2014年9月21日星期日

下一站德國村、聖誕村 ~ Day 4

若果從多倫多開八小時車去芝加哥屬於"長征"的話,那麼,從芝加哥開四小時車去德國村、聖誕村可算是半長征吧!


這天早上從酒店check out過後,我們四人"又去"麥當當醫肚,然後便駕車前往位於Frankenmuth, Michigan的德國村、聖誕村了!


到達德國村時,海豚兒和Mr. Dolphin先陪朋友仔和巨人往街上逛逛,到處拍拍照。其實德國村範圍亦不算大,有一條大街,一個佈滿小店的廣場,和一間德國式酒店,而酒店裡頭設有一間德國餐廳,至於質數就⋯⋯真的一般般,最主要是吃炸雞(!)、火雞(!!)、火腿(!!!)和腸仔,所以海豚兒亦沒有"老點"朋友們在這兒用餐,嘻嘻!



在街上四處拍照,經過不同類型的木版公仔,仲"塞"個頭入去影相,先影兩個窿,然後三個窿,再然後就挑戰四個窿玩自拍,影到得意忘形之際,原來亦同時為自己種下禍根。。。



參觀完德國村,我們四人便駕車到附近的聖誕村。其實聖誕村並非真是一條村/街,而是一間超級無比巨型大的聖誕裝飾專門店,至於這店子有多大呢? 大概有5.5個美式足球場(7.35英畝)之大,這還未包括室外範圍呢!


之後我們便駕車去附近的另一個小鎮 - Birch Run, Michigan,這兒距離德國村約十五至二十分鐘車程。Birch Run內有個factory outlets,而outlets內有一間Mr. Dolphin和海豚兒心儀的餐廳名叫Uno Chicago Grill。或者大家會奇怪難道我們在芝加哥還未吃夠當地的名物deep dish pizza嗎? 實情是Mr. Dolphin和海豚兒也一至認為這連鎖店的deep dish pizza比在芝加哥的要出色,所以特意和朋友仔及巨人來試試看。 最令人高興的是他們也覺得這兒的厚身pizza比之前嚐過的出色多了!


只可惜⋯⋯海豚兒之前提到的禍根也在我們來到餐廳後得到正實了。事情是這樣的,海豚兒皮膚是屬於超敏感類型,雖然和木版公仔影相時已經很小心,沒有"觸碰"到木版,可是海豚兒的嘴巴卻依然受到感染,長了一個水疱,所以雖然晚餐極為可口,海豚兒卻不大有心機,因為自己知自己事,無論是蚊叮蟲咬,皮膚過敏的海豚兒也會"發到阿媽都唔認得",Mr. Dolphin為了減輕海豚兒的憂慮,便陪海豚兒到葯房買藥膏搽,可是這小鎮的藥房未夠六時已經關門,於是Mr. Dolphin便車海豚兒到四十公里外的城市去買藥。雖然路程頗遠,幸而,最終還是買到!

不過呢,海豚兒的孖潤腸嘴*情況還是很惡劣,塗了這平時很有效的藥膏依然沒有多大起色! :(

*孖潤腸嘴其實係指上脣已經腫到等如上脣+下脣的厚度,唉!


後續。。。

16 則留言:

  1. 原來妳皮膚咁敏感架? 出門應該要帶定藥膏呢, 唔怕一萬, 只怕萬一。
    仲有, 咁有無影響到之後的行程呀?? :O

    回覆刪除
    回覆
    1. 其實出門已經有帶備處方嘅搽身藥膏同埋處方嘅敏感藥物,只係因為搽嘴藥膏可以喺北美藥房買到而又唔駛醫生紙,所以咪好鬼老定咁無帶定去囉!

      Yan真醒目,真係有影響到,之後都會交代! :(

      刪除
  2. 我由倫敦去 New York, 都是7-8小時咋!
    下次出門帶定D藥傍身呀。

    回覆刪除
    回覆
    1. 因為朋友嘅機票喺由溫哥華飛芝加哥,再由多倫多飛回溫哥華,所以我哋會專登揸車而唔飛囉! 咁妳得閒都多D嚟北美玩吖!

      其實我哋都帶咗好多藥物架啦,甚至連膠布都帶齊唔同類型,只係無帶呢類型over the counter drugs, 點知,就真係咁啱,要嘅時候附近就無pharmacy!

      刪除
  3. 妳真係好敏感喎,要過幾耐先好番呀?
    平時皮膚敏感駛唔駛睇醫生㗎?

    回覆刪除
    回覆
    1. 其實以前無咁嚴重,不過年紀越大就越"敏感",每次都要差不多兩星期至好!

      早幾年睇過專科,不過都唔知敏感D咩,但就長期有食皮膚敏感藥物。

      刪除
  4. 孖潤腸咁咪好嚇人?定你已習以為常,處變不驚呢?

    回覆刪除
    回覆
    1. 其實都幾嚇人架,喺街都有時見到人眼望望我孖潤腸,不過我無理,因為我好集中精神同身邊人說說笑笑! :)

      刪除
  5. Poor 海豚兒 :(

    Were you looking for cortizone?

    回覆刪除
    回覆
    1. Thanks!! 喺講嘢同笑唔係咁方便囉! ^^"

      我用開abrevia,藍色樽仔、細細枝,都唔知係佢太細枝定係孖潤腸太大條,唔夠一個星期就搽哂成枝! XD

      刪除
  6. 皮膚過敏我有時都會嫁,不過冇咁嚴重
    下次要記得帶定藥膏係身啦

    回覆刪除
    回覆
    1. 原來我同妳係同類⋯⋯都係皮膚同腸胃都敏感嘅人!

      下次會醒醒定架啦! 不過呢D藥膏好快過期,所以都盡量唔想keep喺屋企囉!

      刪除
  7. 有時多羨慕海豚兒在外國的生活,世界真大,香港很小。看你的分享像置身其中般寫意。

    回覆刪除
    回覆
    1. 謝謝愚太! 世界雖然大,但喺香港土生土長嘅我,永遠都不會忘記小時候在香港生活的點滴!

      當然,喜歡陽光與海灘、自由自在生活嘅愚太,真係好適合在北美生活啊! :)

      刪除
  8. 本來行程好開心, 不過敏感症發作係令人困擾, 幸好你老公特地車你去買藥~
    今次行程之後, 會唔會再睇吓醫生, 睇吓有冇更加有效的新藥?~

    回覆刪除
    回覆
    1. 行程其實都繼續好開心架,之後我仲成日因為太開心,攪到名乎其實"笑爆嘴"! XD 不過,真係好appreciate老公肯即刻陪我買藥膏呀!

      其實以前睇過好多次,連專科都睇埋都無破解大法,所以我都係隨遇而安啦!

      刪除