2020年9月28日星期一

同行 5 ~ 進展

剛過去的星期五,專科醫生和海豚兒進行了電話會診。

先講好消息,經過接近一年觀察病況,海豚兒的每月一次驗血活動將轉成每兩月一次。請鼓掌~~~ 阿Q想法,接近一年,藥物也沒有對海豚兒身體做成任何嚴重傷害,感恩呢!

海豚兒亦有提出,是否可以把現服藥物改成更新穎的藥物呢?現在服食的兩種藥物比較普遍及古老,同時,副作用也頗大,可惜專科醫生説,副作用並不是能更換藥物治療的原因。另外,專科醫生說,在眾多病人中,海豚兒是極少數,對這些藥物有這麽強烈的副作用反應。海豚兒嘴巴沒説,但心想,是因為藥物不夠優質呀,正如抗生素,海豚兒一直對最經濟的盤尼西林敏感,不能服用啦。;P

雖然有進步,不過海豚兒也記得,第一次見專科醫生時,他已清楚說明,這是“treatable but not curable”的,所以,海豚兒亦只會用平常心看待,不會太執著,反正,自從服藥後,病況也由最好到最差:1 - 10的10變成現在的2,也很不錯嘛,既然沒有停藥的可能(因為會連日常生活也會有很多不便嘛),所以説,現在已經很好了。:)


18 則留言:

  1. 如果係啲不能斷尾既病,有咁既成績已經好好

    回覆刪除
    回覆
    1. 我都覺得係呀,雖然唔可能減/停藥,但至少無惡化,已經好好彩!

      刪除
  2. 你已經好叻, 要控制住, 少D意志力都唔得呢
    正如我老媽有糖尿, 佢都要學識要同個病相處, 只有控制, 無得醫好

    回覆刪除
    回覆
    1. 謝謝妳呀!記得之前去覆診,肉眼都「睇」得出有啲患者好辛苦,當時我已經覺得自己好好彩,至少藥力能控制到病情,亦無惡化,所以我覺得心態真係好緊要。

      祝福妳媽媽情況能持續保持穩定!向好方面想,知道問題至少可以從日常飲食習慣起多加注意,我有位朋友一年多都揾唔到病嘅根源,唔舒服又無藥食,真心慘!

      刪除
  3. 回覆
    1. Thank you MD!真係好好彩,當時情況未嚴重惡化,家庭醫生就轉介咗我比專科醫生,雖然當時家庭醫生都只係半信半疑,但至少佢無不了了之。

      刪除
    2. 中秋節快樂!Have a fabulous weekend!

      刪除
  4. 回覆
    1. 多謝多謝!大家都要好好保持身心靈健康,就算今年很多事情和往常不一樣,都要繼續每日用好心情去迎接!

      刪除
  5. 掌聲鼓勵!既然不能撇甩佢唯有跟它共存好好控制它吧!

    回覆刪除
    回覆
    1. 謝謝Maggie! 對呀,而且真心覺得能揾到問題所在,又有藥物可以控制到病情,其實已經很不錯。

      刪除
  6. 接近一年,藥物也沒有做成任何嚴重傷害,驗血次數也可以減少,很好啊。

    另外,其實只是暫時沒有停藥的可能,但科學發展一日千里,五年後/十年後的事,不能預計啊。希望有一天有新藥可以醫好你的病可以停藥!

    回覆刪除
    回覆
    1. 能夠唔洗每月抽血,我都好滿足,至少我條抽血專用血管可以抖下,唔洗篤得咁密。

      謝謝妳鼓勵呀!正如好多從前被認為係絕症嘅病,依家都有藥醫,坦白講,呢個病相對其他長期病唔算好嚴重,但因為藥性問題,可能對較後生嘅女性都可以幾困擾,我都希望終有停藥一天!

      刪除
  7. 太好啦, 起碼控制到先!
    最多以後去邊都帶住藥物去啦~

    回覆刪除
    回覆
    1. 接近一年但沒有造成嚴重傷害真係已經好好啦!無錯,以後出門手提行李要添個藥盒仔,仲可能要放盒口罩同手套添。。。

      刪除
  8. 起碼控制到總好過不能改善, 祝妳身體健康, 開開心心!

    回覆刪除
    回覆
    1. 謝謝妳,對呀,能及早找到問題,對症下藥,已經好好彩,相反,如果花好長時間做檢查都揾唔到因由,病者生理心理都受多好多苦。妳都要好好保重身體,疫情過後,再好好去吃喝玩樂。

      刪除