以下行程是海豚兒較為有深刻記憶,而排名絶對不分先後。
<<最短之行程>>
13小時來回多倫多及滿地可 (如果開車,車程要六小時一程。如果坐飛機,機程大概一小時) - 偉大的海豚兒管接管送,5:30am 就送 Mr. Dolphin 去機場坐飛機, 7:00 pm 再去機場接他回家。最可憐是,時間太短,沒有機會比海豚兒要求手信嘛,可知道 croissants 同 crepes 都係滿地可嘅名物嚟o家!
(細細聲地梗正: 其實朝早海豚兒眼瞓到唔肯揸車,要 Mr. Dolphin 自己開車去機場,等海豚兒係車到發呆,去到機場時,才肯~又或者可以話係死死氣揸番架車返屋企)
<<最被羨慕之行程>>
一定係歐洲莫屬! 一星期之內,不停在德/法/瑞士等國家邊境徘徊,簡直係寓公作於娛樂。當然,對海豚兒嚟講,重點之最是兩大盒超美味嘅瑞士古古力手信啦! 非常回味。。。唔知幾時再有得食呢? ^^
<<最"奇"之行程>>
1. 這絶對是中國之行。為了買手信給海豚兒,被老番(白人)同事老點,帶去專賣老番(番版)的商場, 還見識到這白人同事比街巿 C9 更勁嘅驚人講價技巧,重點係用英文v.s.講普通話嘅店主, 以超平價購買手信回加給他的妻兒。Mr. Dolphin 當時真係睇到目定口呆! 海豚兒則暗自高興沒有收到老番貨做手信!
2. 或者中國實在太千其百趣,另一件奇事也是發生在另一次中國之行. 話說,海豚兒唔知幾時聽人講過話大陸D鴨舌好好味,就請Mr. Dolphin 買返嚟試試。於是,Mr. Dolphin 就喺機場買了兩大包回來。喺機場買係因為感覺上好似衛生D,而且每條鴨舌都係獨立包裝,都似乎幾得! 點知,打開包裝望住條疑似鴨舌嘅物體係沾滿已凝固嘅醬油,咬開係有一條非常幼嘅骨,而又一定唔係鴨舌嘅骨,醬油下的鴨舌肉,味道疑似唔知係邊種動物嘅肉,而又唔係鴨舌應有嘅質感,到呢刻,海豚兒梗係吐掉+掉哂所有鴨舌啦! 不過,咁多年嚟,海豚兒都有懷疑自己係咪食咗老鼠肉。。。=_=!
<<最強之行程>>
其實海豚兒係非常支持 + proud of Mr. Dolphin 當年決定去非洲短期工作的決定。不過,不得不承認嗰幾個月,佢真係"捱"得好辛苦,工作時間長,無啖好食,而且又無人無物。依然好記得送機嘅片段,心裡頭有萬般不捨,而眼淚會好似水喉閂唔實咁滴出來,還好,一切已成過去。
<<最雞犬不寧之行程>>
話說 Mr. Dolphin 和數位同事一同 road trip 數天. 當中有兩位同事較為有主見,而他們的想法又往往距離好遠,所以經常爭持不下,每天在途上吵吵鬧鬧,真係難為其他愛安靜而又無所謂嘅同事們。
<<最美滿之行程>>
呢次係去多倫多附近的 Niagara Falls (你瓜我瓜大瀑布) 兩日一夜嘅行程,海豚兒有幸做跟得海豚, 喺 Mr. Dolphin 做工時,自己週圍行街街 + 食嘢。美滿係因為可以試一間想試好耐嘅 Brazilian Steakhouse, 佢係一間 dinner buffet restautant, 主打 grilled meats. 食完一餐咁 heavy 嘅晚飯, 又可以留係酒店住番晚,唔洗趕住揸返 1.5 鐘頭車返屋企,真係幾爽!
出差有好有唔好啦, 有家庭的就比較掛心。
回覆刪除佢比較痴家,一個人上路會令佢好唔安心!
刪除出差其實都辛苦, 周圍環境未適應, 但又要工作有Output, 如果有超過6小時的時差仲慘, 連打電話返屋企都要計住時間,
回覆刪除LJ實在太明白Mr. Dolphin的苦況,以前試過因為時差,佢每日4am起身同我skype半小時,然後返工。
刪除後生出差見識吓都好,年紀大咗出差就係苦差。
回覆刪除我都好認同,但後生而體質唔fit都幾苦惱架 =_=
刪除妳有冇跟過佢一齊出差架?
回覆刪除淨係跟過去Niagara一次咁巴閉ja!
刪除佢D出差係突發,佢坐商務,我坐經濟咪妒忌死我! ;)
如果有正o既行程 (e.g.歐洲個d), 坐economy都由佢啦! :p
刪除但幾日前買嘅經濟位係商務位個價,我咁cheap, 唔捨得呀! $_$
刪除Mr. Dolphin好好彩有妳支持佢呢!另一半出差有好有唔好,人地話少別勝新婚丫嘛!
回覆刪除我有食過獨立包裝果啲鴨腎,又OK喎!唔通你食果啲過左期?哈,唔嚇妳喇!
瀑布我到過一次,美加兩邊都有睇到,又睇埋夜燈效果,超靚!!有冇坐Maid of the Mist? 好刺激!:)
唔大力支持,佢就有藉口唔去嘛。
刪除過期都無個texture唔同咁驚呀! 哈哈!
真失禮! 第一次去係聖𧩙,太凍,所以無坐條船"片"埋去,之後,又無咗遊客感覺,所以咁多年都淨係遠觀~
可能真係大陸牌鴨舌「特別」啲,我食過嘅都係來自台灣,妳有機會要再試呀!
刪除我好彩坐過船感受過,屋企人都好想去,或者到時再坐多次!:)
由妳嘅文字感受到妳同Mr. Dolphin都好難捨難離呢,真sweet!!
可能記錯都唔奇,我都試過將Vegas兩間酒店攪錯,lol!
刪除hehe, 可能因為我哋喺多倫多無其他親人呢!
應該唔係大陸D鴨舌好味呀,係台灣呀..老天祿的
回覆刪除身邊d朋友都好驚出差,工作量又一樣仲要日日應酬
係唔係深啡色、好長、好大條、好似有鬚咁架?
刪除D鬼佬好鍾意出差放工啤啤佢,大魚大肉入公數嘛!
海豚兒:
回覆刪除~我超級鐘意出差, 以前都唔知幾恨!! 公司叫我出差!!可能我真係太喜歡周圍跑!!
~其實, 你現在你個base 係邊??你哋住邊??美國, 加拿大定係香港??
我都好羨慕我老公可以出差,但可惜佢真係"真心厭惡",無計!
刪除我仲喺多倫多呀,都好想有得搬,好似妳同Brian咁,幾爽! ^^
我老公每星期出差四日,佢慣咗,我都慣咗。佢對出差唔抗拒,只係有時有啲projects唔鍾意做想快啲轉locations。
回覆刪除妳老公當過兵,身經百戰,對於每星期出差一定難佢唔到 ^^
刪除若果好似妳哋咁,weekday有番D私人空間,某程度都幾正,我都唔介意,hehe.