之後轉去西超入貨,晚飯就簡簡單單在茶記解決,食物味道算不錯,尤其是海豚兒的熱檸蜜,最吊鬼的地方是,海豚兒本來點熱檸水,落單時侍應說沒有熱檸水,只有熱檸蜜,趣!
等到星期二,人家都去了上班,海豚兒和Mr. Dolphin終於成功去了公園逛下。
除了有漂亮的小水霸,還有在郊外很常遇到的inukshuk,都算是加拿大的一個特色。
享受完大自然清新空氣,就去吸收下肉香,來一個風味十足的韓式燒烤。這間店名叫Daldongnae,幾年內在多倫多已開了數間分店。
餐廳用上的都是本地牛,雖不及韓牛出色,但味道也不賴。最讚是有無限添加的配菜,基本上,海豚兒和主子,每次來這店吃韓燒,也是為了勁好味的爐邊蛋和粟米而來,極邪惡但真的超好吃,還有其他配菜也是十分出色😋😋😋
食飽飽,回家就嘆下macarons。明明從前海豚兒只愛Pierre Hermès出品,可惜自疫情起未敢出國,唯有近近地幫襯下Laduree啦!
是日外出,最令我倆驚訝的是。。。主子被蚊叮了兩大口,而海豚兒竟然完整無缺。是咁的,很久以前,主子就已經説自己是惹蚊之人,但自從遇上超級惹蚊人-海豚兒,主子就變得很安全,只要有海豚兒在旁,蚊子都不會咬他一口,想不到是日中招的,竟然是主子右前臂,而明明海豚兒一整天也站在和坐在主子的右方。跟據我倆的不科學分析,應該是藥物影響吧,蚊子從海豚兒身上,嗅不出「食物」的味道來。坦白說,這也是多年來,第一次身邊有人被蚊叮,而海豚兒沒有掛彩,今舖有運行啦!
被那幾碟韓式配菜吸引,正啊!
回覆刪除Laduree d macarons都唔錯呀,我住的地方冇得買,所以每次轉機見到有都會買來食。
啲配菜真係好正,搞到我都有心思思想再去呀!
刪除以前覺得Laduree無另一款咁好食,但唔知係咪太耐無食,近期又覺得幾好味咁。
依家睇紅葉既季節
回覆刪除係呀,今日出去食lunch都見到好多紅葉,可惜全日都落雨,所以都無停低睇下。
刪除多倫多真係美食天堂呀!
回覆刪除近幾年多倫多真係多咗好多好野食,雖然無米芝蓮認證,但其實仲好,至少無咁貴😜
刪除早晨呀, 海豚兒 💙💚💛💜❤️ 謝謝分享加拿大的一個特色, 好有趣喎 ❗️
回覆刪除History of Inuksuk https://youtu.be/emSv0xHmDLs
Inukshuk by the Creek https://youtu.be/BfnLz6AFhO8
THE INUKSHUK-SCHOMBERG, ONT https://youtu.be/qBM6o-pg30I
Kids Making Inukshuks https://youtu.be/cDutEmEiSRQ
An Inuksuk Means Welcome https://youtu.be/oXaFLIvCvcA
週末快樂!如果有機會喺加拿大自駕遊,公路旁嘅山邊,都好多時會見到呢啲用扁石砌成嘅公仔架!
刪除證明你行大運呀~~
回覆刪除係呀,終於唔係專針我,實在太好啦,雖然替主子慘,但我暗瓦底都有慶幸,自己無掛彩😆
刪除刪除
韩菜的小配菜最好吃,哈哈哈
回覆刪除啲配菜真係好好味呀,就連平常唔食薯仔沙律嘅我,都同主子爭食!
刪除我好老套,食韓燒最主要都係啲肉,其他都唔太介意,如果喺香港食我直情唔會用生菜包,只係淨食肉,因為香港啲菜唔得,不過如果配菜好食就係bonus。
回覆刪除見到你個焗豬排飯,引到我突然想食添!
如果係韓牛,我應該會留多啲配額食牛,但本地牛真係無咁夠吸引力,反而呢間嘅配菜又好鬼正,仲啱口味到我食咗兩𨍭至肯收手(口)😅
刪除嗰個係薄牛肉因為主子少食豬,不過據主子講,可能啲牛肉太薄,焗完有啲柴皮😛
都好多不同款式既食品啊,正!😀
回覆刪除係呀,呢間韓燒真係幾正,其實講下講下,我都有心思思想再去。
刪除早晨呀, 海豚兒 💙💚💛💜❤️
回覆刪除🎃萬聖節快樂🎃
妳好!玩得開心啲呀!
刪除韩餐薯仔可以好好食
回覆刪除全中呀,我平時唔多食薯仔沙律,但呢個非常啱胃口,啱到我要同主子爭食呀!
刪除難道熱檸水、熱檸蜜是一早沖定?
回覆刪除我地估計幫我地落單嗰位小姐,唔熟茶記食物及文化,因為佢呢頭話完只有檸蜜無檸水,我地話ok(廢事煩),佢又要問同事,是否有檸蜜,好在最終食物飲品都啱哂,無整錯,哈哈!
刪除