2020年3月30日星期一

抗疫日常2~回憶中的外食時光

滑手機時發現已經很久沒有在外用餐啦,所以之前外食的回憶亦相對地變得珍貴,一於要記錄在案。

三月初的週五晚上,海豚兒和Mr. Dolphin去食好西,海豚兒點的豬肋骨一貫的好吃,不過相隔太耐,已經忘了Mr. Dolphin的粉粉味道如何,嘻嘻!




星期六我倆去了唐人商場剪頭髮,順便在美食廣場食了個簡單午餐,之後海豚兒掛住食,所以沒有影低主子的午餐。^^”





午餐吃得太飽關系,海豚兒晚飯只吃了一份西多士,主子就點了不錯吃的粉粉。



之後,海豚兒又順便買了芝麻糊(沒拍照)和合桃糊回家慢慢嘆。



一星期後的星期六,我倆就去食壽司當晚餐。當下,海豚兒和Mr. Dolphin也沒想過這將會是近期?短期?定長期?內最後一頓壽司晚飯兼外食,所以一定要記低呢!



原因嘛,往後的一星期就是加拿大政府分別宣布封城封關的日子,而餐廳亦因應政府要求,只能做外賣生意,不許做堂食了。

而一向對入廚小根筋的海豚兒亦已乖乖的在家中吃足兩星期,平常空空如也的冰箱亦打爆倉,當然大都是可即時翻熱食物以備不時之需,日常晚飯依舊是吃素菜為主。



還有,幸運地在一向幫襯開的麵包舖決定“休息”前去了一趟,買了半打菠蘿包返來慢慢嘆,瘋狂的海豚兒還買定磚牛油準備吃厚切菠蘿油,哈哈!



這就是海豚兒近期的日常咯。各位的日常又是怎樣過呢?

18 則留言:

  1. 無得出去食好西, 會唔會好掛住?

    回覆刪除
    回覆
    1. 過咗三個星期,暫時都仲可以,未試過話非要外出買外賣不可,好在嘅係我地閒日一向食得簡單,主子亦無投訴。;P

      刪除
  2. 回覆
    1. 妳度咁方便,連續幾日唔出去其實真係唔容易。不過聽blog友講紐約最近啲唐人商店都陸續休息,依家可能出去都無野買。

      刪除
  3. 你好彩中剪左頭髮,食左幾餐好野先封城!哈哈!

    回覆刪除
    回覆
    1. 早知前面啲流海再剪短啲,哈哈!不過妳講得啱,該做嘅都做咗又食咗幾餐好嘅先封城,真係算好彩!

      刪除
  4. 好彩妳都叫做有準備,哈哈哈。

    回覆刪除
    回覆
    1. 真係最緊要剪咗髮,因為之前一直拖,已經有半年無剪過,依家又可以頂多幾個月,嘻嘻!

      刪除
  5. 日常當然是煮、煮、煮吧!

    回覆刪除
    回覆
    1. 車媽媽嘅煮煮煮高班好多多多呢,大廚級水準,我嗰啲只係整熟啲野就食啦。。。好彩嘅話咪熟哂囉,哈哈!

      刪除
  6. 回覆
    1. 我都係呀,呢度食肆依家只準外賣,我估做飲茶嘅食肆都幾大打擊。

      刪除
  7. 好懷念出街去食野的日子呀! 現在除煮、煮、煮外, 只好叫外賣來滿足食慾.

    回覆刪除
    回覆
    1. 我呢。。。又估唔到地暫時都無乜野,而且可能久經訓練,我地嘅mindset係喺屋企都以食得清淡唯主,所以都慣咗家中餐桌係無啖好食,哈哈!

      刪除
  8. 你個冰箱好多嘢食呀!
    真係唔知要閉關幾耐呢⋯⋯Take care!

    回覆刪除
    回覆
    1. 冰箱好多都係翻熱就食得嘅野,啱哂我呢啲懶人,最緊要唔好停電或者壞雪櫃,嘻嘻!

      呢刻真係最緊要人無事,謝謝,妳和家人都係,好好保重!

      刪除
  9. 好勁呀, 打爆左個雪櫃...哈哈!
    肥人有時都會外賣壽司返屋企食, 要KEEP住掃黃啊~

    回覆刪除
    回覆
    1. 打爆咗冰箱嘅同時,我個心亦相對踏實啲。。。唉!自己講(寫)完出黎都覺得有啲荒謬,今時今日竟然因為咁而心安!

      多謝妳身體力行支持黃店<3,但出街飲食都要小心啊,保重!

      刪除