襯有心機兼時間，繼續努力寫下海豚兒之無聊日常。
某個早上，從廳望出窗外，感覺有點像在飛機上望出去呢，其實只是大霧而已。海豚兒沒有坐飛機癮，甚至有點怕坐長途飛機，但跟大家一樣，很懷念旅行的感覺就是了。
另一個獨自放假的早上，海豚兒一早走訪兩間西超入貨，三大袋加起來，也不算輕，結論是，「曾經」黑黑實實的海豚兒，果然擔得、抬得、又捱得呀，哈哈！不過，年紀大啦，揹完三大袋物品後，膊頭痛足三日。或許你會問，怎麼不找Mr. Dolphin出手，其實他也有盡量幫忙，只是，不是每次也能夾啱時間。
辦完家務事，時間尚早，才上午九時多，當然要慰勞一下自己，獎自己去outlets行下街街。
想不到，疫情期間的閒日，outlets的遊人也不少，原來大家也有著一顆堅定不移購物心，許多店外都是長長的人龍，加上室內人數管制，好些名店要排上一至兩小時，才能進入呢！
混吉的海豚兒是日只有一份收穫。。。就是古古力味彩虹蛋糕一件啦！味道也不錯，只是略甜了一點而已。
回家前，順便再買美味日式吉列雞排配原味汁作晚餐，主子對於是日晚餐，表示非常滿意！:)
有無諗下要買架車仔? 😉
回覆刪除因為兩隻手腕都有舊患，所以拉唔到手推車... ...基本上膊頭已經係我成隻手最好力水嘅部位，哈哈！
刪除睇來今年Christmas boxing day sales 我都無得去outlets 啦。
回覆刪除今年真係好多若有所失嘅情況，不能旅遊，不能見親友，就連去outlets 都不樣，不過唯有當今年慳咗錢，下年有多啲彈藥，洗得盡慶啲啦！
刪除要排一兩個鐘頭隊，我就真係唔去喇
回覆刪除我估絕大部分人入到店內都會磨爛蓆，直到有收穫為止，哈哈！
刪除依家無遊客，平日都多人，證明多倫多人內銷能力都唔差。我今年Black Friday都完全無嘢想買，以前會趁減價買定啲化妝品或買啲衫，但今年妝都無乜點化過啲化妝品仲有好多我反而驚過期，衫著來著去都係幾年casual wear，無興趣買新衫！
回覆刪除其實我都唔係好明，新聞日日都話邊間公司破產、邊間零售執笠、邊間餐廳無錢交租被封舖，但依舊咁多市民有咁強大嘅購物慾/力，又明明失業率都仲好高下架。
刪除係喎，除咗BTS週邊，今年真係無乜見妳介紹網購收穫喎！
什麼環境也阻止不了那頭Shopping的心！
回覆刪除真係呀，名乎其實「無懼世事變改，還是越難越愛」shopping呀！
刪除我都係怕坐長途飛機 XD
回覆刪除原來MD都係，小時候覺得坐飛機好好玩，隨著年紀越大，飛機座位越來越窄又越來越多乘客，坐長途飛機，就越辛苦！
刪除肥人都有一顆堅定不移購物心..可能無既係金錢.....嗚嗚!!!!
回覆刪除平有平買，貴有貴買啦，哈哈！講起黎，依家成日喺屋企，呢個幾月我地都買咗幾樣家居野。^^”
刪除