2013年10月13日星期日

當年今日

從前有一對小夫妻,他們拍拖多年後結婚,婚後很快便誕下了第一個女兒。

兩年後,妻子懷了第二胎,丈夫為了給家人有更好的生活環境,他決定隻身到言語不通的非洲工作,為這小家庭的將來鋪路。 

妻子獨個留港照顧女兒,懷胎十月後再為丈夫誕下一男嬰,不幸地,兒子一直體弱多病,經過多番折騰,在一歲多時不幸夭折。妻子為此而傷心欲絶,悲痛萬分。於是,她把女兒交給長輩照顧,放棄香港的所有,奔向身在非洲的丈夫醫治心靈的傷痛。幸運地,妻子在非洲再度懷孕,夫婦二人歡天喜地收拾行李,離開這生活了數年的地方,迎接小生命來臨。

回港後,丈夫再因工作關係,飛往日本工幹。妻子為丈夫誕下小女兒一刻,丈夫仍身在日本,無緣陪伴妻子見證孩子的誕生。這一切一切,妻子也從不埋怨,只努力地做好為人妻及母親的本份。 

數年後,丈夫得到另一個工作機會,往國內發展。這趟,他去了許多許多年,兩夫妻只能每月在中國或香港短聚。丈夫不在旁的日子,妻子身兼父母兩職,盡心盡力照顧家庭。 

多年的辛勞,對丈夫的牽掛,和對大女兒出國升學後的擔憂,妻子已獨自承擔了許多不為人知的壓力。一個星期天的下午,小女兒如常在教會渡過,妻子正在家中招呼客人,突然,她感到身體非常不適,坐在地上,辛苦得透不過氣來,漸漸地,她停止呼吸,突如其來的心藏病把她帶走了。。。

她 - 是一個非常堅強的女性,從未在人前抱怨半句,亦從未在家人面前留下半滴眼淚,對失去兒子的傷痛亦絶口不提。沒想到在她走到生命盡頭時,也沒有機會與家人道別又或是留下任何遺言。

他們說她太年青,不能穿壽衣,家人為她挑了生前最愛的衣服,好讓她漂亮地上路。




<<最後,感謝您們把海豚媽媽這當年今日故事看完,希望大家也能珍惜生命、健康、您愛和愛您的人。>>


41 則留言:

  1. 回覆
    1. 謝謝! 所以我的願望好簡單(貪心),只係想身邊嘅人、自己都努力活得健康 + 快樂!
      希望妳同 Thomas 都一樣呀!

      刪除
    2. 多謝,妳同MR.Dolphine都係!

      刪除
  2. 回覆
    1. 謝謝妳的留言,我都覺得媽媽好犀利,爸爸說和媽媽相處廿多年未曾見過她流淚。
      祝身體健康!

      刪除
  3. 震動了... 真係要好好珍惜眼前人呀!!!

    回覆刪除
    回覆
    1. 無錯,人生無常,所以要好好把握每一天和家人的相處!

      刪除
  4. 回覆
    1. 謝謝! 你都係呀! 平時見你blog都係大忙人一族,要好好保重身體!

      刪除
  5. 媽媽好堅強,你都要加油呀!

    回覆刪除
    回覆
    1. 謝謝! 對呀,媽媽去世後的多年來我也努力地活得快樂健康!
      Mrs. Wu 一家也要加油,努力維繫家庭、相親相愛!

      刪除
  6. 過得開心幸福家人無論在不在身邊都會為你覺得欣慰~~ 要日日開心呀~~^_^

    回覆刪除
    回覆
    1. 妳講得好啱,所以我經常提醒自己要 live to the fullest ^^
      妳同大少都一樣,要好好保重+保養!

