考慮了一陣子，終於決定以海豚兒一貫無比長氣方式把這旅程的點滴盡量記下來，不竟和親人見面的機會不多，實在不想把這珍貴的記憶遣忘，希望不會悶到各位"反艇"吧!
平安夜下午，Mr. Dolphin和海豚兒登上加航Rouge新開設的直航班機前往夏威夷的檀香山(Honolulu)，因為中途遇上氣流，當中有幾小時飛機也行得不太流暢，很多起伏，而我們的航班亦比原定時間遲了一小時才到達，全程約11.5個鐘，抵達Honolulu已經是晚上十時了，當地時間比多倫多則慢上五小時，所以我倆在"登陸"後，其實也頗疲倦，但同時海豚兒亦因為來到這個在很久以前已經很嚮往的Honolulu而無比興奮!
海豚兒在未曾出發前已決定了在酒店check in過後，便在附近的拉麵店吃個夜宵來暖暖胃。其實海豚兒並非拉麵狂熱份子，只是在平安夜晚上十一時找吃的選擇實在不多，感覺上在牛角燒肉店和拉麵店兩者中作出選擇，後者好像比較合理，加上，有人現在好像是不吃牛嘛，而同時也好像滿喜歡吃拉麵的，對於這個決定，他當然讚好咯!
接近十一時，拉麵店門外依然看見人龍，著實有點擔心往後幾天會不會也出現不斷排隊等"吃"的情況，還好，所有晚飯早已訂位，而午餐亦可吃得隨意一點，希望盡量不要因為"吃"而動輙排上一小時隊。^^"
可能因為時差關係，海豚兒當時並沒有餓意，所以只是分享了少許Mr. Dolphin的拉麵套餐，額外再加多三隻餃子，已感到相當飽足，至於味道嘛，也算不錯，但絕對不是不試不可類型啦。
吃過夜宵，大部分店鋪也關門了。我倆在便利店買了些必須品後也回到酒店。在酒店內稍作整理給海豚兒家姐一家的手信、洗澡、收拾，到休息時都已經是零晨一時多了。
在夏威夷好像身處日本一樣呢。
回覆刪除真係周圍都有好多日本人同日式食肆，多到我哋有好幾次喺商店入面都有職員同我哋講日文。:P
刪除加拿大搭去夏威夷都要11個鐘㗎？等於香港搭去歐洲一樣咁長時間
回覆刪除我都麻麻地拉麵
無錯，真係好遠，我呢邊去歐洲都係八、九個鐘，所以去夏威夷真係遠過去歐洲好多。
刪除其實拉麵間中食下我都ok嘅，尤其呢邊嘅冬天咁凍，不過我真係好怕要排長龍為咗食碗麵，我就覺得唔值囉。:P
過暖笠笠聖誕的感覺如何呀? 好期待妳之後的長氣遊記呢~~~
回覆刪除感覺非常實在和溫暖，很懷念呢，尤其今天只有-22C的溫度感覺，簡直凍到面都青埋。XD
刪除會努力呢!
希望盡量不要因為"吃"而動輙排上一小時隊 <-- give me 5.
回覆刪除Candian candies are the best!
Yeah!! 尤其對我呢種只有我和老公一起生活嘅人嚟講，party of 6實屬好多人，等位都耐D呀!
刪除嘻嘻! 因為我哋有小時候食嘅英式古力嘛，記唔記得相入面嘅積及古力橙餅呢!
海豚兒:
回覆刪除~所以東岸人,好少去夏威夷, 坐飛機都10小時啦!!比我坐10小時機, 返咗香港啦!!
~第一餐, 都唔錯, 有拉麵,打好一個美好嘅序幕.
~有無發覺夏威夷好似日本?? 雖我未去過日本, 但去過夏威夷, 我就當自己去咗日本!! 哈哈~~
~你未shop, 你家姐已經比手信你, 你個行李最後, 加埋夏威夷戰利品, 夠位裝嗎??我試過買到無位裝, 要去買多個行李上機~
都係架! 喺東岸飛去歐洲八個鐘話哂都包兩餐，今次飛夏威夷明明遠過去歐洲，但真係連花生都無包食下，全部要自費架，而且仲好難食，所以落機一定要食番個宵夜至滿足!
刪除我覺得周圍都好多日本人，佢哋有自己嘅商店、公共交通工具，仲要所有宣傳都全日文印刷，所以好有日本feel，好得意。
同往年一樣，我哋淨係帶咗兩件手提，不過我每次去旅行都會帶D舊衫去，著完就掉，連護膚品都係帶試用裝，所以好慳位。通常我哋去旅行都會帶個後備旅行袋以防萬一，試過有一次唔記得執，就好似妳咁，要臨時買個旅行袋，但咁樣其實我會好自責架。不過我見妳每次旅行都玩得、買得好盡興，其實我好羨慕，因為我成日覺得今次玩唔夠可以下次去過，反而妳嘅心態係可能唔會再去同一個地方，所以玩得更放。
過一日暖暖既聖誕，都幾特別呀！
回覆刪除我都想去多次hawaii....
天氣真係好舒服，唔單止唔凍，仲唔會太熱，爽呀!
刪除去啦，去啦，等兩姊妹大多DD，仲可以同佢哋玩好多水上活動添呢! :)