2015年12月1日星期二

拾。婚。快樂之旅 ~ 解構三星期行李。機程體驗

失禮一點講句,海豚兒和Mr. Dolphin出外旅"游"時,通常都會帶些爛達達的舊衣服,一來穿得舒適,二來穿舊衫可以一路去旅行一路掉衫,回程時就自然地執少啲和洗少啲(懶人之選!)。所以打從一開始計劃這三星期之旅時,除了安排行程,海豚兒想得最多的就是那些夏天服適合著去悉尼和香港掉,那些冬天服適合帶去東京著完即棄,來減低行李負荷,當然,要掉的衣服也盡量做到不浪費,海豚兒由上至下、內至外所掉的衫褲鞋,都是有至少四年以上的年資,最舊的衣服更有八年以上歷史,最激的還是海豚兒“精挑細選”了一件破了的衣服去酒店餐廳品嚐3 course meal補慶(再慶?)我倆的拾婚,當然破了的地方也不容易發現就是了。;P


靜靜雞告訴各位,海豚兒就算回港後跟友好和blog友見面時,大部分時間也是穿着這些服飾啦!當然,海豚兒也明白到人靠衣裝的道理,尤其是我倆雖然年紀不少,但却長着一般亞洲人長得較年青的容貌(typical Asian look),登機或乘搭商務或特選經濟位時,海豚兒和Mr. Dolphin有時也感受到好些不好看的嘴臉,甚至是説話上的差態度。好啦,還是先説回行李吧!我倆只帶了兩個28寸的喼,外加兩個旅行袋和兩個tote bags 。

在多倫多出發時,這兩個喼約分别重16和17kg加一個手提旅行袋,離開東京時兩個喼則進升至約21和22kg加兩個手提旅行袋,從悉尼飛香港時,兩個喼的重量約22和23kg加兩個手提旅行袋,最後離開香港回多倫多時,兩個喼已經變成超級肥仔,分别是25和26kg,外加一個寄艙的9kg旅行袋和一個手提旅行袋。寫到這裡,海豚兒不得不自誇一句好一個“執喼聖手”,每次執喼也能在沒有任何輔助下把兩個喼執到差不多的重量!唉!真是咕喱格,難怪海豚兒在智能測驗中被評核為豬肉榮級别,哈哈!


至於機程體驗,海豚兒還是相信有圖有真相的做法。不過,海豚兒從來都未試過站在飛機艙內影座位相,今次試過方知十分困難,一來地方窄難就位,二來太多人趕住登機,自覺“好阻定”,自問面皮已經超厚,拍照時都有點感到尷尬。^^"

多倫多--->香港 // 香港--->多倫多 (商務位)


這兩程絕對是五程飛機中最舒適的,因為座位可以攤平瞓,以海豚兒的身高/身型蓋上被睡覺已經很寫意,加上座位旁有很多不同空間安放物件,都是貼心的設計。


至於食物質素也不錯,總括來説這兩程機坐得超爽啦... ...除却回程時遇上一位滿是嘴臉是的空中C奶(年紀跟樣貌也不能用小姐來形容)。

去程的晚餐和早餐。。。




回程的午餐和晚餐。。。






 


香港--->東京 (商務位)


這程機的座位雖然不能攤平但仍可以把座位近腳位置升起,然後把雙腿放上去,不用把雙腳踩在地上,也滿舒服。對於Mr. Dolphin來説,就算把雙腳放地,腳與前面的靠背仍有很多空間,且看看下面其中一張相,生得矮小的海豚兒,在相中只露出丁點鞋頭而巳,嘻嘻!




這程飛機的午餐也不錯,但最令海豚兒欣賞絕對是這機組人員的服務態度非常好,讚!




小插曲: 當然這世界是不會有完美這回事啦,當我倆在商務和國泰會員隊伍欄排隊準備登機去東京時,被某地勤小姐告知我倆是BA會員(BA會員篇號在登機証右下角以蚊形字體列明)是不能優先登機,她跟我倆説了兩片,我倆也沒有作聲,這邊廂海豚兒正等她自行發現呢兩位爛達達的蛋散嘅登機証上以牛龜咁大隻字寫住business class,那邊廂的Mr. Dolphin則打算在地勤小姐第三次重覆我倆沒有priority boarding之際反問她business class不能優先登機,咁咩class至有呀(這班機是沒有first class的) 。結果,她終於在第三次重覆前自行發現,抛下一句“哦,原來你哋business class 架!”然後就頭也不回行開了。




東京--->悉尼 (特選經濟位)

這程機的服務很好,雖然是特選經濟位,但椅子近腳的位置也是可以升起,睡覺也很不錯,而且沒想到日航還提供了拖鞋跟鞋抽,這些用品連國泰的商務位也沒有呢。




至於食物方面就當然不能要求太多,海豚兒最欣賞的就只有雪糕咯!






悉尼--->香港 (特選經濟位)

這是唯一的一程座椅靠腳位置不能升高,雖然坐得沒有其他航班舒適但勝在這section有許多空位,而且這航班的機組人員服務也很好!



而食物方面就是不好也不壞咯!




