大意的海豚兒把對上一次驗身日子記錯，年度驗身已經遲了五個多月(汗)。
一向對驗身都無有怕的海豚兒其實今次有點淆底架，雖然智商高度及行為似足小學雞，但年紀真的不少，加上過去一年是毫無保留而又放肆地食菠蘿油，又隔了一年多沒有驗身，上年又平身第一次錄得血壓偏高 (當時也有點意外!)，所以跟診所預約看報告時，海豚兒也刻意把日子推遲，好等海豚兒食多幾餐才撃鼓鳴冤，噢，對不起，是鳴金收兵才對。:P
星期六，Mr. Dolphin陪海豚兒一同看醫生，醫生望著電腦屏幕只說了『無呀 無呀』。海豚兒心想，到底是無報告睇嘅無吖、唔掂嘅無吖、定係無事嘅無呀。。。
幸運地，答案是無事嘅無呀，yeah~~~
呢兩年食埋勁Q多菠蘿油，多到連自從十幾年前減肥後，Mr. Dolphin都未試過干預海豚兒吃任何三高食物，近期都忍不住口「鼓勵」海豚兒食少啲菠蘿油，然而，海豚兒膽固醇指數竟然係好到無人信，哈哈，或許Mr. Dolphin真的應記一功，每日督促海豚兒吃的supplements果然洗得！XD
正所謂各有前因莫羨人，海豚兒如果沒有這份幸運體質，相信年青時也很頭痕。在各種因素下，念書時晚餐試過為了省錢食$1美元有十個的平價公仔麵，又或者是被海豚兒稱為死唔斷氣的熱狗... ...因為貪平，一袋六隻熱狗包才$0.99美元配約$2美元一包有8條香腸，結果每晚一隻熱狗、六晚後又剩下兩條香腸，單吃香腸不夠飽，用來吃公仔麵加餸又捨不得，只好繼續買熱狗包、又繼續買香腸，週而復始咁食，真係食到死唔斷氣咁。更難得的是，在羅省生活時，海豚兒除了一般吃成藥就藥到病除的傷風感冒外，又確實未曾花過錢看醫生。
這些生活體驗，往後亦成為海豚兒和Mr. Dolphin互相開玩笑的話題和對比啦。回想那些年少日子，海豚兒真的十分感恩天父和母親給予海豚兒這副健康body啦! :D
更值得感恩的是海豚兒的血壓亦回到正常水平，估計是不用再跟舊年提過的惡人谷同事共事，所以心情也放輕鬆了，簡直連便便也暢通了呀，哈哈！
寫完一大堆廢話，海豚兒當然不會忘記告訴大家是日(星期六)的得戚得戚好得戚菠蘿油午餐啦⋯⋯放心，往後會減少吃啦。
晚餐海豚兒和Mr. Dolphin就去食好西，因為海豚兒想食豬肋骨(baby back ribs)，而Mr. Dolphin就點了$40抵食套餐，包括煙三文魚多士, prime rib , espresso creme brulee，好吃！
一切如常, 恭喜哂~~
回覆刪除我老媽每次去檢查前, 就會開始戒口, 每次都俾我笑佢呃醫生 🤣
多謝多謝！
刪除我都聽過有長輩咁做，初時都有啲覺得呃人，但長輩都叫做事前戒口3個月，咁有戒點都好過完全唔戒嘅...可能最自欺欺人嗰個係我呀！;P
你件牛油大過我個件喎，小心食呀，哈哈！
回覆刪除呢件牛油有一半外露，其實我鍾意咁呀，唔會咁快溶嘛！哈哈，放心，我食得好小心，一滴不漏。
刪除菠蘿油我從來唔敢自己“隊”晒成個
回覆刪除我嘅隊友唔介意我唔“隊”哂個菠蘿包，因為佢會幫手食個包，但我一定要“隊”哂件牛油佢至會開工，哈哈，我都好為難架(奸笑中)！
刪除睇到撃鼓鳴冤立刻笑左，哈哈哈。明白明白怕身體檢查，我都係咁。我以前在西雅圖讀大學時都係晚晚啲平公仔麵當宵夜（那時一蚊七個已經係特價啦），我現在身材咁健美應該啲麵有啲責任，哈哈哈。
回覆刪除恭喜妳身體check up result 咁靚，繼續食好西，繼續健康一百分。
六婆本色嘛，哈哈！原來大家都有貪平貪方便加各種各樣原因而食平價公仔麵，但估唔到羅省嘅仲要再平啲，我估係西雅圖啲公仔麵營養好啲所以貴啲，哈哈！睇見BD就知MD身材一定fit爆吖，食乜都無影響！
刪除多謝多謝，我會繼續努力密密食，不過都會cut down食菠蘿油次數，大家都要健康呀！
your life in LA is exactly my college life as a foreign student here in the US. I was my own dr, too and ate tons of those 10 for $10 quick noodles and yes, hot dot, too. Amaze how we could live our lives like that but then everything was just fine.
