2018年6月26日星期二

又是週末記

來到五月尾的週末,海豚兒條去街癮又發作,難得Mr. Dolphin善解人意又好心地(!),陪海豚兒出城走轉。

是日午餐,我倆選了專吃海鮮的餐廳Rodney’s Oyster House,講起這間餐廳,第一次到訪已經是n年前剛搬來多倫多的時候了,還記得海豚兒姐夫的好朋友B先生帶我倆來見識見識,又原來Mr. Dolphin這些年來都沒有再來過,只有海豚兒幾年前跟同事來吃過一頓晚餐,當年在這餐廳就是我倆人生第一次食生蜆,結果一試便喜歡上。。。尤記得當天午餐去了飲茶,當時我倆還是剛畢業的窮學生,話雖如此,也不好意思要B先生和太太每次管接管送還要由早到晚請食飯嘛,於是我倆便偷偷地埋單,還害得B先生夫婦很過意不去,記得那時候,我倆本來很想買枱錄影機又不捨得,這頓午餐就等同吃了部錄影機啦,哈哈,現在想起舊事,真心覺得自己當時思想好小朋友,很低b,而原來一轉眼,又已經過了許多年啦!



是日我倆點了一般般的oyster chowder, 好味的生蜆、龍蝦包配洋蔥圈和蜆肉意粉,四款食物中有三款好吃,實在也很不錯呢!



之後就去逛街,晚餐就去了吃每次到市中心必吃的蕃茄湯底拉麵,同場還有好吃的焙茶雪糕新地作飯前、飯中及飯後甜品。各位沒有看錯,海豚兒是先買甜品,邊吃邊等麵上枱,麵來了後,吃幾啖又再吃雪糕,如是者直至把剩下來的麵交由Mr. Dolphin清碗,然後海豚兒就繼續默默地完成雪糕,哈哈!



時間一轉又過了一星期,眼見在多倫多開業半年的The Cheesecake Factory終於沒有人龍。。。(據探子回報,之前試過等四小時才有位呢,勁誇張呀!)。海豚兒和Mr. Dolphin行一陣商場就來吃個early dinner咯!這店的麵包一向不錯吃,是日選的頭盤也滿滋味,當然我倆更懷念從前好食夾大碟的頭盤拼盤啦,可惜今時今日,頭盤就只有散點份兒。至於主菜,我倆都不餓,只點了一碟意粉開心些牙,不過味道不似預期,都算頗難吃。而甜品我倆就老馮來一客Godiva古古力芝士蛋糕,這款芝士蛋糕由n年前只作時限發售到若幹年後變成店內長註甜品,對我倆真是最大喜訊呀,原因嘛,年紀越大,我倆對西式芝士蛋糕接受能力就越低,唯獨對這款古古力芝士蛋糕就依然愛不釋手。




下次再來這店,不曉得又會是何年何月了。

22 則留言:

  1. 反映你懂得人情世故 (有好多人係唔曉呢拜喇)
    咩咁啱嘅, 我今日都整左朱古力蛋糕

    回覆刪除
    回覆
    1. 話哂都自己出黎打滾咗咁多年,當然唔可以同溫室小花比啦,哈哈!

      我上星期終於見到妳個古古力蛋糕個post啦,好鬼吸引呀!

      刪除
  2. 我唔鍾意cheesecake factory,個menu基本上無乜嘢我想食,而且我哋嘅分店煮得亦唔好食...更何況我又唔食cheesecake,去得三幾次已經唔想再去。

    回覆刪除
    回覆
    1. 我對Cheesecake Factory點都有啲情意結嘅,話哂以前喺LA住時佢好hit,當年去嘅location喺海邊有啲特式之餘而又唔算貴,所以每次有朋友到訪都會同佢地去,久而久之,喺Cheesecake Factory就製造咗更多我同朋友間嘅回憶。

      刪除
  3. The Cheesecake Factory開到世界各地 ,就係英國無!只有在costco 買雪藏cheese cake 食咋。

    回覆刪除
    回覆
    1. 唔緊要啦,反正英國嘅酒吧更加平靚正同抵食!我覺得依家食Cheesecake Factory好貴呀,無以前咁抵。

      以前住LA時,我都好鍾意食喺costco買佢嘅frozen cheesecake,我記得係original flavor,$10美金一個好抵食架,不過咁多年後,我估貴咗好多lu!

