早兩星期前的開會日，公司派福利，每位同事可以用公數買早餐或午餐吃，上限為$25加元。海豚兒買了魚生丼和卷物，吃了一個超飽肚的午餐。然而，當大家以為海豚兒很高興之時，其實海豚兒亦只是為了「響應」部門老細呼籲，哈哈，因為返工中途走去買外賣(就算用外賣程式也要到大廈大堂自行提取)，之後又要申請開公數，其實都幾麻煩。
來到週末，Mr. Dolphin陪海豚兒去買心思思、很想吃的曲奇，一場來到，順便買多幾件美味糕點，慢慢嘆！
難得外出，當然不會放過煮少餐=買外賣晩餐這機會啦！是日買了日式炸雞扒飯x2，和很有驚喜的芝士蟹肉(柳)可樂餅分享，新鮮炸起的炸物，果然特別好吃！
接下來的週末，懶底海豚兒連手指頭也不願動，派主子做代表，外出去牛角買便當。。。
雖然海豚兒又再心思思想食曲奇的美味，但自己動也不願動，也不好意思要主子專程去買。怎料，來到星期一，我倆所屬的手提電話公司線路及網絡大故障，主子無法從自己的手提電話提取所需的限時號碼，登入公司系統開啟公司內部平台來工作。花了三個多小時依舊失敗，結果決定放假一天。不過，放假也沒有閒著，先去西超入貨、搬重物，「順便」很不順路地幫海豚兒買曲奇和甜品。是日，海豚兒真是「獲益良多」呀，嘻嘻！
在這兒生活，停電(較常)、網絡故障(許多時受停電影響所以亦較常)、手提電話線路出問題(較少)等狀況，間中也會出現。坦白說，發生的時候，也實在是無計可施，只好既來之，則安之。當然，之後或許要超時工作趕進度，也是意料之內吧！相比超時工作，海豚兒更怕的是停電，好不容易打爆了的雪櫃，如果食物全壞了，要重新入貨，一想起已覺得坎坷啦！
我住美國時，只會大風雪或者打風，先有可能停電，好似試過三幾次。但電話網絡好似未停過，屋企已經無電無wifi，如果連phone network都無埋，我諗我會悶死咗！
回覆刪除自從pandemic開始，停電情況比以前多咗，一年內已經試過三、四次，電話網絡壞就至少有十年未試過，不過停電時，就算電話connection同data無問題，都唔敢用電話狂上網，我會好驚用到電話同power bank都無貨。
刪除難得出去採購，甜品一定要買多幾件
回覆刪除就係囉，返黎又可以食多幾日，每日放工都有茶點時間，幾開心呀！
刪除停電時只要唔好打開雪櫃, 咁食物仍然可以KEEP到一陣架, 當然停太耐當然唔得啦!
回覆刪除見到拿破崙, 真係流晒口水呀!!
一般停電幾粒鐘的話，我都唔會開雪櫃嘅，只係呢度最壞嘅情況，係停到可以係以日計，而每次停電時，又唔知會停幾耐，所以都幾無耐。
刪除個拿破崙真係好食呀，不過第一次比第二次再買好味啲。
嘩, 你主子真係「有情有義」, 知道你鐘意食, 都同你買 ^^
回覆刪除真係呀，其實間餅店離屋企一啲都唔近，而主子好似心裡頭已經計劃好咗，試咗幾耐都login唔到，就放假出去買餅過我吔，嘻嘻！
刪除哈，公司幾好福利喎，甜品幾吸引呀！
回覆刪除我估同香港嘅公司無得比，但喺呢度黎講，雖然人工唔高，但福利算唔錯。呢間嘅古力甜品同曲奇都算出名架，係幾好味！
刪除公司幾好吖
回覆刪除公司福利算唔錯，尤其疫情其間，都額外為社會及同事做咗唔少野。
刪除哈囉！海豚兒, 你好呀! 美味曲奇我都想食呀 ｡^‿^｡
回覆刪除Power outage is very annoying!
Do you have an emergency generator to keep your important appliances running ?
Hellooo! 停電真係令人幾困擾，上唔到網=開唔到工，有時仲連想通知同事都做唔到添。
刪除我地無呀，我都幾肯定主子唔會安心喺屋企整部呢啲野，哈哈！
每次見到你的甜品, 真係好吸引呀！昨天我的手提電話公司線路及網絡一樣是大故障，花了三個多小時才回復正常!
回覆刪除呢間嘅曲奇同古力甜品真係幾得架！哈哈，我地應該係用同一間公司啦，單野好似係全國性，而我都係講緊同一日，間公司琴日仲話會退返一日費用比客戶嘛。
刪除見到咁多美食，真係流哂口水喇
回覆刪除妳講完，我又再望下啲相，然後至發現除咗甜品，原來全部食物都係日式喎，又真係零舍不同嘅，嘻嘻！
刪除真係全部都啱我食，好正喔😋👍
回覆刪除原來Jessie都係like日式食物，我記得妳提過，妳都係鍾意食甜品之人呢！:)
刪除原來妳那兒也有牛角！
回覆刪除係呀，北美好多大城市都有牛角分店，不過疫情下，多倫多嘅分店暫時無堂食，只可以買外賣便當，無得一邊燒一邊食。
刪除你嗰邊的外賣賣相好吸引呀！（隔離飯香）
回覆刪除無錯，一定係隔離飯香，雖然幾餐嘅正餐外食都離屋企不遠，但食多兩次都已經厭厭地，嘻嘻！
刪除