2015年1月25日星期日

又有鞋穫啦! ~ 夏威夷 Day 4 (下)

踏完浪回酒店清洗過後,Mr. Dolphin就陪"身痕"的海豚兒再去免稅店商場一趟 (T Galleria)。其實呢,海豚兒己決定要多買一雙之前看中的平底鞋,何況聖誕後,Tory Burch這牌子也是半價再九折,實在比加拿大平太多啦啦啦!  嘻嘻!  也是時候幫兩雙新鞋來一個合照了!



把鞋放回酒店後,Mr. Dolphin便"陪"海豚兒去麥當勞試夏威夷限定椰子批。其實夏威夷的麥當勞除了有椰子批外,還有包括午餐肉和飯的早晨全餐,可海豚兒對這個就沒有興趣啦!



Mr. Dolphin一早已告訴海豚兒他對這個邪惡之批沒有興趣,不過"有人"試過一口後馬上露出驚喜+滿足的神情,然後告訴海豚兒"呢個批⋯⋯勁。好。味。呀。!" 結果這個滿有椰香和帶有椰肉的椰子批,大部份也是落到Mr. Dolphin肚中咯! XD



吃過茶點,我倆再四處逛一回便去到Royal Hawaiian Center商場會合家姐一家吃晚飯。這晚上姐夫挑了鐵板燒來吃,原因嘛,三藩市有好一陣子禁了鵝肝,所以當他們發現這間鐵板燒有鵝肝吃時,便決定要來吃晚飯。最攪笑是當他們回到三藩市不久後,鵝肝又解禁了,他們又可以繼續吃鵝肝呢!



嘩! 侍應帶我們就坐時,途經這個玻璃酒櫃,雖然海豚兒不懂酒,但也知道這酒櫃內的酒不便宜啊!



對於鐵板燒,海豚兒其實沒有太大喜好,不過一班人一齊吃晚飯始終也是開心事。還記得第一次吃鐵板燒和第一次吃壽司也是姐夫、家姐(--->很久很久以前,他們當時也很年青,而且還未結婚啦!) 帶海豚兒去的,轉眼間,我們由當年的三人行變了現在的六人行啦!



吃過晚飯後,我們一行六人便乘Waikiki Trolley去之前提過的Ala Moana Center室外商場行街街啦!  途經有名的Marukame Udon,據家姐講,他們之前在午餐時段排了接近一小時來吃烏冬,海豚兒真心慶幸當時還未到埗,跳過這餐呢!



在商場內逛了一會,我們在之前提過的和菓子店買了甘濃香脆的綠茶窩夫餅也就回酒店休息了。



題外話:  姨甥仔這晚以為到他跟cee和姨丈回酒店過夜,只可惜我倆認為只有七歲的他還太少,只是說說而已,怎知第二天家姐告訴我倆姨甥仔當晚原來很傷心,跟我倆道別後還眼有淚光,回到酒店一句話也不說便大被蓋過頭睡覺去。

12 則留言:

  1. 我返香港唯一幫襯 McDonald's 紅豆批或芋頭批。

    回覆刪除
    回覆
    1. 我鍾意香蕉批,仲記得嗰時係軟硬賣廣吿,早幾年前返香港食過一次,之後都無見過啦,我估可能都係限定版。

      刪除
  2. Tory Burch好抵喎,半價再9折...不過講D野妳聽,淘寶都有佢既野買:p
    M2!我都麻麻地鐵板燒

    回覆刪除
    回覆
    1. 其實真係算抵,不過我真係唔知原來呢D都有得淘,但我個人本身好似出土文物咁,未試過上呢D網站買嘢,連呢邊好普遍嘅Amazon都未幫襯過。^^"

      講真吖,睇住個廚落一大pat牛油將D肉兜嚟兜去就煮完,我真係唔太懂得欣賞。

      刪除
  3. I love your Tory Burch flats.

    See you "saved" all these $ which further justifies your trip to Hawaii!

    回覆刪除
    回覆
    1. Thanks!! 我都無咁樣諗過添,早知買多嘢返嚟啦! 不過講真,除咗食,我都好有節制力,嘻嘻! 而且,其實我好怕買太多嘢堆喺屋企架。

      刪除
  4. 海豚兒:
    ~你買啲鞋好高貴呀!! 最抵係減完, 再有折, 買到抵嘢, 會更開心!!
    ~夏威夷啲椰子產品,好美味,我上次唔覺意係便利店, 買咗條椰子雪條, 食到要再買多幾條食!!
    ~原來有椰子批,比我見到都買返件!! 其實,加拿大試過出S'more 批(棉花糖+朱古力), 我覺好好味, 但而家無咗!!
    ~姨甥仔好"痴"你呀!!

    回覆刪除
    回覆
    1. 謝謝妳的讚美啊!

      嘻嘻! 我都好似妳咁架,會留意住麥當勞有咩新/限定批推出,不過最正都係香港炸過嗰隻皮,呢邊焗嘅雖然健康D,但就無咁香口囉! 椰子雪條我反而無食過呀,多謝妳,我依家又多個"原因"要去多次夏威夷呢!

      家姐話呢D係血濃於水,佢話雖然對仔女唔係成日見我哋同埋佢哋喺香港嘅叔叔(我姐夫嘅細佬),但兩個小朋友就好似同我哋特別close。

      刪除
  5. 新鞋好靚, 又要有折, 敗得抵!!
    好好奇椰子批咩味, 勁好味喎, 好想一試的~~

    btw, matthew三歲幾已經識+記得好多野, 七歲人仔真係唔講得笑架啦

    回覆刪除
    回覆
    1. 多謝妳呢,平平地先長敗長有嘛,太貴就敗得唔爽啦! ;)

      據老公形容,佢話質感似炸鮮奶個filling而又好香椰味,有少少椰肉,而重點係無妳同我都唔like嘅椰絲。

      唉! 最主要係無諗過佢係咁認真、咁想跟我哋過夜,同佢拜拜時,佢仲笑笑口,但轉頭就眼濕濕...

      刪除
  6. 其實我覺得如果可以試勻全世界嘅M記真係會好正!

    回覆刪除
    回覆
    1. 我都有呢個去到邊,就算唔食都"貢"去麥當勞睇下餐牌嘅習慣,因為可以比較下唔同地方有咩特色食物,又可以睇下價錢,瞭解下當地洗費嘅高低平貴!

      刪除