      刪除
  4. The Cheesecake Factory我都未去過

    回覆刪除
    回覆
    1. 竟然未去過...不過我記得妳都係鍾意食亞洲食物多啲,咁呢間咁美式嘅對妳吸引力又真係無乜。

      刪除
  5. 生蜆~?肥人第一次聽咋...有機會都要試下先~

    The Chessecake Factory...香港開時都好勁..人人都去排隊~
    而家好似又不用排太耐啦....

    回覆刪除
    回覆
    1. 我估妳第一次聽可能係因為我譯得差,我其實想講生食clam呀,哈哈!

      係呀,我有幾個尋找回憶中的味道(簡單啲講係借啲耳去想當年)嘅朋友都話等咗至少6個月至去,就係為咗避人潮呀!

      刪除
    2. 唔關你事, 係肥人唔明白個意思..哈哈!!

      刪除
    3. 妳揾次試下睇下like唔like啦!:)

      刪除
  6. 海豚兒好好記性,應該話好有心,成日都清楚記得與朋友間發生的事!
    年輕時都真係好鍾意食美式前菜併盤,覺得薯皮、水牛雞翼等好味到升天,可惜真係今非昔比了....

    回覆刪除
    回覆
    1. 太記得“舊時”亦可能係我未老先衰嘅表現XD,不過食咗部錄影機對於本身係電視精嘅我實在太經典,好難唔記得。

      係呀,從前對呢啲大大碟嘅炸物係抱住個多啲黎密啲手嘅態度去食,依家嘛,quota有限,對食嘅心態都唔同咗。

      刪除
  7. 比妳笑C邊吃雪糕邊吃等麵haha~

    回覆刪除
    回覆
    1. Mr. Dolphin當時都睇到O哂嘴,佢都估唔到我真係會食住等,又會食食下返轉頭筆啖雪糕食,哈哈!

      刪除
  8. 芝士cake工廠肯定係名大於實,食過兩次之後,每次都只係外賣cake返屋企食。

    回覆刪除
    回覆
    1. 以前我覺得佢嘅意粉、頭盤、蟹餅都好好味架,有時候可能其實佢嘅食物味道無變,只係由90年代到依家,我地嘅口味進步咗、要求唔同咗,至少我以前唔會識分意粉煙韌唔煙韌,蟹餅嘅蟹肉多與少咁,不過對我黎講,Cheesecake Factory都依舊係充滿美好回憶嘅一間美式餐廳。

      刪除
  9. 同場還有好吃的焙茶雪糕新地作飯前、飯中及飯後甜品。 <--- the ice cream didn't melt?

    真心覺得自己當時思想好小朋友,很低b,而原來一轉眼,又已經過了許多年啦!<--- I was telling a younger coworker that my husband and I will be together for 20 years next year. Man, I feel so old.

    回覆刪除
    回覆
    1. 杯雪糕都算頑強喎,食到尾段至覺佢溶得多咋!

      我明妳感受呀,所以為咗避免呢啲情況,我連新相識嘅同事問我喺公司做咗幾耐,我都唔會講。XD

      刪除
  10. 我覺得你地好貼心啊,而且好窩心。
    好小後生仔女識咁做架~

    回覆刪除
    回覆
    1. 多謝妳嘅稱讚呀,我比較早就開始一個人生活,人情世顧好自然就會學得快啲嘅,至於Mr. Dolphin,咁就一定係99家教好啦!;P

      其實話口哂嗰個係姐夫朋友,佢都無義務要照顧我地,我地亦都唔想影響到姐夫同老友多年友情啦!

      刪除