2014年9月15日星期一

下午茶聚@芝加哥 ~ Day 3

這天要特別鳴謝Mr. Dolphin和巨人,兩位超好耐性的男仕,陪海豚兒和朋友仔先去Chicago Premium Outlets購物,然後再陪海豚兒和朋友仔一起參與行程中第二個high light ~去The Peninsula Chicago吃個高貴的下午茶。


由於時間關係--->即係趕住去行街啦^^",我們去到outlets怱怱吃過早餐便開始上半場的購物之旅,最高興的地方就是我們四人也各有收穫呀!  不得不提的是朋友仔,她絕對是一等一的孝順女,認識她這麼久,每次和他們去旅行也會留意到朋友仔會花許多心思買手信給家人,這次亦沒有例外啊!

購物過後,我們便駕車去芝加哥市中心,準備先逛逛街再去下午茶。這兒的下午茶有兩場,分別是2:30 pm 和 4:30 pm,而我們預定的是四點半場,當我們抵達市中心就剛好是兩點半,海豚兒便向酒店下午茶部門詢是否可以把茶聚提前,而酒店亦很樂意提前接待我們。至於為何我們會選擇在芝加哥吃下午茶呢? 因為海豚兒向來也藉口多多嘛⋯⋯

一) 幾年前朋友仔和巨人來多倫多探望我們時,巨人相約Mr. Dolphin到Playdium(類似Sega World的超級大型機舖)玩樂,悶得海豚兒和朋友仔發慌,後來才想起其實我倆可以去tea一tea而不用"乾"等,所以大家心内也一直藏著這個下午茶"情意結"。

二) 這天其實是朋友仔和巨人的結婚週年紀念,所以就算下午茶非巨人杯茶,他也要陪夫人飲茶啊!  何況,Mr. Dolphin一點也不介意和我們一起去下午茶。


三) 若果我們回到多倫多才去的話會剛碰上多倫多國際電影節,有些酒店會於這段日子取消下午茶,而有些酒店又只會在週末供應,跟我們的行程夾不來,加上我們又不想幫襯質素不太好的地方,雖知道食物、茶、用具、環境全部也很重要嘛,所以我們也情願在芝加哥找間高格調的酒店來嘆茶。

當茶具、食物一一送到眼前時,大家也知道這選擇是最正確不過,特別要多謝朋友仔和巨人堅持要請我倆⋯⋯而當時我們也不䁱得朋友們會堅持請我倆的啊! 還有Mr. Dolphin對於挑選下午茶地點一直也抱著"有要求"的態度,交帶海豚兒最緊要找間好的,而不要著眼平貴,謝謝!


好看加上好吃的下午茶實在是賞心悅目,經大家"怒"影一番後也急不及待要啓動了,這個下午茶嘛,又確實是很好吃,絕對比多倫多的優勝,跟從前在倫敦吃過的比較,也不見得失禮啊!

吃罷下午茶,我們四人繼續在市中心多逛一會便開車回到酒店旁的Fashion Outlets of Chicago逛街了。這個outlets海豚兒和Mr. Dolphin第一天到達芝加哥時已拜會過,這天主要是陪朋友仔和巨人來朝聖,至於我倆嘛,都只不過是陪太子行街。

這天"辛苦"了巨人陪各位吃了他不太欣賞的食物,所以到晚上大家都調轉頭再陪他吃他的飛佛之一 ~ 麥當當來結束這天的旅程,而海豚兒還試了廣告比實物來得精緻、吸引的dipped cone,味道嘛,真的好一般般而已,最主要是古古力皮不夠厚亦不太脆。話說回來,這天已經吃了個讓人大滿足的下午茶,非常飽足,所以對晚餐亦相對地沒甚要求了!

16 則留言:

  1. 回覆
    1. 印象中我都係第一次去半島,香港嗰間我連門口都未去過呀!

      刪除
    2. 其實依間同香港半島的環境好似呀 ;)

      刪除
    3. 咁我咪可以當自己去埋香港嗰間⋯⋯其實我成日有個impression香港半島酒店連廁所都有嬸嬸拎住條毛巾仔等收小費架! ;P

      刪除
  2. 很豐富的下午茶, 甜點同鹹點都吸引~~ 加上優雅舒適的環境, 好正~~

    回覆刪除
    回覆
    1. 真係好好味架,最正係D有肝醬類型嘅三文治,因為老公唔食,我仲可以食雙份添!

      個樓底高之餘又有落地玻璃,感覺真係好舒服呀!

      刪除
  3. 半島的下午茶, 點都係高水準啦, 最開心係份量比HK豐富好多呀!! 有機會去美加, 我都想去試下丫 :D

    回覆刪除
    回覆
    1. 最初都有D唔肯定架,始終北美唔同英國,都驚驚地質數如何,話哂都係朋友週年紀念嘛,好在都無令人失望咋!

      好丫! 有機會嚟嘅話,通常大城市都會有高水準嘅下午茶,而且份量都好慷慨,如果唔係呢邊D人分分鐘唔夠飽! ;P

      刪除
  4. 你個high tea好豐富呀,我都想食埋一份!

    回覆刪除
    回覆
    1. 去啦,去啦!搵個週末約埋其他blog友媽媽一齊tea一tea,relax下都好呀!

      刪除
  5. 好正的酒店,好正的下午茶,如果我食,食完呢餐,真係可以唔駛食晚飯lu

    回覆刪除
    回覆
    1. 如果妳去,記住預埋我,等我幫妳忙--->食埋妳唔食嘅"鵝肝"醬三文治! XD

      呢餐真係好飽足,所以晚餐陪友人去食麥記都無咩所謂,反正都食得唔多!

      刪除
  6. 好正喎! 可以去咁正既酒店食tea~

    回覆刪除
    回覆
    1. 真係好得! 而且最開心係可以同朋友一齊共享,就更加令人回味! :D

      刪除
  7. High Tea我始終覺得係香港嘅最精緻。

    不過芝加哥半島食tea個場真係同香港半島好似喎。香港半島我唔單只食過tea,連佢哋有butler嘅全海景套房我都住過架,個廳同房都有支望遠鏡俾啲客睇對面海。

    回覆刪除
    回覆
    1. 除咗cova嘅tea buffet,我未試過香港正式下午茶,主要因為心儀嗰間不設訂位就好難"的"起心肝去排隊。

      嘩!住一晚分分鐘都夠去成個禮拜旅行啦! 我同老公成日講笑話"如果"有butler service,搵佢執嘢時唔小心比佢搵到紙底褲,係咪應該扮係shower cap! XD

      刪除