      刪除
  7. 海豚兒:
    ~個故事很感人, 這個妻子很緊強呀!!
    ~自我離開了多倫多, 才發覺自己失去了許多. 以前覺多倫多無樣好, 但其實自己當時唔識去珍惜, 自己曾擁有的一切.
    ~不過,自這次搬居後, 開始珍惜現在, 人真是有經歷才會更珍惜自己所擁有. 所以, 現在每一刻都做好, 因過咗去就捉唔返!!----珍惜

    回覆刪除
    回覆
    1. 歡迎光臨 Vicky! 對呀! 可惜海豚兒不太像媽媽,比較似個喊包,lol!
      妳說的很對,經歷無論是苦是甜,都會幫助我們成長,最重要是盡能力不讓自己後悔!
      其實一直都好希望妳能在温認識多一些新朋友,這樣,會更容易投入新生活,不竟,做工同返學唔同,能結識趣味相投的朋友比較有難度。如果有咩需要,唔好客氣,我下月底回溫,ok!

      刪除
  8. 啊!是你的媽媽!真的很堅強呢!最近有朋友也是突然心臟病去逝,很難想像早上還開開心心談笑着,下午突然就離開了。豆丁時時這麼想:對待親人,想像每時刻都有可能是最後一刻,日後就不會後悔了。

    回覆刪除
    回覆
    1. 對呀! 要努力讓自己不後悔!
      因突發心藏病而離開,會令身邊人很難接受+難過,但對病人來說,比其它病要承受的痛苦也減少了。想當年拉太看著媽媽病情轉壞時,也是堅強地支持下去吧!

      刪除
  9. 很感人的故事,女主角很了不起,超堅強、勇敢。

    回覆刪除
    回覆
    1. 多謝愚太! 不過妳都係,一D都唔弱。妳和海豚兒媽媽也是為了家人無條件付出,不計較,只要家人快樂,便覺滿足!

      刪除
  10. 很感人。我想起自己的媽媽和婆婆。婆婆離開了。看到媽媽失去她第種悲傷我也很心痛。看多了愈來愈害怕失去。你的媽媽很令人佩服,永遠放家人在首位其實易說難做,她做到了。

    回覆刪除
    回覆
    1. 對呀! "永遠放家人在首位"實在比返工更艱難千萬倍! 我都睇咗你講婆婆、媽媽嘅entry, 亦都非常佩服auntie為她母親生前所付出的種種,我常想,生了孩子的女性對照顧父母的感受會來得更深。

      刪除
    2. 我媽咪成日話婆婆命苦,如果佢做好啲做多啲都係婆婆應得既。哩番說話我好深刻。你講得岩,生左小朋友之後我地會代入得容易啲,同理心大左,但有啲人唔係架,反而一去冇回頭,只顧自己頭家。所以小朋友將來大左點對自己都係要睇得開啲。

      刪除
    3. 係呀,真係好認同! 不需要對他人、下一代抱太大期望,但同時亦要努力教育下一代做有責任的人。^^
      不過,"一去無回頭"嘅家族成員係梗有一個喺左近! 無計!

      刪除
    4. 對呀!其實我好信循環。看得出你很樂觀,不容易呢。我媽媽也是樂觀派,常常笑,有時都擔心她是不是有很多東西藏在心裡。

      刪除
    5. 多些問候和關心她,讓她知道妳很在意她。讓她知道若果她ready談外婆,妳隨時隨地也奉陪!
      我很直,會直接告訴 Mr. Dolphin 我的想法,不喜歡把事情留在心裡。

      刪除
    6. 好提議!幸好我和媽媽目前還能夠維持一星期數小時一次的視像對話,我地都是口水多過茶的。我都係直的人,媽媽有時提醒我就算老公都不要說話得太直,是因為她後來才知道爸爸介意。但我做不到,他介意的話就不可能走下去了,對嗎?

      刪除
    7. 我舉手讚成! Mr. Dolphin 話呢個係我嘅優點 (幫自己加光環), 千其唔好變。
      我覺得 Brandon 都係鍾意和欣賞妳係妳,所以應該做番自己。我估年紀漸長,男人就會變得麻煩D (睇三國後感),不過,到時,我哋又會有方法和他們相處嘛!

