2014年9月23日星期二

轉移陣地 ~ Day 5

瞓醒覺,第一時間望下孖潤腸嘴,唉! 個水疱大到呢。。。

在酒店吃過早餐後(有留意到Mr. Dolphin將佢去旅行必食嘅防水肚不服蕉放埋入鏡頭嗎?),我們四人便check out到附近的outlets作最後"冲廁",他們三人也各有收穫,只有海豚兒空手而回。


之後,我們便開車到去每次美國自駕"游"必到的景點 - Target (平價百貨公司)掃平貨,基本上,就算美國的Target沒有減價,他們所賣的日常用品也比加拿大的Target平30-50%,所以Mr. Dolphin和海豚兒也很喜歡在自駕"游"時怒買牙膏、牙刷、牙線、膠布、漱口水、眼藥水、廚房/廁所清潔用品等等等等,連同四人的行李和戰利品,我們把整個車尾箱也塞滿了呀!


在Target一路行一路找東西時,海豚兒'忍唔住"告訴他們當海豚兒向前直望時,一路都望到自己好腫嘅上脣,感覺上個嘴脣好似帶緊我路咁! 雖然好無聊,但他們三人也忍不住爆笑,海豚兒見狀又跟著一齊笑,點點點知,笑到爆咗粒水疱,勁樣衰! 不過水疱呢家野,爆完佢又會起過,所以接下來幾日,這情況都不斷發生! ^^"


在臨離開密芝根州前,Mr. Dolphin和海豚兒與朋友仔們去食我倆認為超好吃的連鎖炸雞店 - Popeyes  Chicken。還記得很多年前在德州的親友家吃Popeyes Chicken時已一試難忘,只可惜當時羅省沒有他的分店,直到搬到多倫多(加拿大東岸)後,才有機會與這炸雞店再續前緣! 在未吃炸雞前,海豚兒已吿誡好友們這兒的炸雞真的超棒,吃過後就"返唔到轉頭"再食KFC,而溫哥華(加拿大西岸)則暫時未有這分店,吃上癮的話,我們可不負責啊!  XD 結果嘛,他們都覺得這兒的炸雞真的比KFC好吃多多多多多了!  大家有機會也要試試啊!


這次旅程Mr. Dolphin和海豚兒也有駕車,以下兩張相相都是海豚兒影的,除了不是同一天影之外,大家有看到分別嗎?



其實分別很簡單,就是無論是誰在駕駛,GPS也是向著Mr. Dolphin坐位方向,方便他看指示及地圖,至於海豚兒嘛,只懂揸車、來不及看地圖,所以便把這工作"瀉"給盡忠職守的Mr. Dolphin了!  至於為何我們要用上兩部GPS?  因為他們各有功能,上面一部會跟據交通情況帶路,有需要時會帶我們行捷徑避開塞車,而下面一部接收力則比較好,如果上面一部受到扞擾,下面一部通常依然是運作正常,而且用下面一部來找中途站如快餐店或油站也較為方便。

就這樣,花了四小時車程,我們四人便在黃昏時份回到多倫多了!

8 則留言:

  1. 我都鍾意去Target,乜多倫多貴咁多架?
    我每次喺Detroit機場都食Popeye's, 呢度都有,但少食,怕熱氣,乜你有水疱仲食炸雞呀?

    回覆刪除
    回覆
    1. 以前同家姐喺LA生活時,成日都幫襯Target,貪佢平靚正! "貴"絕對係加拿大特色,有研究話加拿大人已習慣了比美國貴嘅價錢,所以就算由美國北上嚟到加國開業嘅店鋪,都會將價錢"調高"嚟配合呢邊嘅價格。^^"

      因為朋友們想試,所以就捨命陪君子囉! :)

      刪除
  2. 吓?買牙膏、牙刷??特別平D呀?

    回覆刪除
    回覆
    1. 哈哈! 係咪突然發現我嘅"婆仔"一面呢! :D

      除咗平好多之餘,以同類貨品來計,仲多好多選擇添!

      刪除
  3. 海豚兒:
    ~你真係好敏感呀!! 如果你個case 比Brian 爸見到, 一定送你去急政. 哈哈. 咁你而家好返未?
    ~我都唔明, 美國啲野點解低價過加拿大咁多!!! 明明同一間鋪, 同一貨品, 加拿大點都貴過美國成陪, 好得人嚇!! 真係好難怪加拿大人喜歡南下.

    回覆刪除
    回覆
    1. 哈哈! 我驚ER厭我個情況太雞毛蒜皮"彈"我鐘喎! ;P

      係呀,真係貴到我無咩心機喺加拿大濕平,所以更加多借口得閒要去下美國買下、食下、玩下!

      刪除
  4. 真係買得好瘋狂, 好在有車真係方便勁多~~~
    btw, d Popeyes Chicken好似寧舍大件?

    回覆刪除
    回覆
    1. 今次都算有"節制"架啦,如果唔係因為有友人同行,豈碼會買多半打1.8L洗衫水呀! XD

      果然係美食家! 呢間D雞真係大件夾抵食過KFC好多架,而且可能因為屠宰方法(halal)唔同,D雞食落嘅味道都豐富D架!

      刪除