星期日晚到機場接機，還是頭一趟Mr. Dolphin跟甜魔爸媽見面，至於破冰嘛，就一點難度也沒有，因為來路不同去路，海豚兒和Mr. Dolphin早已忘了車泊在那裡，接機後，大家努力找找找，好不容易才在停車場成功找回車子返歸，真係失禮哂呀，哈哈。^^”
朝早起來，原定行程只有一個，就是到訪尼亞加拉大瀑布，不過在之前一晚，經海豚兒魔鬼式引誘下，我們四決定先花點時間拜訪Toronto Premium Outlets行街街，才起行去參觀大瀑布。還好，甜魔爸媽和主子也有收獲，特別是甜魔媽媽，看到她拿著戰利品那滿足的笑容，的確不枉此行呀!
然後，我們四就在路上小休站的food court醫肚。既然食快餐，海豚兒當然要推介地道加拿大咖啡快餐連鎖店Tim Hortons給甜魔爸媽啦，而這店子賣點就是勝在夠平和快，估唔到期間限定嘅窩夫夾豬柳蛋三文治又幾好味喎(海豚兒點的是走肉版)，另外，大家又意思意思地分享了充滿加拿大特式的poutine。
之後再沿途快閃去買些冰酒，就前往是日重中之重景點～尼加拉瓜大瀑布啦！
這天除了有好天氣，還有一條完整的彩虹橫跨美加的瀑布呢，而難得甜魔爸媽都十分欣賞這景點，太好了！大家從照片中大概可看出甜魔爸媽影相有多認真呢！
一場來到，海豚兒和Mr. Dolphin都希望甜魔爸媽能從多角度觀賞瀑布，所以晚飯也選址在位於Hilton酒店內有靚景的Watermark Restaurant，好讓客人能從高處看到瀑布的日景、夜景及煙花表演，希望可以盡慶而歸。
至於晚飯質素也算不錯啦，餐廳只有3 course prix fixe menu選擇，難得是甜品可以改為頭盤，兩位男士也不約而同將其甜品改為餐湯和另一半分享。:)
就這樣，從早到晚出動了十五小時，完成了這超愉快的行程。
如果我去Toronto，瀑布都可能係我唯一景點啊。
回覆刪除對，每次有人黎玩，我都會強烈推介要去一轉Niagara falls,但除咗瀑布，我都諗唔到有咩非去不可嘅景點。又，如果妳黎，記住話我知呢！:)
刪除最底個甜品好似好正咁喎
回覆刪除係呀，最後嗰個叫做death by chocolate，超濃古力味，愛食古力甜品嘅會好欣賞。
刪除我希望有機會同你在多倫多見面啦
回覆刪除M2，我都好想可以喺多倫多同妳見面，一齊食、一新齊行街、一齊傾八卦... sorry係女生心事至啱，哈哈。
刪除Poutine 我仲以為係 Quebec 特產, 原來周圍都有
回覆刪除對對對，的確係Quebec原創，不過呢啲商機，當然全國生意人都唔會錯過啦！:)
刪除woW ! You met blog friends in Toronto ! Hope to meet you next time travel to Toronto.
回覆刪除真係好難得可以同同一個blog友喺香港見，喺多倫多又再見，而且同佢見面每次都極難忘。好吖，如果妳黎Toronto,記得通知我呢!:)
刪除好幸福又美好的回憶！
回覆刪除其實西式胃的我好適合加拿大生活（老公就明顯差少少），但唔知冬天會唔會凍瓜...
我地之間又再多咗啲“塞來塞去”嘅回憶啦，哈哈，聞說，今次仲係大家嘅另一半都有沾手添。XD
刪除所以主子都話好surprised我地最尾嗰日無同你地去食亞洲野做早/午餐，不過最終兩位男士當晚都有白米飯到肚。冬天係凍啲但都ok嘅，始終室內有暖氣，好多時都係車出車入，雖然未必欣賞咁凍但一定適應到嘅。
今晚同老公同嫲嫲都再傾多次，如果叔仔申請澳洲唔成功，基本上唔考慮澳洲
刪除都係諗加拿大 (日後小朋友可以去美加兩地發展）或新加坡（近返親人，生活習慣又似D）
不過個邊真係倒轉過黎，全年都好鬼熱！
祝願叔仔一家申請成功！:)
刪除加拿大生活一定無香港嘅五光十色多姿多彩，但就真係好適合一家老少過生活，日常係會平淡啲亦可能會缺乏朋友，但焦點會更著重家庭，同家人關系亦更親厚。
多年前去完新加玻旅行後，我對呢個中西合璧城市超有好感，當年都有忍唔住問主子，佢份工有冇機會派佢黎呢度返工，咁當然，我地無細路，亦唔需要考慮服兵役等事宜啦。
原來大家睇法都相近！可能新加坡同香港真係好似，同時又乾淨D、居住環境好D（香港最差依樣），所以易有好感。目標就係依D，睇下細佬搞成點，仲有天父點帶領了～
刪除如果可以喺新加坡生活但又可以閒時返香港一解思鄉之愁，真係幾爽。。。我都係發下夢啫，唔好打頭呀，哈哈！
刪除祝誠心所願!!!
找車真係好好嘅ice breaking 節目，哈哈哈。
回覆刪除I have yet to see Nigera fall.... hmmm.
係呀，客人仲推住喼挽住袋，比我地搞到幾不便呀，哈哈！
刪除我知MD親戚遍天下，但如果妳黎玩，我絕對唔介意同妳去架。:)
有彩虹同迎賓太美妙了！
回覆刪除甜魔媽媽嘅彩虹加瀑布相先至靚得交關，佢影得超有心機呀，絕對係大師級水準！
刪除窩夫夾豬柳蛋三文治走肉...即係得窩夫同包~? 定得番窩夫ONLY?
回覆刪除咁咪變左甜品囉..haaaaaaaa
嘻嘻，走肉之後都仲有好好味嘅半溶芝士加雞蛋，又鹹又甜嘅組合，好味呀！
刪除小聲説，其實係呀，窩夫已經有十楓糖甜味，所以特別啱食！