      刪除
    8. Vicky 我揾唔番妳個 blog 呀!

      刪除
    9. 我喺hangout留了言給你!:)

      刪除
  11. 無得私下留言, 不過我都寫吓啦.

    睇完呢篇, 我嘅感覺同其他blog友唔同, 當然你媽媽好辛苦照顧你哋, 為家庭付出好多. 但係我第一個諗法就係....點解要為咗所謂"好啲嘅生活"長期分隔異地? 兩公婆/父母呢種想法, 我係完全唔會明白或者接受嘅. 尤其係有兒女嘅, 有乜嘢重要得過子女成長時父母喺身邊睇住照顧住? 窮有窮快樂, 父母長期唔喺身邊, 生活環境幾好又點話. 我自己覺得咁樣付出唔值得.

    個人意見而已, 請見諒.

    回覆刪除
    回覆
    1. 希望你也不介意我講幾句。唔少美國人知道中國餐館好多女待應做左媽媽,但放低BB喺中國大陸,自己返美國繼續打工,同我講佢地好慘又有,話佢地咁都做得出又有。我就諗係人地既決定,我地在旁看既可能覺得唔舒服或唔應該,但係諗深一層,佢地出發點都係想盡責任,只不過尺度同方式可圈可點吧!的確西方人無論家長去到邊個國家工作都普遍會帶埋小朋友。我曾經在學校接觸唔少外藉小朋友,都是因為父母而到香港讀書,有部份好唔適應,我感受到佢地既無奈都諗世事就係咁,為生活又好,自己又好,下一代又好,總有人會犠牲,程度大少,或時間長短不一而已!

      刪除
    2. Ceci, 見到妳嘅開場白,我笑了(是欣賞的)!

      我自己從來無同意過爸爸的決定但亦沒有能力阻止。睇得出媽媽好掛住爸爸,但媽媽從來也只會順從爸爸的決定,可能因為他們年紀差距成十年,媽媽很自然地覺得要聽從丈夫,而爸爸思想舊派,認為照顧孩子是媽媽責任,他的責任是在外打拼,且覺得要有錢旁身,先有安全感。我萬分認同妳對的說法,沒有一起生活太多,感情不夠深厚,後來,事實告訴我,爸爸不會選擇窮,他選擇建立新家庭及移民後,我便被"瘦身裁員",還好,我都有份移民,有政府支助完成學位! ^^

      刪除
    3. Vicky, 我明妳意思呀! 我覺得教育、思想、成長都會有影響。呢邊讀書/長大的朋友(同輩)都很重視陪伴子女成長,特別在孩子還小時,都盡量改變自己的工作、生活來配合孩子成長。不過,睇番 Mr. Dolphin 公司,都有好多同事無得揀(除非唔撈), 要放底家人到外地工作,而嗰D地方係唔容許家人去。不過,係有得揀嘅情況下,我都覺得,一家人一起生活是比較理想,豈碼有彼此的支持嘛!

      刪除
    4. 所以就係傳統中國人同受西方文化影響嘅人嘅分別囉. 我都有啲大陸同事, 生咗bb後唔想俾太多day care錢, 將個bb帶翻大陸俾公公婆婆養, 養到5歲入免費幼稚園就返嚟美國...... 跟住又話個仔唔聽話, 百厭之類. 大陸人特別覺得咁樣係可接受, 係好平常, 係生活"無可奈何", 為小朋友好之類之類.... 其實要俾藉口自己乜藉口都得.

      我個人比較多事實, 唔會淨係話人哋嘅家事唔到你理就變成無睇法或者選擇唔出聲. 都係嗰句啦, 如果父母價錢觀正確, 窮有窮快樂.

