2015年4月2日星期四

為南下做準備

三月最尾嘅星期六,去了唐人地區四圍走走,包括食返個港式早餐,修剪下頭頂嗰把大半年無修茸過嘅夏枯草,和舊同事食個聚舊午餐,同埋買定D零食準備長週末假期揸車落美國,作提神之用。

早餐都係平時食開嘅奄列、油多、麥皮加凍奶茶,同埋Mr. Dolphin嘅沙嗲一丁等等,所以都無特别影低lu。

至於剪髮,就係將前面嘅夏枯草由掂到耳仔嘅長度剪到啱啱遮住條眉嘅長度,換句話説就係將海豚兒本來已經夠低B嘅貓樣變成更低B嘅貓樣,不禁要講句I like it 呀!

之後就係同Mr. Dolphin約埋海豚兒嘅舊同事食個late lunch。 舊同事真係勁呀!喺老公要加班嘅週六,先車個大女(9歲)去課外活動,然後就帶埋二女(6歲)同細仔(4歲)一齊嚟食飯。當媽的真係唔簡單,星期一至五返工,週末就要安排節目比D仔女,管接管送,利害利害!

食完午餐,海豚兒同Mr. Dolphin 就去買定零食準備嚟緊呢個週末行開下時食嘅。下圖四款零食當中,只有左邊兩款係會帶上路作為提神之用嘅,包括芥茉蠶豆同埋蟹仔,而呢兩款嘅大股東當然係身驕肉貴嘅Mr. Dolphin啦, 至於右邊嘅紅燒魚柳同埋奶油梅都係Mr. Dolphin 完全不染指嘅食物,所以海豚兒在未曾出發前已經消滅了右面兩款啦,而其實呢兩款零食海豚兒都好多年無食過啦,今次都係貪得意買嚟食下。某程度上,海豚兒揸車係唔駛靠食物嚟提神嘅,最緊要有歌神許冠傑嘅經典金曲同Real McCoy 嘅兩首歌就夠頂好多個鐘架啦!:D


講返呢個星期六,因為唔想太夜返屋企,我倆又再創下一個壯舉,就係喺六個鐘頭內食哂早午晚三餐啦!因為一D都唔餓,只係為咗食足三餐,我倆只係食咗好味嘅咖哩乜乜乜加個好好味嘅綠茶千層薄餅(green tea crepe cake)就回家咯!


16 則留言:

  1. 回覆
    1. 細個時我覺得呢種紅燒魚柳仲好味過酒樓嗰D架!XD

      刪除
  2. 中式零食唔啱我。不過我可以食糖來開車提神。

    回覆刪除
    回覆
    1. 我哋盡量唔會揸車時食甜嘅零食,因為會一路食一路飲水,然後要揾厠所就煩啦!^^"

      刪除
  3. I need at least 10x the amount you bought to keep me awake!

    回覆刪除
    回覆
    1. 我哋結果食咗好少零食咋,因為去嘅時候食咗牛肉乾... ...夠哂提神啦!:P

      刪除
  4. Happy Easter!! 期待妳的南下美食shopping之旅呀~~~

    回覆刪除
    回覆
    1. Happy Easter!! 甜魔一家嘅台北之旅都要玩得開開心心呢!:)

      刪除
  5. 去美國邊度呀?? 玩得開心d

    回覆刪除
    回覆
    1. 多謝Mrs. Wu!! 今次係三日兩夜短途trip,去咗Michigan行咗轉,行下街食下嘢就過,返咗嚟lu。:)

      刪除
  6. 大半年冇剪過?妳頂得順架?
    為左食足三餐而食?其實食得落架啦?
    我好多時都會skip左一餐,平時多數食兩餐

    回覆刪除
    回覆
    1. 其實唔多頂得順,每朝照鏡都以為貞子嚟咗我屋企,嚇餐C!XD

      食第一餐時係堅餓架,不過約咗人食lunch,所以第二餐無得skip, 如果唔係,我哋週末通常都係食兩餐咋。;P

      刪除
  7. 海豚兒:
    ~包紅燒魚柳, 我非常like!!!

    回覆刪除
    回覆
    1. 我都好耐無食過,一食嗰刻真係覺得童年回憶返哂嚟!:)

      下次返温哥華都要去廣良興行返轉先!

      刪除
  8. Green tea crepe cake, 聽落好吸引喎!

    回覆刪除
    回覆
    1. 歡迎到訪!對呀!這個甜點是我近年好喜歡的甜品之一,難得可以喺多倫多食到,仲要質素幾好嘅,已經好開心啦!:)

      刪除