很久沒有寫這題目,襯剛跟專科醫生對話,就順便更新一下,幫自己留個記錄啦!
兩個月前覆診時,感覺情況好像有少許嚴重了,於是醫生提議把其中一種藥物份量提高25%。加藥兩個月後,狀況的確好了一點點,但副作用也嚴重了,包括容易攰、有時會好似暈浪咁,作嘔又見暈兼頭痛,又越來越怕冷,而且蚊叮蟲咬或戒損後,傷口也比較難痊癒,這件「溫室豆腐」以後真的要小心點,否則買膠布、消炎藥膏都買窮呀,哈哈。
專科醫生問海豚兒,既然加了藥也不太理想,要不要把份量調低到加藥前。。。海豚兒心想,阿醫生,呢個係你專業喎,不如你話事啦,好冇。不過,海豚兒最後也決定暫不減藥,還好,Mr. Dolphin也支持海豚兒的決定。^^”
另外,其中一個毛病一直未見好轉,專科醫生提議可以去照超聲波,海豚兒就想等夏天,期望疫情有少少好轉才去做。
而眾多消息中,都有一個較好的消息,就是繼早前由每月驗血改為每兩個月驗血,海豚兒將進升為每三個月驗血一次。始終上班時間,經常外出驗這驗那都不太好。説起來,下星期又有東東要驗啦。這個嘛,本應每半年驗一次,疫情下的總總原因,海豚兒已推遲了大半年,今次索性請半天假,至少不用趕頭趕命。
至於為什麼這篇的題目定為「活到老學到老」呢?是咁的,海豚兒感到用電話覆診很吃力,許多時候也不懂怎麼描述某些不是眼耳口鼻手腳這麼簡單的人體部位,唯有在覆診前,在網上把某部位、器官圖找出來,遇上不懂的生字,還要上YouTube學其讀音,方便和醫生溝通。好在科技發達,找Mr. Google幫忙也很容易亦從不托手踭咋,嘻嘻!
同場加影: 唔關事台灣鳳梨照一張,終於買到,雖然買得太遲,只剩下切件雪藏貨,但點都要支持下。
依家有咩唔識都係去搵Mr. Google,哈哈
回覆刪除真係呀,裝修到煮飯,咩野都去google同睇YouTube片學,不過好多野都係易學難精。
刪除我好多時有字唔識都係靠部電話 ^^
回覆刪除而且依家查生字比從前方便好多,仲可以學埋讀音,都無藉口懶唔去做。
刪除健康就是財富,祝早日康复
回覆刪除謝謝妳!依家食住藥能夠控制到情況,已經好感恩!:)
刪除哈囉!海豚兒, 早晨 !
回覆刪除健康寶貴,不容忽視!
健康重要, 積極樂觀態度也同樣重要!
字裡行間感受到你樂天性格, 佩服! 👍
祝健康快樂 ❗️
健康快樂歌 https://youtu.be/xzr6obDYWUE
謝謝妳!其實我真心覺得自己好彩,比同類病人唔算太重症,亦算較早發現,食藥基本上已控制到情況,大家都係,要好好保重身體呢!:)
刪除有身邊人支持真的好感動,保持好的心態,早日康復💪
回覆刪除謝謝妳!對呀,尤其覆診時,要喺短時間內作出決定,自己又唔熟悉,嗰刻真係有啲壓力,好在同主子講返,佢都認同我嘅選擇咋。
刪除as patient, 你可以要求見pharmacists 做個medication review, 佢哋比醫生專業。 另外,patient 可以要求virtual consultation,好過用電話診症。 加拿大會唔會有同等病人權利? please take good care of yourself, my dear friend.
回覆刪除謝謝妳呀 :)!我之前有隻藥食到我physically and mentally都好唔舒服,我都有去搵pharmacist傾,感覺上就係我話副作用難頂想停,佢就附和我叫我停藥,然後再包底補多句,叫我再搵醫生傾下,不過,我下次都可以試下襯有個好啲嘅pharmacist當值,先再去問下。係喎,等我下次覆診前,問下有冇得用video conference先,至少我可以指比醫生睇,唔洗形容到我條脷打哂結都未講清楚咩事。其實我個專科醫生對病人算係有耐性,但可能因為後生啲,比較by the book,又可能佢做科研會叻啲,哈哈!
刪除Take care, wish you recover soon!
回覆刪除Thanks so much for your encouragement,Tata! :)
刪除你今年同舊年成日要轉藥,撞正疫情其實未必唔係好事,起碼唔駛每次轉完藥都要搭車返工放工,依家就算身體唔舒服,喺屋企可以即刻瞓低休息吓,如果喺公司或者喺條街度仲麻煩。
回覆刪除繼續保重。
妳真係講得好中呀,雖然疫情嚴重,邊度都去唔到,但對我黎講,呢一年多可以宅喺屋企,其實非常舒服,甚至乎,雖然心裏有恨去旅行,但我嘅體力根本支持唔到以前嘅旅行模式,依家就當好好抖下,而且好在嘅係主子一向比我心歸,唔出街都無乜所謂咋。
刪除Take care dear!
回覆刪除Thanks very much Maggie! 疫情持續,妳喺香港都要好好保重啊!
刪除由每個月驗一次到兩個月一次到三個月一次,有進步呢!祝你早日康復,希望快點「夾」到適當的藥物份量呀!
回覆刪除我都覺得係一個大進步呀,嘻嘻!其實醫生成日想捉我學打針,代替口服藥物減低副作用,但到現在為止,我都真係唔敢呀!
刪除TAKE CARE 呀海豚兒!
回覆刪除傷口難好既話, 你真係要小心D 呀!
謝謝妳呀!
刪除係啦,我都無諗過,之前唔小心比自己手指甲刮傷隻腳,搞成兩個月都唔好,我我心諗,好在唔係塊面咋。
保重啊。
回覆刪除謝謝你!本身問題用藥物可控制到,問題唔大,只係藥物副作用煩些少,哈哈!
刪除