過搬屋幫了我們很大忙的經紀請我們吃了一頓入伙晚餐，不過這始終算是一場商務晚飯，所以海豚兒也就沒拍照咯！
星期六，我倆逛了一個下午outlets。。。還好，大家也有一點點收獲，然後就去了台式店子吃簡單晚餐。
到星期日，Mr. Dolphin就陪海豚兒去嘆個超級美味brunch，由煙三文魚egg benedicts到意大利雲吞到意粉再到蘋果批也十級好吃，雖然餐廳不設訂位，我倆也大概等了三十分鐘才有位，但也絕對值得的。
吃完這個早午餐，我倆更飽到連晚飯也跳過了。:D
God bless HK !!!
回覆刪除嘩，個brunch 真係好多碟野喎，哈哈哈。一餐covers早午晚好抵呀 (unintentional) XD。
Amen
刪除哈哈，係呀，最終一餐搞掂哂，仲爽！個brunch仲好好味道添，可惜唔方便去，如果唔係，我會成日去呀！
原來多倫多連鹿角巷都有，都好update呢～
回覆刪除個brunch好正呀，等30分鐘都好值。
放心香港人無咁易放棄，一家會繼續加油！
其實仲有其他品牌，我得閒都會想去試埋。
刪除呢個brunch其實係原先想同你地去架，不過貪心Canoe有景睇，點知...
對對對，不放棄、不割蓆、香港人加油！
對小朋友來講, 你地係有好野食嘅代名詞
回覆刪除係喎，妳講得啱，加上咁多年黎見親面都係同佢地約食飯，哈哈，原來除咗食，我地同啲小朋友咩都無做過呀。
刪除我都唔鍾意鹿角巷....我黑糖奶茶只飲老虎堂，貪佢最多黑糖，奶味唔太重。
回覆刪除我比妳更“柯嗰”，太甜、太奶、太茶都麻麻地，哈哈，所以我都係啱飲傳統珍珠奶茶多啲。
刪除加拿大生活係好太平，食店仲有排隊。不似英國，經濟，政治都不隱。
回覆刪除我初時睇錯咗，以為“太平”加“排隊”係指呢度人有質素、有秩序，哈哈！係呀，呢度食肆生意都唔差，但工作上，就見到有啲工種都採取自然流失方式處理。
刪除i mean peaceful and orderly. it's positive thought!
刪除謝謝！我覆妳時明咗啦，不過我成日都係咁，好多時啲野要睇幾次至明。^^"
刪除個自助餐甜品係豆腐花同蕃薯﹖
回覆刪除係呀，其實仲有好多甜品選擇，仲好啱細路食嘅添，不過我又麻麻地，反而想食呢兩樣，但可惜個蕃薯焢到乾哂吖。
刪除原來加拿大興經紀請吃入伙晚餐？
回覆刪除其實我都唔熟悉行情係咪會請食飯，哈哈，不過因為呢個經紀係有人介紹，所以可能又有啲唔同啦。
刪除看來海豚家好受小朋友歡迎XXD
回覆刪除係啦，真奇怪！可能人夾人緣啦，本身我同小學同學同埋佢丈夫都係同一城市長大仲讀過同一間學校，可能因為咁，啲細路會覺得我地連講野語調都有啲似，所以有多啲親切感。
刪除八月壽星, 我呀我呀我呀!!
回覆刪除Happy belated birthday!! 朋友中我又真係較少係夏天生日嘅，反而blog友我又發現原來好幾位都係。
刪除