海豚兒愛吃甜，所以相機內總會有些零碎的甜品照，襯這篇卜文也介紹一下最近嚐過的甜吧!
早前因為海豚兒心思思想食栗子撻，所以Mr. Dolphin襯星期六專登陪海豚兒去吃甜點早餐，當然Mr. Dolphin依然先吃咸食打底 --- 蛋批加三文治作早餐，另外亦和海豚兒分享了梨撻，(對! 我倆是撻怪，除了椰撻，基本上在餅店碰上撻都會一試。) 還有外賣了味道一般般的tiramisu芝士蛋糕杯，和好好味的紅豆綠茶慕絲杯，至於栗子撻，竟然賣光了，就在海豚兒超失望之際，Mr. Dolphin話不如豪D買個大嘅(即四至六人的蛋糕size)，就係咁，海豚兒就喺兩日之內自行清咗多於四份三個栗子撻蛋糕，磅數亦失控地上升，唉! 不過呢，海豚兒還是喜歡件裝多D，因為個撻大咗之後，撻底就相對地無咁脆咯。^^"
有日返工，在午餐時段隨便在街上走走抖下氣，竟然發現了一間之前無留意過的店舖，進去八卦下才知道這店子是主打日式芝士蛋糕的日本過江龍 ~ Uncle Tetsu，最好彩是這天只是soft opening，海豚兒輕易就買到個日式芝士蛋糕回公司和同事分享，因為呢，這天之後店子就正式開張，每天在門外要花上兩小時排隊才能買到這人氣芝士蛋糕啊! 這個芝士蛋糕富有蛋香，質感輕盈，吃完後一點也不覺膩，而且回到公司蛋糕還是暖暖的，又新鮮又好吃，同事門也大讚呢!
再來到週末，海豚兒和Mr. Dolphin去商場行街街時，海豚兒突然心血來潮想吃macaroons便走去賣macaroons的專櫃，眼見一個以三粒迷你macaroons作裝飾的撻，當然不能錯過啦! 這個撻的顏色和味道也很夾，好好味啊!
雖然海豚兒好像吃了許多甜點，但多數也是到週末才會任性一下，其實也不算過份啊! ;P
咁妳有冇打咗底先呀？
回覆刪除我一早起身第一餐食甜，我都唔得呢
我都超愛撻，一定會揀撻的甜品先
我食咗兩啖蛋批，咬咗三啖三文治，我當打咗底架啦！:P
刪除其實呢，食果撻唔係咁覺自己食甜架，撻底通常甜中帶咸嘛，至於面頭嘅果肉，我咪當自己食緊生果囉，哈哈！
最緊要都係個撻皮夠脆！
最緊要都係個撻皮夠脆！...Yeah，我都係咁話
刪除唔脆就真係“把鬼”lu! :D
刪除栗子撻蛋糕好吸引啊!!
回覆刪除雖然食到又漏又肥, 不過Mr Dolphin的心意仍然好抵讚呀
真係好正，不過我真係唔敢再買蛋糕size, 我驚下次踩爆磅！
刪除嘻嘻！我都覺，所以雖然佢唔幫口(食), 我都無投訴。;)
每一款我都鍾意呀。 在香港我日日都飯後甜品呢！ 肥C！
回覆刪除唔緊要啦，難得返到老家，梗係食咗先講啦！最鍾意係香港無論食中式糖水或西式甜品都又好味又方便！
刪除Love love love the japanese cheesecake.
回覆刪除I used to make them at home, but it's a lot of work!
嘩！原來要整日式芝士蛋糕要好多功夫架! 咁呢間店都賣得幾抵喎，每個賣$10加紙連税！妳第時嚟嘅話，我買定個比妳做手信。:)
刪除我唔好甜，又唔食芝士蛋糕，所以今次唔吸引。哈！
回覆刪除或者我下次試D有辣味嘅甜品睇下會唔會吸引到妳先，如果唔得，可能要試埋有海鮮味嘅甜品喎，哈哈！^^"
刪除海豚兒:
回覆刪除~我而家, 唔知係咪成長咗, 我開始喜歡食咸味食物, 好像零食, 都是買多了咸味零食. 反而蛋糕, 糕點, 無咩特別想食!! 但到現在仍是喜歡雪糕!!
~難得去到, 買件裝栗子撻, 又無貨, 但有大件size, 比我都買, 可以嘆幾日, 開心幾日嗎!!
~近排, 這一個日本芝士蛋糕, 真係人人講!! 好彩, 你買當時, 唔洗排隊!!
可能我食嘅咸味零食比較"重口味"，每次食完都會想食返D甜食嚟清下之前剩低嘅食物氣味，久而久之，慣咗要食甜先至夠圓滿。
刪除個栗子撻真係好好味架，妳返嚟都可以一試，細size會好食D，因為個餅底無咁易淋(受潮)。
個芝士蛋糕條隧真係好誇張，我有個同事每日返屋企都會經過間舖，佢話就算夜晚10點幾經過都仲有人排緊隊，所以我都覺得我嗰日真係買得合時呢！
樣樣甜品都好吸引~ 每次食完都會好開心, 又可以有心有力應付生活了~~
回覆刪除D甜品真係好正，不過中間個蛋糕真係超毒，害我月巴咗好多，我以後都係食返細size好啦! 除非有人肯同我分享啦! ;)
刪除海豚兒，我放假都會大吃大喝㗎。辛苦搵黎至在食嘛。個日本芝士旦糕，你知道他是來自大坂嗎，我上次去大坂吃過，但唔肯定和你的是否相同。不過我覺得日本芝士旦糕大部份都好吃的，而我最愛綠茶做的甜品。
回覆刪除"辛苦搵黎至在食"--->實在不能認同更多呀！:)
刪除我只知道間日式蛋糕店係來自日本咋^^"，不過真係幾好味就真，難怪咁多人排兩個鐘頭隊去買。我都覺得日式甜品中，綠茶甜品係特别正，配紅豆食就最完美。