2014年9月10日星期三

吃喝玩樂@芝加哥市中心 ~ Day 2

第二天早上,我們四人便駕車到芝加哥市中心吃期待已久的Sunday Brunch,亦是這行程中的第一個high light~


這餐廳的名字叫The Signature Room At The 95th ~ 顧名思義,這餐廳是坐落在John Hancock Center的95樓(餐廳)和96樓(酒吧)。坦白說,在這城市要找好吃的Sunday Brunch一點也不難,當初選這餐廳其實是海豚兒的C9心態,認為若果我們來這樓高100層的94樓觀光層需付$18美金/人的門票,倒不如花$45美金/人加稅和小費來吃一餐更為化算,於是便冒著吃景多於吃餐之險來這兒吃個早午自助餐了!  結果嘛,這Sunday Brunch的水準卻是意想不到的高,甚至超越了Mr. Dolphin和海豚兒魂牽夢縈的The Langham, Boston Sunday Brunch!



這兒包括自助式頭盤,餐牌自選主菜(可無限任選),餐牌自選甜品(也可無限任選),一杯雞尾酒(可選有酒精或無酒精),和無限任添的鮮果汁。除了其中一個主菜魚魚煎得較為乾,其他食物從頭盤到甜點,真的通通也很。好。吃。啊! 我們四人除了頭盤共吃了七碟主菜和四碟甜點,有巨人在真好,吃得真多! 



大家有否留意到小小的Tabasco樽呢? 真的好得意啊!


很慶幸Mr. Dolphin在開餐前用相機努力地對著窗外四處拍拍拍,因為海豚兒一開始吃便完全忘了"看"景,嘻嘻!



吃飽後,其實大家也想過從餐廳步行去Navy Pier散步+參觀,但奈何毒日頭實在太猛烈,最終我們也是開車去和摩天輪、迴轉木馬拍拍照。


接下來我們便前往Millennium Park看看遠近馳名的阿豆 - Cloud Gate,老實說,海豚兒真心覺得這件藝術品像極了一粒豆呢!  除了這個,這兒還有許多藝術展品啊!



然後我們回到市中心有名的Magnificent Mile行街街。


在街上,我們留意到許多小女孩手上也抱著洋娃娃,朋友仔告訴海豚兒這是近年非常流行的American Girl,抱著好奇心態,我們也去這洋娃娃店朝聖一番。其實這個洋娃娃的概念有點像Barbie,不過,除了有漂亮的衣服更換之餘,更有專人為洋娃娃梳頭紮辮、做spa,拍封面照片,實在是一人有一隻雞翼之洋娃娃篇!


逛完街街,我們便隨著酒店concierge提議,去了Gino's East of Chicago試試這兒的deep dish pizza。大概排了四十分鐘隊,我們終於有枱了,這晚我們吃了意粉,薄底和厚底pizza各一個。為了滿足巨人"無肉不歡"的需要,兩款蒲餅也是屬於啖啖肉類型,味道方面和之前一晚其實亦差不多,就是說算是好吃,但又不是最好吃的類型。


在回酒店的車程上,我們還有機會看到煙花表演,請別介意行車時所影到的煙花有點不像樣,然而這突如其來的煙花表演也為這天的旅程劃上了美麗的句號。


14 則留言:

  1. 海豚兒:
    ~你post芝加哥day 1篇blog 時, 我都有諗, 你會唔會黎依棟樓高100層building. 因為有個觀光玻璃窗台嗎!! 你仲上埋去食野.....好識編排節目呀!

    回覆刪除
    回覆
    1. 其實我哋無去妳提及嘅Willis Tower (sky deck)啊,只係去咗John Hancock Ctr咋,不過"食"對我來說始終吸引多好多嘅! XD

      刪除
  2. 你見到好人American Girl,因為芝加哥係American Girl總店(旗艦店),入面仲有餐廳可以帶埋公仔一齊去,亦有一個repair嘅部門修補損壞嘅公仔,每款American Girl都有自己嘅故事架,比Barbie強好多。

    回覆刪除
    回覆
    1. 哎呀! 原來我哋誤打誤撞入咗旗艦店,怪不得入到去感覺好似以前去FAO咁大規模啦!

      若果當時知道有餐廳,一定會去門口見識下! 難怪姨甥女想去開生日會啦!

      刪除
  3. 回覆
    1. 講得太啱啦!! 我真心覺得物超所值啊! :D

      刪除
  4. 好食又有風景睇,我心郁郁想去食番個brunch呀。

    回覆刪除
    回覆
    1. 去啦,去啦! 我以前唔鍾意日光日白食到飽飽濟架,通常都情願夜晚先開大餐。不過近幾年就倒轉頭,鍾意食大堆頭大製作多D! XD

      刪除
  5. My husband wants to introduce our girl to American Girl doll.

    It will be soon our time to "dine in" with an American Girl doll.

    回覆刪除
    回覆
    1. 我最好奇嘅係你哋最終會選邊款,同埋呢⋯⋯梗係D嘢好唔好食啦! 嘻嘻! :D

      刪除
  6. 個brunch個景又正、野食又正喎,夜晚中可以食,勁!

    回覆刪除
    回覆
    1. 個brunch真係好得,如果有朋友去,我都會推薦佢哋食呢個brunch,而且又抵食過佢哋嘅晚餐menu!

      至於晚餐嘛,主要都係陪朋友仔試佢哋未食過嘅deep dish pizza,而且我都只係陪食,主力依然係靠巨人清碟! ;P

      刪除
  7. 100層的94樓觀光層需付$18美金/人的門票,倒不如花$45美金/人加稅和小費來吃一餐更為化算 -->
    Agree ar, 所以我都係唔去香港的101, 改去Ritz Carlton的Tosca食lunch!! 而且妳個brunch咁豐富, 甜品尤其吸引, 45美金好抵丫~~~ :D

    回覆刪除
    回覆
    1. 咪係囉! 其實去食呢餐之前一晚我先啱啱睇完妳寫關於Aqua篇食記,我都同妳一樣做定心理準備個brunch未必太好食,不過點計去食呢餐都一定抵過淨係去睇景,所以抵食又好食絕對係一個bonus! :)

      刪除