2020年10月20日星期二

抗疫日常15~蛇王。假期

某日蛇王,下午去買台式食品,味道算可以咁啦,但要記錄在案,因為下星期起,工作上應該會幾忙,直至另行通知,也就是說,再見蛇王的日子了(哭)。

中秋節沒有打算做節,但同時又不想煮,結果就去買呃鬼佬唐餐外賣,至於味道嘛,就是呃鬼佬囉。

一星期後,放大假~~~ ~~~

星期六即刻罷煮買外賣,包括有避風塘龍蝦,牛脷酥炸兩,清炒豆苗和主子例牌:蟹肉魚肚粥。

星期二懶健康,專登去一個日式公園行下,又原來這個公園很細呢!又,松鼠食果果好可愛呀!

之後就去買外賣拉麵和甜品做下午茶。。。聰明的你,一定估到邊個食拉麵,邊個食甜品嘅。題外話,呢間嘅曲奇餅真的不錯吃。

是日為結婚週年前夕,想不到主子這麽有心思,預先準備了一盒古古力給海豚兒做禮物呢!

16 則留言:

  1. 呃鬼佬唐餐,連個賣相都咁樣衰,妳主子好sweet 呢

    回覆刪除
    回覆
    1. 其實賣相已經產比味道好架啦,哈哈!

      係呀,真係估唔到,最搞笑係佢啱啱沖完涼,電話就響叫佢落樓下收貨,咁佢返上黎之後,又去沖多次涼。

      刪除
  2. 呃鬼佬唐餐好似大台D道具餸, 總有一碟橙色, 一碟黃色

    回覆刪除
    回覆
    1. 碟咖哩聞落呃到下人架,好香椰味,不過食落就淡口嘅。。。我記得大台以前仲有手板咁大隻嘅假鮑魚呢!

      刪除
  3. 回覆
    1. 又鹹又甜,啱哂我口味呀,嘻嘻!

      刪除
  4. 你買外賣嘅份量都幾多喎,如果係兩個人食

    回覆刪除
    回覆
    1. 某人堅持海鮮食唔飽,所以加多個牛脷酥炸兩,結果,佢又真係食得哂喎!不過講真,隻prince lobster好細隻,兩盒加埋都只係殼多。

      刪除
  5. 中國胃發為了哈哈!Mr.Dolphin買定禮物好細心喔!

    回覆刪除
    回覆
    1. 疫情下中國胃最高興應該是經常有從前不常吃的粥粉麵飯出現,哈哈!對呀,明明已經預先收到禮物,沒想到還會有盒古古力呢!

      刪除
  6. 我自己一個未必會order,但日後中國胃1號同2號到埗後,可能都要create「呃鬼佬唐餐 album」:P
    大家都忙,加油呀!

    回覆刪除
    回覆
    1. 妳落腳嗰邊好似都有啲唔錯嘅中餐,萬一思鄕,都可以頂下癮,哈哈,完全明白中國胃嘅心理及生理需要,我家主子都係咁,希望快啲可以一家團聚。

      刪除
  7. 我其實有啲掛念鬼佬唐餐,哈哈!

    回覆刪除
    回覆
    1. 要喺香港搵到「正宗呃鬼佬唐餐」,難度都應該幾高,哈哈!

      刪除
  8. 如果肥人移民過黎, 我應該都可以開番間呃鬼佬餐廳..(講笑)...哈哈!!
    個公園真係好日本呀...可以扮下去左日本都得呀, 哈哈!!!

    回覆刪除
    回覆
    1. 可以諗諗!又或者做糖水舖都好!

      係呀,估唔到呢度會有個日式公園,應該班件和服返黎著去影相,哈哈!

      刪除