轉眼間,一週的假期已經來到下半場 - 星期四咯。在家隨便吃過早餐,海豚兒和Mr. Dolphin 就開始做家務。
下午去商塲逛了一圈和超市買了些物資,然後就去買韓雞回家吃咯!
星期五早上,我倆就去相熟車房幫車車做定期維修保養,這亦是近年唯一一次不用把車呔由夏天呔更換成冬天呔,原因嘛,由上一個冬天到現在,我倆都沒有換呔,一整個夏天也是用雪呔,哈哈!
等候時百無聊賴就去附近商場逛下。四圍行時被一位晨運客叫停,溫馨提示我倆行錯方向。。。
甚麼?原來要跟著地上箭嘴方向行,我倆之前一直行相反方向。^^”
行行下,忍不住幫自動販賣機影張相留念,因為疫情前,海豚兒在多倫多商場,從未見過專賣口罩的自動販賣機呢!
講起口罩,是日我倆買了MIT口罩,即是華為公主戴上庭用那款呢,嘻嘻!
這天中午,我倆買了茶記外賣在車廂內食。。。久違了的茶記味道,簡直要講句「我愛味精呀」,哈哈!
食飽飽,主子理髪後,就輪到海豚兒去提取新配的眼鏡,之後,我倆就買了不好吃外賣回家吃咯!咸蛋燒味雙拼飯是海豚兒的,雙脾睇落好正,但其實海豚兒麻麻地啖啖肉架咋。
本來,星期六我倆打算在家小休一番,奈何新眼鏡未調教好,又再出去一趟。一場出到去,當然少不了買好味外賣和甜品回家慢慢嘆啦!
特別一提,芝麻味慕絲蛋糕好好吃呀,海豚兒十分欣賞,但就不是Mr. Dolphin 杯茶,因為主子從不喜歡慕絲忌廉等甜品。(承blog友Ceci貴言,是日有正甜品呀!)
物您哋啲家務唔係日日做的嗎,除咗買炸雞,唔買埋甜品返屋企食
回覆刪除家務隔星期至做一次咋,兩個人住,無細路又無毛孩,係咁上下啦。^^”
刪除因為星期二已經買咗曲奇餅、牛角酥等,所以呢日唔洗再買都有得食。
嘩~~ 食左好多好西
回覆刪除你地配眼鏡係咪好似香港咁, 去眼鏡鋪就一次攪掂?
襯放假就搏命食,平時少啲機會出去呀!
刪除呢度要自費或claim保險去optometrist 驗眼,然後拎張度數紙去眼鏡舖配眼鏡。
韓雞韓雞韓雞. YASSSS
回覆刪除係呀,有成三個多月無食過,掛C我呀!
刪除商場要指定方向行咁奇怪?btw芝麻味慕絲蛋糕好吸引喎!
回覆刪除係吖,可能只係商場店舖未開門前,晨運友會跟住黎行,佢哋日日去商場行大運就話啫,好似我地好日都唔去嘅,真係留意唔到地面嘅標示。
刪除對對對,件蛋糕真係「好芝麻」味,好食呀!
用雪呔好嘥油架。加拿大自己無出口罩嗎? 我哋已經有MIE,又唔貴。
回覆刪除用雪呔的確幾嘥油,好在我地自封城起都好少外出,兩個月都未行完一缸油,比著以前,一星期就要入一次油啦。
刪除加拿大有本地口罩,我地都用緊,不過我pat pat痕,想試下Asian made嘅會唔會fit得好啲。^^
芝麻慕絲蛋糕切開好似好好味呀!
回覆刪除係呀,所以我專登post張切開嘅相出黎,因為外觀都幾其貌不揚,好似煤炭屎鬼咁樣,哈哈!
刪除芝麻味慕絲蛋糕..... 如果唔太甜都應該幾吸引,芝麻本身好香。不過唔太甜可能又唔啱你口味!
回覆刪除啲韓國連鎖炸雞店,喺香港好似無一間掂,都唔係嗰種味,我試過一間之後怕哂唔敢再搏。
呢件蛋糕甜咗啲啲啦,但佢超重芝麻味又彌補返,其實我唔算食得甜架,黃蓮蓉、豆沙、焦糖我都麻麻地。
刪除估唔到開到黎香港會咁唔掂,不過只要喺韓國食過炸雞,真係好難返到轉頭食其他炸雞,仲有韓牛都係,簡直一試難忘!
奶茶!菠蘿油!我一見到就雙眼發光,好想食呀~~~
回覆刪除快啦快啦,過多一星期到就可以開始探索新環境!我都幾個月無食過茶餐,聞到陣味同埋第一啖食落去嗰下,真係幾興奮。
刪除肥人都不愛慕絲呢...hahahaa~
回覆刪除原來妳同主子係同路人!;P
刪除