回覆刪除應該點稱呼你呀？:)
刪除老土啲都要唱句“年少多好。。。”，後生時食方面真係放肆好多，有時亦都唔顧慮得咁多，尤其係留學生(握握手)，租房住或住dorm都有好多煮食加儲存限制，出街食下下洗美金又唔化算，不過當時經歷緊又唔覺係啲乜，但依家諗返轉頭就好似你咁講，真係覺得好神奇，尤其食埋咁多junk food，身體都仲唔太差，又唔洗睇醫生。
無就安樂,至少食野唔駛就住就住wakakaka.....
回覆刪除想問係食乜野supplements可以降膽固醇呢??
係呀，我都好開心仲有少少quota可以食鍾意嘅食物，不過同以前比，我都食少咗啲高危野例如內臟咁。
刪除主子同我都有食omega-3，我嘅好膽固醇就好高，但對主子就好似功效不大，醫生話係我嘅基因好，唔關啲supplements事，但我覺得主子都應記一功，哈哈！
恭喜晒...不過都要節制下呀..hahahaaa
回覆刪除多謝多謝！我會呀，都會節制下，而且仲要留啲配額等旅行放假用嘛！:)
刪除雖然食得有D少邪惡，不過妳食的份量唔算太多（其實我依家都係），所以OK的～
回覆刪除講起上黎，我都要趁出發前驗一驗好D呀
我就係恃住平常食得清淡所以到週末會食得放肆少少^^”，不過近年又真係過份咗，所以都要節制下，留啲配額以備不時之需，哈哈！
刪除妳一定ok啦，不過早啲驗都好，豈碼有個安心。
恭喜妳身體健康，長吃長有^0^
回覆刪除多謝多謝!
刪除下一步我就要學車媽媽進行體重管理啦，情況仲要係優先處理級別！
海豚兒,
回覆刪除我都試過幾年間食吞拿魚包.係罐頭吞拿魚mix沙津醬.又係有ｄ食剩又添ｄ,如是者,食咗好多年.哈
冇事就食.享受下
多謝妳呢!
刪除哈哈，原來除咗我都有人好似我咁儍，周而復始咁食同一樣食物！細細聲講妳知，我琴日午餐食咗呢個星期唯一一次菠蘿油配熱奶茶呀，超滿足！
Hello海豚兒，後生真係無敵嘅！你可以分享supplements嘅心得。我食得好健康，不過都驗出有胆固醇，非常唔服氣，哈哈。而家最中意研究supplementation同其他人嘅經驗分享。
回覆刪除歡迎光臨！:)
刪除心虛地説，我一點也不後生啦，只是高度似後生，因為生得矮似小朋友，哈哈！Mr. Dolphin都係比我食得健康好多，不過我膽固醇指數依然好過佢，佢又係唔服氣，不過都無辦法啦，每人體質都唔同，唯有食supplements惡補下啦，加上我地嘅家庭醫生好“鼓勵”我地食，所以經過咁多年，supplements都越食越多種類。