十月最後的星期六，心癮起，襯做完家務，就一齊出去買甜品。
甜品味道就一般般啦，最驚喜莫過於食到恨食好耐的日式吉列豬扒。。。而其實我倆最終都挑了雞扒，而不是豬扒，哈哈。^^”
主子選了咖哩味汁，海豚兒選了酸尾尾的原味汁，外賣雞扒返到屋企仲暖及微脆，好吃。這個有下次呀，難得主子跟海豚兒一樣，也是鍾情原味汁呢！
店子好窩心，買外賣，還有個MIK口罩送呢！
之後一個週末，主子陪海豚兒去洗牙。海豚兒一直有留意，自疫情起，在這兒去牙醫診所洗牙，基本上算是安全的。洗牙後，當然又去買堆食物回家啦，包括懶得影相的午飯，食剩才記得影的點心，日式芝士蛋糕加mochi(黑芝麻和焙茶味)，和芒果味蛋白卷蛋，食物都算不錯吃啦！
自疫情起，海豚兒最開心就是打開雪櫃，有滿滿的「不用煮」種類食物，幾時想食就有，嘻嘻！有告訴過你嗎？海豚兒的優點就是知道烹飪不是自己的優點咯！
你係咪證明左識食唔等於識整?
回覆刪除因為之前有人笑過一D"食家"教人整野, 其實真係... 😁
我唔識食但更加唔識整，莫講話“食家”吖，蟹柳層層疊都夠攞你命三千啦，哈哈！
刪除正正甜品，我好多時都會買熟餸，咁又可以煮少一樣呢，嘻嘻
回覆刪除唔係講笑，以前真係唔會一次買咁多甜品返屋企上倉，依家就... ...我都想好似妳咁買熟餸，可惜附近嘅熟餸選擇都唔多掂。^^“
刪除我超級想洗牙啊！自農曆年到我6月尾唔撈時，趁仲有公司牙科保險時，我差不多隔一兩個月就打一次電話去牙醫度，佢地一直唔俾洗牙，激死我啊！
回覆刪除我都聽朋友講話香港自疫情起就無得洗牙，好似妳咁，等到離職都未有得去，真係好無奈，我覺得定期做牙齒保健好重要，加上牙醫係pro嘛，平時器材都有標準sterilize過程，疫情間只要更注重衞生安全同防護，問題基本上不大。
刪除在加拿大唔識煮都唔怕。見你好容易買到靚野食。
回覆刪除妳講得啱呀，所以住喺metropolitan city對我來講好重要，唔識煮，至少仲可以去搵食，哈哈！
刪除買外賣有口罩送好窩心，另外我也有點擔心洗牙！
回覆刪除我第一次遇到有罩送咋，而且仲要係高規格level 3口罩，真係好驚喜。
刪除呢邊嘅洗牙服務已經開始返4、5個月，我同主子各自有自己嘅牙醫，一樣都係唐人，大家去完洗牙嘅感覺都好正面，不過如果香港仲係未可以洗牙，都唯有等下。
香港可以洗牙！係要過自己的心理關口啫！
刪除明白！要走出心理關口確實不易，坦白講，洗牙都係我數月以來，第一次喺公眾場合除罩示人。
刪除tonkatsu tonkatsu tonkatsu <3
回覆刪除講樣野妳知吖，影相時我第一時間諗起妳，終於食到日式吉列啦！
刪除芒果味蛋白卷蛋, 望落好似幾好味.
回覆刪除白雪雪嘅賣相雖然單調咗啲，但味道真係唔錯，日本人開嘅店，品質果然有保證呀，嘻嘻！
刪除肥人都洗左一次牙, 果次真係好好彩, 牙醫都話佢地岩岩開番洗牙服務...
回覆刪除咁就好，洗完一次牙，又可以等大半年先要再約過。
刪除