這篇寫得超長氣,希望沒有悶壞各位吧!下一篇將會介紹這次旅行所選的酒店和來往機場及酒店之交通公具選擇。

18 則留言:

  1. 唔失禮,我都係架,有hole 都唔怕,即著即掉,鞋要著舊的才舒服呢。

    回覆刪除
    回覆
    1. 係呀係呀,鞋真係越舊越舒服,有時望住對舊鞋又殘又破,想掉又唔捨得就係因為咁囉!我試過好幾次想掉今次旅程着嘅鞋都係因為咁而無掉到,但今次爆喼,所以都要忍痛最後留低佢喺酒店。

      刪除
  2. 嘩~~~商務位啊,d 野食都寧舍精緻美味 ^0^
    我咁耐以來,坐過一次商務位喳,總覺得商務位的空姐好似靚好多添,嘻嘻~~~

    回覆刪除
    回覆
    1. 我反而覺得經濟艙多D青春美麗嘅空姐喎,因為負責商務艙嘅空姐多數都有一定嘅“年資+經驗”,哈哈!

      不過我都覺得商務位嘅食物真係好食好多,聽聞頭等艙食物水準更加高添呢,可惜我應該無咩機會試啦!

      刪除
  3. 感受到好些不好看的嘴臉,甚至是説話上的差態度 <--- my mom got that when she was on Cathay Pacific. Granted, she wasn't in business class. The flight attendants pretended they didn't speak Chinese when they are from HK. WTF?!

    回覆刪除
    回覆
    1. 好。過。份。呀。>_<

      我之前都有聽老公講過國泰有近似妳媽媽情況嘅投訴,原因都好離譜,主要因為老人家想要杯麵而空姐驚唔夠派就扮唔識聽中文。老實講,D空姐扮唔識中文嘅做法好過份之餘,四圍嘅乘客唔幫忙亦都係講唔通(瞓哂?!),遇上呢D情況,我一定出聲。難聽D講,蝦老人家,佢無阿爸阿媽嘅!;P

      刪除
  4. 唔悶呀, 我不知幾想試下帶衫去掉的長旅程, 可惜老公一聽到搭飛機就反白眼, 所以同佢真係無可能去咁多程機的旅行 :p

    回覆刪除
    回覆
    1. 嘻嘻,其實有時D老公都傻傻地嘅,唔去長途啫,一年分開去幾次旅行條數咪又喺返到!不過既然佢唔想,都無為勉强,咁咪一於去多幾個旅行補數囉,wakaka!

      刪除
  5. 吓?妳著個D係爛撻撻....滴汗中呀我.....
    個商務位超正呀,唔怪得妳話搭左咁耐都唔多攰啦

    回覆刪除
    回覆
    1. 真架!我同妳見面嗰日都係著舊陳皮衫架!咦!寫下寫下我至記得我哋都係喺酒店餐廳見面喎,真係失禮哂呀!

      真係幾正,所以回程就算瞓唔着,我都無乜所謂,當享受下個商務位!:)

      刪除
  6. 感受到好些不好看的嘴臉,甚至是説話上的差態度......噢,俾我遇到,就一定會串佢哋,你老幾呀,幾時輪到呢啲服務性人員俾嘴臉我睇,落機之後寫封email投訴幾咁易。

    回覆刪除
    回覆
    1. 如果得我一兜友,我會比較不顧一切去投訴多D架,尤其自從老公教識我點樣喺好多唔同行業制服睇員工職級,我就專揀個高級嘅去反映意見XD,但同老公或朋友一齊時,我通常都會忍下,除非比人搞到好勞氣至會出聲,因為我近年發現當我爆發嘅時候可能去得太盡,最終影響埋自己情緒,繼而影響埋身邊嘅人。但有一樣嘢我係絕對忍唔到嘅,就係呢D服務性員工“蝦”我身邊嘅人,我真係會好似隻狗咁追住個員工嚟咬(投訴)架!

      刪除
  7. 我以前去旅行都係咁邊著邊扔舊衣服架

    回覆刪除
    回覆
    1. 呢個做法真係超正,我返到屋企之後,連褸都洗埋,都係洗咗兩機衫就搞掂哂,做少好多功夫架!

      刪除
  8. 有得坐business class 回港真係爽到震呀,想像唔到夾係個咁窄既座位成10幾粒鐘,一定腳腫到爆!
    去左咁多地上玩,好鬼羡慕呀!

    回覆刪除
    回覆
    1. 嘻嘻,我無無聊咁計過,今個旅程坐咗50+小時飛機,所以我都真係覺得好好彩可以靠分換到商務位來回香港,真係坐得舒服好多,雖然我有朋友會覺得若我哋坐經濟位,D分夠我哋返多次香港,但對我哋嚟講,分嚟啫,又唔可以換番做錢,咁慳做乜嘢,哈哈!

      等Mr. Wu遲D開綠燈,妳都可以D帶埋H&去旅行啦!:)

      刪除
  9. 回覆
    1. 嘻嘻,多謝呢!我都唔知以後仲有無機會,所以今次既然可以用分換,人一世物一世,真係點都試下先!:)

      刪除