<<公主病 x 1>>
小時候被家人差遣落街買報紙也是不情不願，和報紙檔一手交錢、一手交貨那刻，海豚兒就會從褲袋中淘出預先準備的紙巾夾起份報紙走人，差不多每次也會被檔主白眼。
<<公主病 x 2>>
每天晚飯，家人習慣用報紙當枱布鋪在飯枱上，海豚兒自懂性以來就習慣吊起雙手食飯，慕求兩隻手的任何一個部位和報紙也不會產生任何接觸。
<<公主病 x 3>>
現在的週末，海豚兒和Mr. Dolphin偶爾也會買份中文報紙，為的是隨報紙附送的八卦雜誌。不過，海豚兒多年來亦本著報紙不埋身的宗旨，買及消滅報紙這份差事一直交由主子代勞。
<<公主病 x 4>>
今天，海豚兒少有地主動去買份報紙，雖然也帶定一個文件袋去裝起份報紙。
<<公主病 x 5>>
其實，也沒有什麼大原因大道理，只想留個紀念，並藉此跟老家說一句『香港人。加油！』
公主病1無。 公主病2都無，我哋細時有人送報紙。 公主病3，無，媽咪唔鍾意。不過反而依家香港家就用報紙鋪飯枱。我食飯就離枱3尺。 公主病4，無，依家無買過報紙，免費的都唔想攞。公主病5，一半半，如果有大新聞，會攞份免費報紙，睇完即掉，唔會拎入屋。
回覆刪除小時候只有喺電視劇至見到送報紙送牛奶架，所以當時喺我膚淺嘅心目中，呢啲係上等人屋企嘅代表，哈哈。其實報紙鋪完枱，啲油墨又會印返喺枱面，我覺得仲要做多啲清潔功夫。同妳最似嘅係唔想拎份報紙入屋XD,奈何主子要睇，所以都要焗住帶埋份報紙返屋企，等佢睇完至recycle。對我黎講，依家可以上網睇報紙絕對係爽呀！
刪除妳呢啲唔算係公主病，我每日都會買報紙返屋企，其實都只係睇大標題，其實可以係手機睇新聞，不過都係習慣咗，好似睇慣實體書，唔鍾意睇電子書
回覆刪除哈哈，多謝妳呀！小時候未有公主病呢個稱呼，我屋企人會話我係豆腐做，唔係話我脾氣好，而係郁啲又哎痛又話整親，呢樣又唔得嗰樣又唔掂，哈哈！
刪除睇書嘅話，我都係鍾意手拎住本書黎睇，不過去旅行嘅話，電子書又確係方便好多。
我家同報紙有情意結。
回覆刪除我哋好細個就睇報紙，小學去茶樓開飯或週末去飲茶，就係一家人大大細細分一份報紙睇好似搭檯咁。我爸媽依家每日都仍然會買蘋果日報，飲完茶仲會攞翻屋企繼續，亦會用嚟鋪飯檯。我自己去到英語系地方旅行，仲會買當地報紙睇，我對報紙油墨無抗拒，反而有啲情意結。
全家一齊睇報紙，可以想象到你地一家人飲茶有幾寧靜。可能我不甘寂寞啦，哈哈，我好怕一班人飲茶，然後個個打開份報紙睇，零交流架。
刪除對報紙油墨無抗拒，反而有啲情意結>>我記得妳曾經有份工，每日要刨好多份報紙，我當時已經諗，如果我枱面每日放住一大叠報紙要我睇，我一定死梗，應該好快比人炒魷魚。^^”
以前睇完報紙, 指頭黑黑架
回覆刪除睇左好多片, 你個邊D愛國同胞D舉動真係唔講得笑
我記得小時候有一次趕住聽電話(...當時屋企電話係放喺一張舊時好興嗰啲L-shape梳化嘅角落位，嗰張角位梳化用黎放香港電視雜誌同報紙...)，一隻大脾壓咗落張報紙嘅廣告到，一起身甄妮就印咗落我大脾啦。^^”
刪除好似話又係收錢做野，其實佢地嘅做法我覺得亦未必係壞事，至少旁人會更識得分辨“我們”跟“他們”是不一樣的。
Daddy Dearest 對報紙嘅墨有過敏，一 smell 到 ink 會頭痛㗎。
回覆刪除有過敏反應真係慘，依家都好啲，一講出黎，大部分人都會明白，以前嘅時候，我估DD應該遇過唔少人地唔信邪，硬要試下佢嘅遭遇，又或者係將呢個情況由街頭講到街尾。
刪除so true ;)
刪除好在依家DD有MD嘅體貼照顧啫！
刪除Hahhaa, 好似唔係咁喎 , kekkekekekeeee
刪除:D
刪除報紙的油墨質感真係唔多好...
回覆刪除但以前網上資訊無咁流行時，我都會每朝返工 (好似已經上世紀的事...) 拎返睇完，再去洗手開工～
又，謝謝妳對香港不斷的支持同打氣！
原來都唔止我一個覺得報紙油墨質感嘅，phew～
刪除可能因為當年係第一次見面啦，我仲記得妳係14年轉做全職媽媽，估唔到已經係5年多以前嘅事啦。
因朋友分享，最近重看「留住這時光」MTV,香港真係一個好迷人嘅地方，亦值得擁有更好的！
我也很怕報紙的油墨氣味，不過用來抹玻璃十分正！多謝妳身在遠方對番支持！
回覆刪除同道中人! :)
刪除我都見人用黎抹玻璃效果真係好掂，但我完全過唔到自己嗰關，要一手拎起張報紙嘅動作，諗到都打冷震呀。
香港人值得擁有更好的！
我屋企呢...要用報紙包住d 用過既m巾先可以落垃圾桶架..
回覆刪除阿媽話要包好, 唔可以比人睇到d m wor..所以我由細到大都成日掂報紙架..hahaa
咦，係喎，妳唔講我都唔記得我屋企都係用報紙包住掉架，隔咗咁多年，加上離開香港已經無咁做，唔記得咗添，同埋妳唔講，我都唔知又或者又係唔記得要包住掉嘅原因。^^”
刪除