2019年9月30日星期一

脹爆豚蹄

簡單地將兩個週末的外膳和大家分享一下。

前一個星期六,襯開心時光(happy hour)優惠食晚飯,扺食又好食!



最近在同一咖啡店買抹茶latte,每次也有漂亮拉花。:)




某日中午為食癮起,幫襯薄餅連鎖店,不過主角是蒜香蜜糖雞翼配blue cheese醬,夠哂重口味,啱哂胃口,正!




一轉眼又到週末,星期五晚海豚兒和Mr. Dolphin去美食廣場,分別試了蕃茄汁味和墨魚汁味海鮮意粉,主子在另一個攤檔多買一碗周打海鮮湯,而海豚兒就加了份tiramisu作甜品,以美食廣場水準來計,食物質素算可以啦。



星期六早上海豚兒就嘆了份菠蘿油配熱奶茶,爽呀!



到黃昏時候海豚兒和主子又倦又喝,借機再光顧了開心時光優惠,外加美味焦糖醬蘋果批伴楓糖味雪糕,好吃是好吃,不過就甜到一個點,嘻嘻!



其實呢,這個週末剛好是我倆拍拖週年紀念,來到星期日早上,我倆就跳出茶記框框,去嘆返個西洋brunch,這兒的煙三文魚egg benedict和蝦肉意粉也意想不到的好吃,其他特飲、餐湯、及甜品就一般般啦,不過,以主菜質素計,都可歸立為有下次餐廳之列嘅!




好啦,寫了一整篇,夠竟何來有“脹爆豚蹄”呢?咪就係海豚兒嘅手囉!老毛病因為搬屋後加重勞損,最近雙手肌肉痛到手指也發炎了,右手食指和中指(汗)粗壯咗一個碼,哈哈,有時連打字或寫字也覺痛,所以亦少了更新網誌。

拖了又拖,海豚兒終於去了看物理治療師和家庭醫生,醫生亦已經把海豚兒轉介到專科跟進,但就仲要等多大半個月至有得睇,而其實海豚兒覺得無乜必要睇專科,不過點都好,海豚兒最近就算假期,都只會乖乖安坐家中,幻想當個十指不沾洋蔥水的人妻咯,呵呵。:D



24 則留言:

  1. 有藉口唔做家務,哈哈,get well soon

    回覆刪除
    回覆
    1. 謝謝妳!把口話唔做,對手繼續做,應該就係傳說中嘅口裡説不,身體卻很誠實,哈哈!

      刪除
  2. get well soon. 英國唔會有週末優惠架。平日就特別多。

    回覆刪除
    回覆
    1. 謝謝妳!咁多倫多都算抵啦,一星期七日都有優惠!:)

      刪除
  3. 我最鍾意睇食物啦,哈哈哈。
    Speedy recovery <3 . 唔好做家務 XD !

    回覆刪除
    回覆
    1. 謝謝妳!講就咁講,邊抵得唔做吖,哈哈!

      刪除
  4. 可以俾哂 Mr. Dolphin 做哂家務 ✌️

    回覆刪除
    回覆
    1. 粗重野就留俾佢做啦,其他嘅都想自己做番,始終自己做快靚正嘛!

      刪除
  5. 妳地的Happy Hour真係抵,又可以早D食完晚餐唔駛飽住瞓~
    陰公豬,祝早日康復!一切順利丫!

    回覆刪除
    回覆
    1. 謝謝妳!特別多謝妳嘅照顧!

      下次黎再同妳食happy hour!

      刪除
  6. 祝周年愉快身體健康^^
    咁真係要好好休息下,讓手指快快消腫

    回覆刪除
    回覆
    1. 謝謝你!過多排忙完希望可以好好休息下啲手手腳腳啦!

      刪除
  7. 發炎除咗食啲anti inflammatory pain killers之外,都無乜嘢可以做。如果你信戒口(雞蛋/牛肉/鴨鵝等等),都可以試試。祝早日康復。

    回覆刪除
    回覆
    1. 謝謝妳!我之前有食過醫生開嘅止痛消炎藥,藥力過後會覺得更痛,而且唔痛時我又會唔記得咗自己要就住黎用啲手腳,所以呢,我已無食藥啦,哈哈,戒口,我都無呀!

      刪除
  8. 你隻手好好好好白呀~
    多休息下啦, 記得要戒下口呀, 早日康復~
    肥人想問下你果邊多唔多紅葉架~?

    回覆刪除
    回覆
    1. 謝謝妳呀!對手唔特別白架,應該係電話功能啫!我無戒口呀,反正手痛腳痛已經係兩年多嘅事!

      依家有紅葉睇架啦!妳黎嘅話,話我知,我比多啲資料妳吖!:)

      刪除
    2. 好呀, 如果我黎我通知你呀~

      刪除
    3. 無問題,大概十月中都好靚!

      刪除
  9. 好有心思的漂亮拉花!陰公豬腫到咁!

    回覆刪除
    回覆
    1. 謝謝妳!係呀,呢度黎講,有拉花都算難得呀!

      刪除