2019年9月17日星期二

好易餓

海豚兒每個月總有幾晚,食完晚飯好快又會覺得肚餓。話說某天晚上海豚兒剛好遇上這情況,一如以往,自行在家裡零食櫃進行「掃食」行動。之後一晚,Mr. Dolphin放工後就給海豚兒買了韓式炸雞做加料晚飯,正!


週末我倆去茶記吃早午餐,海豚兒和Mr. Dolphin也被「油蘿牛扒公麵餐」廣告吸引了,便叫一份來試,再另加一份麥皮配蛋治開心些牙!




實物跟相片的像真度好像有點差距(註:菠蘿包是海豚兒忘了拍照前切的),味道也就是不過不失啦,主子嫌牛扒“拿”得太重手,海豚兒又其實一向不太鍾情出前一丁,因為學生年代食得太多、太多,已經驚咗!



至於晚飯,我倆就隨便在商場百貨公司內吃了不錯吃的一餐,包括好好味又真材實料蟹肉濃湯、鮮蟹肉牛油果芒果沙律、香濃牛肉味的法式三文治,滿足!簡簡單單又過了一個快樂週末,真好!




24 則留言:

  1. 你哋出去搵食都好方便喎。真係唔使返香港都可以食到港式口味。

    回覆刪除
    回覆
    1. 好在方便得黎亦唔算好就腳,要食都要等週末,否則就係肥過部電單車啦,哈哈!

      不過我依然好想返下香港,喺老家飲到嘅嗰杯奶茶,始終係最捧嘅!

      刪除
  2. 你胃口好勁,我依家真係想食都食唔落....有時晚飯都無食。

    西湯我淨係鍾意紅色嘅,例如羅宋湯,龍蝦湯,蟹湯都ok。

    回覆刪除
    回覆
    1. 我食得唔多架,好多時都係食到相裡頭嘅三份一到架咋,咁當然凡事有例外,就係甜品啦!

      我都係鍾意飲紅湯多啲,白湯我會揀黎飲,中湯就好少啱飲。

      刪除
  3. 如果下次再黎多倫多,我都要試下港式早餐先得!

    回覆刪除
    回覆
    1. 下次再黎,希望可以留耐啲,咁可以同妳去食啲我心目中可以一試嘅食物,同埋我都好奇想知地道香港人覺得呢度茶餐廳食物如何。

      刪除
  4. 我反而好恨食丁麵, 仲要係麻油麵

    回覆刪除
    回覆
    1. 我...讀書時真係食得太多,食到驚咗,最差嗰次係原來箱麵壞咗都唔知,一食入口第一啖至發現有“益”味,諗起都怕怕。

      刪除
  5. 睇到標題...肥人差少少就誤會左..hahaa

    回覆刪除
    回覆
    1. 啋啋啋...哈哈哈!

      其實係每個月嘅嗰幾日,都要補充食返多啲野嘅意思啫,嘻嘻!

      刪除
  6. 茶記我都係一般般沒有特別会恨食:P

    回覆刪除
    回覆
    1. 話時話,除咗遊記,較少見你寫blog會提到外食,都唔知你鍾意食邊類型食物添。^^”

      刪除
    2. 食探網誌都寫了九十幾篇但近排比較少寫這類而已!^^

      刪除
    3. 我睇得最多係你對文化藝術有關詳盡介紹呢!:)

      刪除
    4. 咁有空我都要寫返多啲飲食先得wakakaka...

      刪除
    5. 講得出做得到,我剛見到啦!:)

      刪除
  7. 其實我依家晚餐都係食大半碗飯,都會快肚餓,但我唔會摷嘢食,怕肥,而且都習慣咗

    回覆刪除
    回覆
    1. 咁妳好忍得口呀,勁!我餓嘅時候同口痕嘅時候,都係唔摷過唔安樂!^^"

      刪除
  8. 回覆
    1. 哈哈,呢排都係咁,食得好金,食唔停口,「暴肥豚腩」情況好橙烈。:D

      刪除