      刪除
    5. 美國 cost of living 已經比加拿大好,真係有D surprise 妳嘅同事(白領)會有咁嘅選擇! 時代唔同,依家生唔係因為人有我有,生前,都應該考慮清楚嘛!

      刪除
    6. 其實我都係有感而發,重點不在比較中國人同西方人。為人父母的矛盾,我想是親身經歷過的最深刻。

      刪除
    7. "為人父母的矛盾,我想是親身經歷過的最深刻.".......我又係極其唔同意呢個觀點, 好似覺得無做父母, 就會完全唔知道做父母嘅辛苦或者矛盾, 又或者無資格俾意見或批評. 當然, 同埋心唔係人人都有, 或者好強, 但亦唔代表所有人都唔會明白/感受到其他人嘅問題/難處.

      其實有好多無做父母嘅成年人, 就係因為非常明白做父母嘅要求, 矛盾, 艱難..... 至有意識地選擇唔去做父母. 可能就係因為咁, 會對嗰啲乜都唔諗清楚就生啲細路出嚟, 然後俾好多藉口自己嘅人更唔順眼. 海豚兒.... 其實仲有好多好多人對"結婚同埋生仔"都係抱住人有我有嘅心態架.

      再有感而發, 我其實非常唔明白點解人(尤其係女人), 對感情事就覺得可以judge其他人(例如有婚外情, 一腳踏兩船, 一夜情, 援交之類), 而且往往唔知道當事人自己點諗, 有無覺得自己傷害人/受傷害, 就會落啲非常明確嘅對與錯, 但係一講到教仔養仔... 就會話係人哋家事, 各家有自己難處. 其實要講受傷害, 小朋友更無助亦都無得揀無得離開.

      我係一個超級理性及consistent的人, 我覺得要judge就同一把呎judge所有人所有情況.

      刪除
    8. 我明白你的意思。我曾經接觸有部份家長面對外表比較年青既老師都擺出「你未做過媽咪你唔會明」既姿態,聽者不能認同而且也未必好受。所以我那句說話既意思是經歷過的人「最」深刻,不代表其他人冇感受或獨特見解。若果我說得不清楚,請見諒。我自己和老公喺工作環境遇過不同類型既小朋友同家庭,係心態上會有唔多唔少沖擊,不過仍然對組織家庭有憧憬同目標呢!相信海豚兒既樂觀性格將來也會感染下一代呢 :)

      刪除
    9. 我自己唔係母親,不過,因為我朋友少,身邊"全部"同輩朋友都有兩至三個孩子,同佢哋傾計時,我會好努力去墮入佢哋嘅角色,但許多時有一定難度,因為出發點唔同,睇到嘅嘢真係會唔同。例如,小孩每晩半夜喊醒,朋友們絕大部份都經歷過,他們都會係見面、Facebook 呻,但一般佢哋都好抗拒 cry out loud 方法,通常都係唔捨得,或者"針唔拮到肉係唔知痛," 對我嚟講,嘅然書本、有經驗nannies都建議咁做,點解佢哋都仲有咁多"原因"解釋呢個方法喺佢哋小朋友身上唔work, 所以,我都會同意Vicky想法,希望我無離題啦!

      刪除
    10. 要分段寫,因為ipad成日蝦我,好驚之前寫咗嘅突然消失。

      海豚兒亦見證過"有人"因為人有我有而生,仲親口同我呻後悔𡿨註: 當時已係兩孩子之家長),老實講,我當時心裡頭抖大氣,但把口都唯有繼續鼓勵,不過,好彩同輩朋友都係真心真意愛惜孩子且貧責任的父母,呢位"有人"亦係萬中無一--->我指喺我嘅微小細世界啦!

      刪除
    11. 我自己覺得有些事情有黑白之分,但有些事情卻無可奈何地存在於灰色地帶,所以,無辨法用同一把呎去量。但當然,要量嘅話,公平、公正係必須嘅!

      刪除